السلام عليكم

اتمنى ان يكون جميع الاعضاء بصحه وعافيه ...

راح ادخل في الموضوع على طول والسبب بعض المواضيع والمشاكل اللي اقراها ...

ما ادري ايش صاب بعض الرجال وبعض النساء احس انهم فقدوا عقولهم او توقفت ادمغتهم عن العمل ,,

صراحه ما ادري! ,,, اغلب المواضيع اللي صارت يتداولها هذا القسم موضوع الخيانه لييييييش ؟

لهذي الدرجه الواحد ماعاد يفرق بين الصح والخطأ لهذي الدرجه ابتعدنا عن الدين وصار الواحد يتخبط ولا

يحسب لتصرفاته حساب ,,,,

تبغون الصراحه لا يوجد هناك سبب يخلي الواحد يخون مهما كانت مشاكله ,,,, ومو مبرر لما يقول او تقول

سبب الخيانه التقصير ابدا مو مبرر ,,,

لكن المصيبه اني اشوف العكس واقرا النقيض تماما ,,,, انه المرأه صارت تخون بس مافي مبرر بالعكس

تمدح في زوجها وانه موفر لها افضل سبل الراحه ويراعي مشاعرها ويلبي طلباتها ,, طيب ليش لييييش

تخونين ,,, ياناس والله سؤال مجنني ؟؟؟ انا اعرف نساء يعانون من معاملة ازواجهم لهم وتسلطهم

وينحرمون من اشياء هي من ابسط حقوقهم لكن ما اعطت نفسها الحق انها تخون بالعكس جالسه

تحتسب الاجر ,,,

والعكس صحيح بالنسبه للرجل لما تكون عنده زوجه تنوزن بالذهب وما تقصر معاه لا بصغيره ولا بكبيره

تلاقيه يلعب هنا وهناك يكلم هذي ويغازل هذي وزوجته محرومه من الكلام الحلو طيب ليش ؟ يعني

لازم تجيك وحده ما تخلي ليلك ليل ولا نهارك نهار ولسانها متبري منها عشان تحترمها وتقدرها ؟

والله ما كتبت هذا الكلام الا وانا حانفجر ما توقعت هذا الاستهتار في العلاقه الزوجيه ولا توقعت اني في

يوم باقرا مثل هذي المواضيع وخاصة من النساء .... وين الحياء وين الخجل من رب العباد والمشكله

انها لما تنكشف تقول انا تبت طيب ليش ما تبتي قبل لا تكنشفي او بالاصح ليش تفكري بالخيانه من

اساسه وانتي عايشه احسن عيشه وعندك رجل يقدرك ويحترمك ؟

كتبت لانه الوضع بصراحه المني كثير وكتبت لانه في موضوع استفزني انكتب هنا قبل فتره وذكرني

باخوي والـ10 سنين اللي ضاعوا من حياته مع امرأه خاينه ما احترمت بيتها وزوجها وعيالها وقبل كل هذا

ما خافت الله ,,, وتركت اخوي مثل المصدوم معظم الوقت سرحان ومكتئب شكله يقول لنفسه بايش قصرت

او في ايش غلطت ,,, ماراح امدح اخوي لانه يكفي انه الله شاهد انه عمره ما مد يده ,,, كل ما طلبت طلب

لبى لها طلباتها ,,,, سفرها وما خلى على قلبها شي ,,, اكرمها ودلعها وخلاها ملكه في بيتها ,,,,

لكن كل اللي سوته جازته بالخيانه ,,, لكن ما اقول الا حسبي الله ونعم الوكيل فيها وفي مثيلاتها ,,,

والله يعين اخوي وكل رجل انصدم بزوجته والله يعوظكم خير باذن الله ...

صدقتي عمر التقصير ماكان سبب في الانحراف .... السبب الحقيقي هو عدم الخوف من الله وضعف الوازع الديني

__________________
لآ تخليني على الدنيـــــــــــآ وحيد ...
لآ تشوفك عين ولآ أذن تسمعكــــ

مشكوره على ردك عزيزيتي ,,,, صحيح انه ضعف الوازع الديني من اهم الاسباب لكن احس انه فيه شي

غريب ومو عارفه اوصل له ..

الخيانه ماله اي مبرر نسأل الله الستر والعافيه

وبكل بساطه اللي يخون تلاقي صديقه الصدوق هو الشيطان نسأل الله لهم الهداية

اللهم امين ,,, لكن التعوذ من الشيطان واشغال النفس باشياء تلهيه عن هذي الافكار ابسط وافضل من

الخيانه ... سلمتي على الرد

الله المستعان
زمن فتن القابض فيه على دينه كالقابض على جمر

عهد بدوية
صدقتي عمر التقصير ماكان سبب في الانحراف .... السبب الحقيقي هو عدم الخوف من الله وضعف الوازع الديني
انا معاك بكل كلمة

__________________
النفوس هي النفوس بس فيها اليوم حقد ...
و( القلوب ) نفس القلوب بس ماتقدر تحب .. اللهم صلي على محمد

مشكوره على المداخله

هم قبضوا على شي !؟ اسال الله لهم الهدايه

انا تعبت من هلمواضيع
واتعب اكثر عندما اسمع برجل او امراه سواء من هلمنتدئ او غيره انه يخون
او حتى بنت او شاب مضيعين عمرهم ع معاكسات وتضيعة وقت قبل لزوووووووووواج
مااقول الا انا لله ونا اليه راجعون وحسبي الله ونعم الوكيييييييييييييل .