السلام عليكم و رحمة الله و بركاته

بأخد رأيكم في موضوع ..

أنا تربيت في أهلي إنه النعمة نحترمها ، علشان ربي يبارك لنا في حياتنا و رزقنا .. و حتى زوجي بيت
أهله نفس الشئ .. يعني مثلا : تطيح اللقمة من يدي .. أشيلها و أقول بسم الله و أمسحها و أكلها ..
و هذا الشئ من السنة زي ما أعرف ..
و الأكل الباقي ما أرميه و أشيله و العيش الناشف ما أرميه في القمامة و كذا .. و أشيلها و أعطيها
للجيران و هم ياخدوه لمزرعتهم و يعطوه للغنم اللي عندهم ..


المشكلة :

نحن في بلاد الغرب حاليا ، و صح الأتيكيت مطلوب لكن مو على حساب ديني .. هذا مبدأي ..
و أنا إذا شفت عيش على الأرض أقوم أركنها على الجنب و يبان للناس إني ركنتها ، مو أخدتها ..

زوجي يتضايق من التصرف هذا و يقول اتركيه ، فصرت أشوف النعمة في الأرض و أتركها علشان ما أحرج
زوجي ،، بس لو أنا اللي طيحت النعمة ، فما همني أشيلها ..
بس لو كنت لوحدي أشيل النعمة سوواء لي أو لغيري و أتقصد إني أبين للآخرين إني بأركنها مو أكلها ..
علشان لا يقولوا ، شوفوا المسلمين كيف متخلفين ، ياكلوا بقايا الآخرين و تعرفوا تفكيرهم

المهم ..

أنا أبغى أعرف ؟ إيش المفروض أعمل إذا شفت نعمة على الأرض ؟؟؟؟
مرات إذا كان في (حمام أو بط ) خلاص أكون عارفة إنهم راح ياكلوها .. لكن عيش مرمي و الناس
تدعسه ؟؟؟؟؟ قلبي يحرقني .. ما تربيت كذا


مشكلة 2 :
دحين زوجي مربي ولدي على الشئ هذا ، إذا بياكل مثلا حلاوة أو بطاطس و طاحت عالأرض ..
يتركه عالأرض و ما يشيله .. و أنا معلمة ولدي إنه يشيلها ، لو كانت نظيفة يمسحها و ياكلها ..
مثلا بطاطس و طاحت على فرشة أو سيراميك نظيف .. يمسحها و يسمي و ياكل ..
أبغى أعلمه و أربيه على اللي تربيت عليه أنا .. لكن طبعا لو توسخت يشيلها و يركنها على جنب ..


أمس في البيت جالسين و ولدي ياكل توست ، و طاحت عالفرشة .. شالها و جاء بيرميها في الزبالة ..
و يعاندني ، و ما خليته .. قلت لزوجي ، شفت كيف تربى الولد ؟؟؟؟ صار يرمي النعمة في القمامة ؟؟؟
و زوجي سكت و حس بغلطه ..

قمت جبت كورن فليكس و مثلت قدام ولدي إنه طاح من يدي ،، و قمت مسحته و قلت بسم الله و أكلته
و نفس الشئ زوجي مثل عليه .. بس في الشارع زوجي مستمر في تصرفه معاه ..

طيب الولد بيتلخبط مخه ؟؟؟؟

قبل شوي ، ولدي بياكل ايسكريم ، و طاحت قطعة صغيرة على يده .. قام يطالع فيا بطرف عينه و أكلها
لإنه لو أبوه كان مكاني ، كان قال له ،، ارميها ؟؟؟؟


----------------------------------------

سؤالي :

أنا صح و لا زوجي ؟؟؟؟ و السبب ..؟؟؟ زوجي يحترم النعمة لإنه هو تربى كذا في بيت أهله ،،
بس ينحرج من الناس لإنهم ما يفهموا .. و أنا ما أحب أجامل غيري إذا كان معارض للدين ..
و ما أحب أدخل في جدال مع زوجي ، يكفي وضحت وجهة نظري مرة و أعمل اللي مقتنعة فيه ..


بس المشكلة ولدي بيتأثر ..
إيش أعلم ولدي بالضبط .. خاصة وو نحن في بلاد الكفار و هم ما يعرفوا يقدروا النعمة ؟؟؟؟
قبل كم يوم زوجي شافهم يلعببوا بالعيش زي الكورة ؟؟؟؟ مو حرام كذا ؟ طيب ليه نحن نصير مثلهم ؟
و إذا أنا ما علمت ولدي ، و في المدرسة ما يعلموه .. و الجيران كلهم ما يحترموا النعمة ..
و شغالتي ترمي الأكل و علمتها تشيله و تحط العيش الناشف في كيس و نأكله للبط و الوز ..
و زوجي ما يعلمه .. ( طيب كيف راح يتعلم يحترم النعمة ؟؟؟ )


الموقف يتكرر يوميا تقريبا ، أو كل يومين .. و حتى في البيت ؟؟؟؟
و أنا ما أبغى يصيبني تبلد و أبدأ أصير مثله .. لإنه حاسة بأتغير للأسوأ من غير ما أحس ..

وعليكم السلام

صوميهم اثنينهم الولد وأبوه

علشان إذا جاء وقت الفطور بتشوفيهم يأكلون الأرض وثيابهم أكل كل ما طاحت عليها اللقمة


::-::

أنت استمري بتعليمك لولدك حتى يتعود على هذا السلوك

وبإذن الله بتشوفي ولدك مو يتصرف مثل ما علمته فقط بل ينصح أبوه ،،،، وينبهه مثل ما أنت تنبهيه

لذلك المسألة بسيطة استمري بتعليم ولدك ولا توقفي وإن شاء الله ما يتلخبط بينكم






عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

أخوي عزوبي بس رجل

أنا أقول لولدي شيل اللقمة ، و يجي بعد شوي أبوه إذا شافه شال اللقمة .. قام ضربه ؟؟؟؟
على طول ضرب إذا ما كنت موجودة ..
( زوجي طيييب .. بس مع ولدي كأنهم أطفال الإثنين .. )
يجلس ولدي يبكي ؟ و أسأل زوجي .. يقول ضربته علشان شال اللقمة ..
و ما أحب أكسر كلمة زوجي قدام الولد ..


طيب هل كل الناس كذا ؟ و لا نحن بس كذا تربينا ؟؟؟؟
هل صحيح أشيل الخبز إذا شفته مرمي على الأرض و الكل يدعسه ؟
و لا أتركه و ربي ما يحاسبني إلا على نفسي ؟؟؟؟

لإني صرت الصراحة زي زوجي من غير ما أحس ..

اقتباس:

المشاركة الأصلية كتبت بواسطة روح الطير أخوي عزوبي بس رجل أنا أقول لولدي شيل اللقمة ، و يجي بعد شوي أبوه إذا شافه شال اللقمة .. قام ضربه ؟؟؟؟ على طول ضرب إذا ما كنت موجودة .. ( زوجي طيييب .. بس مع ولدي كأنهم أطفال الإثنين .. ) يجلس ولدي يبكي ؟ و أسأل زوجي .. يقول ضربته علشان شال اللقمة .. و ما أحب أكسر كلمة زوجي قدام الولد .. طيب هل كل الناس كذا ؟ و لا نحن بس كذا تربينا ؟؟؟؟ هل صحيح أشيل الخبز إذا شفته مرمي على الأرض و الكل يدعسه ؟ و لا أتركه و ربي ما يحاسبني إلا على نفسي ؟؟؟؟ لإني صرت الصراحة زي زوجي من غير ما أحس ..

طيب قولي كذا من أول أن المشكلة ضرب زوجك لولدك

لأني فهمت أنه زوجك ما يضرب ولده ...

فقط محاولة تغليب سلوك إيجابي على سلوك سلبي

لذلك صارحي زوجك على انفراد ...

زوجك يظن أن شيل النعمة سلوك مقرف ويمكن هذا الذي تربى عليه في بيت أهله

وإذا حصل موقف مشابه فبنظرة منك ممكن تذكريه ...


والله يهدي زوجك ويصلح ولدك




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

اقتباس:

المشاركة الأصلية كتبت بواسطة روح الطير طيب هل كل الناس كذا ؟ و لا نحن بس كذا تربينا ؟؟؟؟ هل صحيح أشيل الخبز إذا شفته مرمي على الأرض و الكل يدعسه ؟ و لا أتركه و ربي ما يحاسبني إلا على نفسي ؟؟؟؟ لإني صرت الصراحة زي زوجي من غير ما أحس ..

لا يا أختي حتى نحن تربينا كذا

حتى الأكل الزايد نغلفه و نحطه في الثلاجه
و كذلك المعلبات إذا زاد شيء نقصدرها و نحطها في الثلاجه
و كذلك الخبز و الرز نجمعه و إذا ذهبنا للديره نعطيه الأغنام و البقر
و حتى في المطاعم عني أنا و إخوتي إذا زاد أكل نطلب من القرصون ( حلوه قرصون ) مسوي أتيكيت
نطلب منه يغلف الأكل و أي عامل نقابله في الطريق نعطيه الأكل و إذا مالقينا حميناه لليوم الثاني
و إذا رأيت أكل على الأرض أشيله و أجنبه عن الطريق

انتي الصح ماشاء الله تياربك الله ...

وعليك بتعليم ولدك اكثر تعاليم الدين وترغبينه بكسب الاجر ويتذكر الاجر كل ما عمل خير
وانتي اقنعي ابؤه وخبريه بلاجر وكذا مانفع اتركيه

وترئ مهما كان
اي طفل صغير يتاثر بلام وبلاخص اذا كانت قريبه منه وتسؤلف معه

هو بيتاثر بها اكثر ويسمع لها ...
فكوني ام وصديقه بنفس الوقت ...
الله لايحرمك الاجر ويخلي لك ولدك ..

ما شاء الله تبارك الله
اختي احي فيكي اخلاقك الفاضله و الله يجزي اهلك كل خير على التربيه الصحيحه
و الله يكثر من امثالك آآمين

من ناحية الشرع ما عندي اي خلفيه اذا الواحد يسأل فقط عن نفسه و عن ما حوله بخصوص هذه المسأله
بس الدين وصى بالنظافه و إماطة الأذى عن الطريق,, و لك الأجر ان شاء الله

الشي الثاني الأطفال يتأثرون و يستمعون للأم اكثر من الأب, خاصة و انها معهم طوال اليوم و هي من تفهمهم اكثر من الأب.

فأنتي خليكي مستمره على تربيته بما ربيت به و ان تقولي له ان ينصح هو اباه ايضا و لن يضيعع عملك ان شاء الله
و شيئآ فشيئآ سيتأثر الأب ان شاء الله

بارك الله فيكي و حفظ لك عائلتك

__________________

الامومة هي ان تضحي بكل شيئ جميل ليكون في اطفالك الاجمل

أخوي لوف أو لايف

أنا كنت مشغولة قبل مع الجامعة و كان أغلب وقته مع الشغالةة أو زوجي ..
و كان يجلس مع الجيران و كلهم انجليز و ينببسطوا عليه ..
بس دحين تفرغت له الحمد لله .. و أشتغل على مشروع تخرجي من البيت مو الجامعةة ..

علشان كذا جالسة أصلح فيه قد ما أقدر ..

----------------------

أخوي معدن الرجولة

الله يجزاك كل خيييييير و يجزاك الجنة يارب .. قريتها و استفدت الحمد لله ..
و قريتها لزوجي قبل شوي .. و سألته هااه كيف مو حلو ؟
قالي فيه أشياء أول مرة أعرفها ..

بجد ربي يكتبها في موازين حسناتك

و نصيحتك على العين و الراس .. و هناك أمور كثيرة الصراحة كان زوجي معارضني عليها أول ما جينا
هنا ،، و بعد ما بعدت عنها من كثر معارضته لي ،، صار الحمد لله هو بنفسه يعملها و ينصحني عليها ..

يعني أول ما جينا كنت أحسه ينحرج يبين إنه مسلم .. ببس دحين صار يمشي بفخر و اعتزاز ..
و الحمد لله .. بس الشئ هذا ما قدرت أقنعه فيه .. و إن شاء الله على يدكم

---------------------

أخوي عزوبي بس رجل ..

ايه ، الإتنين يتصارعوا و يتصافوا لحالهم .. مرات يعض ولدي ، و يقوم ولدي يبكي .. أقوله روح عضه إنت
كمان .. مو رجال ؟ دافع عن نفسك ..

بس في موضوع النعمة أخاف ربي يعاقبنا و يزيل نعمه عننا .. و ما أتحمل الصراحة أشوف الأكل ينكب ..
و أنا جيت سألت ، لإني صرت أشوف نفسي بديت أتهاون كثيييير في ذا الموضوع ..

و أمي كانت تخاصمنا لو حبة رز عالأرض و دعسناها ، و لو أكلت السندويتش و أنا بأمشي .. تقولي
أجلسي و كلي علشان لا يتفتتفت العيش عالأرض و تدعسوه .. بس زوجي في ذا الموضوع جدا
متهاون ..

و شكلي من جددددد ..
بأركز على ولدي أكثر شئ و أبوه راح يتأثر إن شاء الله إذا شافه مهتم ..

الحين يا روح انتي شاركتي بموضوعي
وعرفتي اني امرأه من خلال موضوعي
و الحين تقولي اخوي

راح اعديها لك هذه المره بس مره ثانيه

__________________

الامومة هي ان تضحي بكل شيئ جميل ليكون في اطفالك الاجمل

هموسة يا قلبي ..
زوجي مرات أحسه طفل كبير من جد .. و ما يسمع الا اللي يعجبه و يقلدني مرات لا شعوريا ..
و أنا ما أحب كثرة الزننننن .. و أعلمه بالطريقة اللي أحسها تناسبه ..


مثلا ، صلاة الجمعة أول مرة ياخد ولدي يوم شافني أخدت ولدي الجمعة معاي مرة ..
علشان أبغى ولدي يشوف ناس تصلي .. و خاصة إني مرات كنت أصلي في الجامعة و الشغالة
ما تصلي..


بس في هذه ما أعرف كيف أأثر فيه ؟
لإن زوجي يحب قدام الناس يبان إنه ( بريستيج ) ..

قلت يمكن بيوم يدخل و يقرا الردود هنا و يتأثر بردودكم ؟؟؟
و تكسبوا أجره ؟ أو أنقل له بنفسي كلامكم ..
لإنه مرات يرمي الأكل الباقي في القمامة الله يعزكم ..

و ولدي راح يعيش هنا سنوات بإذن الله و هذه الفترة اللي بيتعلم فيها ..