السلام عليكم

أخواني أخواتي كل رمضان وكل سنه وأنتم بخير

مشكلتي مع زوجي الحبيب في بداية حياتنا كنا ساكنيين بشقه وجمعنا مبلغ

واخذنا قرض من البنك واشترينا فيلا والحمدلله زوجي ماقصر أثث الفيلا من افخم الاثاث والشاشات

والخدامه وووووووو ماشاءالله والحمدلله وفرلي كل شي المهم الحين قربنا نسدد قرض البيت

وزوجي جاه ورث من أبوه الله يرحمه يعني زوجي ألحين مرتاح ماديا ويقدر يعيشني ملكه

المشكله في زوجي انه صاير يشتكي من المصاريف يعني حتى لو طلبت منه أشياء ضروريه للبيت

يشتكي يقول انتي طلباتك كثير ماتخلص !! مع انه يجيبها لي مايقصر بس لاااازم يتذمر هذا وهو وضعه

المادي زين ,,يعني اول قبل الورث كان يسفرني وداني ماليزيا وتايلاند 3مرات وداني دبي كم مره

اما ألحين بدا يشد شوي وسألته ليش كذا تعاملني مع ان وضعك المادي زين ؟ قال انا افكر اشتري

لنا عماره ترجع إجار عشان لو توفيت تعيشون مرتاحين ؟ أنا صراحه تنرفزت وش اللي يفكر بالمستقبل !

يعني الواحد مايضمن عمره أنا ماأحب التفكير بالمستقبل ! يقولي اجل وش تبين قلت له نبي

نتهنى بفلوسنا ونلعب بها نبغى نروح اوروبا ونبي نشتري من الغالي بالألاف وش فيها يعني

مدام تونا بشبابنا بكره إذا شيبنا بنندم وماراح ينفعنا هالتوفير وهالعماير اللي بنسويها

والله زعل مني وقالي انتي ماعندك احساس بالمسؤوليه وراح من البيت وخلاني

اخواني أخواتي أنا غلطت عليه بشي وش رايكم مو معاي حق أعيش حياتي مدام توني بصحتي وعافيتي

وشبابي

أحس الدنيا ماتسوى عشان الواحد يوفر لها والله ماأضمنها دقيقه

ما اعتقــد ان الموضووووع كبيــر

احس ان زوجــك يبغى يشوف منــك تقدير بمعنى انك تحسسينه بالتقدير

ونك مقدره تعبه عشان كذا يقوولك انتي طلباتك كثيره وكذا

حل مشكلتك بسيطه اذا جاب اي شغله
اكثري من كلمــات الثنااء


والان اذا رجع كلميه وقولي انا مقدره تعبك و و و

ترا هالكلام مهم للرجال

اسمحيلي انتي غلطاااااااااااااااااااااااااااااااانة

زوجج تفكره سليم 100%

ما يبي يخليكم عالة على غيركم بعد وفاته

وهو ما قصر معاج عطاج اللي تبين واكثر

يا دورج الحين اللي تسوين له اللي يبي

ولي متى بتستانسين؟؟؟


ربنا سبحانه وتعالى يقول

ولا تجعل يدك مغلولة الى عنقك ولا تبسطها كل البسط فتقعد ملوما محسورا

وانتي بسطتيها بما فيه الكفاية


الحين قومي روحي صالحي زوجج وتاسفي منه

وعلى راي المثل دام صاحبك عسل لا تاكله كله

احسن ما يروح حق ثانية ويخليج على راحتج تسافرين وتهيصين

__________________
لا اله الا انت سبحانك اني كنت من الظالمين

والله معك حق في كل كلمه قلتيها
حلو تستمتعين بشبابك وتنبسطين وفي نفس الوقت ضروري التخطيط للمستقبل
الفلوس اذا ماستثمرتيها بتروح هباء منثورا

للاسف هذا تفكيرك تفكير قاصر

انا مع زوجك ألف المية ...


والمصيبة في نظره أنك تريدين فعلا ( اللعب ) بالمال وهو تفكيره منصب على تأمين وضعكم المادي بعد عمر طويل ان شاء الله ..



هذا زوجي زي زوجك بالضبط ..ناوي أول ما يخلص القرض يشتري عمارة ...

وهذا هو التفكير السليم ...وأنا معاه ....صحيح اتمنى أشياء ....بس صعب يكون زوجي بوادي وأنا بوادي .... وخصوصا انك قلتيها تريدين البعزقة بدون حساب ...


سامحيني بس حسيت بزوجك وحسيت بقهره أن زوجته توأم روحه قلبها مو معه ولا يدها على يده ...

الحق مع زوجك يبي يضمن مستقبل اولاده مااتدري بكره وش مخبي لك

الواحد يرفه عن نفسه بالحد المعقول مو يضيع فلوسه على اشياء مالها قيمه

__________________
لااله الا انت سبحانك اني كنت من الظالمين

مشكورين على تفاعلكم بس أنا قصدي نلعب بها يعني مو نلعب بها كلها !! يعني نرفه عن نفسنا شوي
يعني زوجي ورثه كبير جدا جدا يعني اش فيها لو خصص لنا سفره كل سنه بأربعين ألف وش راح يضره
صدقوني هو يقدر بس مايبغى يعني لو صرفنا الاربعين ألف بكل عطله وسافرنا فيها ماراح تجي العطله الثانيه إلا
ورجع الاربعين الف اللي صرفنها بالعطله اللي فاتت لأنه عنده من الورث أشغال ثانيه وعماير حق أبوه تدخل له بالسنه قرابة الميتين ألف هذا غير السيوله اللي عنده

أختي إيمآن ,
تفكير زوجك أنآ معـآه 1000%
يعني أحمدي الله بأن رزقك بزوج يخآف عليك لهذي الدرجه
الرجال حب يأمن مستقبلك أنتي وعيـآلك بعد طولة عمر ان شاء الله
عشـآن كذآ لآ تخربي بيتك بنفسك على أمر أنتي مخطأه فيه 100%
زوجط تفكيره صحيح وسليم ,,
ولآ تنغصي على حيآتكمـ وهدوءها بأمور تآفهه

حكّمي عقلك قبل تخربي بنآكم ,

بعدين تقدري تسافري وتستآنسي لكن بالشكل المعقول
والصرفيه المعقوله , اللي ترضيك ولآ يتأثر منهـآ زوجك

,

الله يبآرك لكم بمـآ رزقكم به الكريم ,

موفقه ,

هذا التفكير الصح
انا زوجي يحب السفر وانا اقوله اجمع نبغى بيت ملك الواحد ماهو ضامن عمره
عيالك بكره لاقدر الله وصار شي وين يسكنون!!
زوجي مسررررررف وانا احاول اعوده والحمدالله بديت اعوده على الاقتصاد ونجمع ضمان للمستقبل
فكري بالمستقبل افضل من الحاضر
السفر متعه وقتيه وتزول لكن الفلوس امااااااااان صدقيني

__________________
اللهم لك الحمد والشكر
"ولئن شكرتم لأزيدنكم"