متزوجة صار لي خمس سنوات وعندي بنت و ولد

عانيت من مشاكل عديدة مع زوجي وصبرت وتحملت وواصلت حياتي تحملت الضرب والسب والإهانة والفقر والسرقة لأموالي والخيانة وغيرها وغيرها من المشاكل.

كنت دايما أفكر بعواطفي وأخاف من الانفصال بسبب أولادي وأنني لا زلت أحبه وأحس إنه يحبني بس مو قادر يسعدني لأنه عصبي وفقير وفيه عيوب وايد.

الحين هو يمر بأزمة ، حكم عليه بالسجن من يومين في قضية تخص شغله وسرح من العمل، بكيت وايد عليه وعلى أولادي .

اليوم اكتشفت انه ماخذ فلوس من حسابي من غير علمي تضايقت وايد، انا أساعده دايما ما عندي مانع أعطيه لكن ياخذ من دون علمي هذا الشي يزعجني.

قررت اني أتخلى عنه وأتلاكه على الرغم من أنني لا زلت أحبه ويكسر خاطري وطالب مني أكتب له رساله تساعده في اثبات براءته وكنت فعلا بوقف معاه وبساعده لكني الحين مقهورة ونفسيتي تعبانة منه وايد وايد.

اتصل فيني وهو يبكي ويقو ظلمتك وايد سامحيني وبتغير ان شاء الله لكني ما عدت أثق في كلامه.

شنو تنصحوني أواصل معاه وأوقف جنبه أو أتخله عنه بهذي الظروف واطلب الانفصال...

ريحوني اذا تقدرون تعبانة وايد والله أكتب لكم وادموعي على خذي من ألم وفراق ووحدة ومعاناة

أرجوكم ساعدوني

ضاقت فلما استحكمت حلقاتها فرجت وكنت أظنها لا تفرج
الله يجعلها آخر الآلام ويعجل بتوبته من هالموقف
صبرتي الكثير وبقي القليل بإذن الله


الله يفرج همك حبيبتي

أنصحك ماتتخلي عنه في ظروفه الحالية

وأنصحك لاتكتبيله رسالة اثبات براءة خليه يحس ويذوق الألم شوي عله يتوب

أوقفي معه معنوياً فقط

أعينيه على التوبة ولو تقسي عليه شوي دام بصالحه لاتترددي

معليش اختي عندي سؤال
هو مدمن؟
ليه يسرق ؟

انتظري للحديث بقيه

مشكورة حبيبتي

ما فهمت شنو تقصدين مدمن مخدرات مثلا

ما أدري وصار ما عندي ثقة فيه، بس هو صار له سنة موقوف عن العمل وحالته المادية جدا صعبة

بس سالفة السرقة حدثت من زمان كان مديون للبنك وأخذ مني فلوس بدون علمي وسامحته بعد اعتذار وندم، لكن عاد وكررها بعد فترة ولادتي الأولى كان محتاج لمصاريف البيت والمستشفى

هو من النوع اللي لا يحسسني إنه ما عنده فلوس وما يقدر يصر علي لأن ظروفه المادية صعبة منذ بداية زواجنا، وفي نفس الوقت ما يطلب مني يمكن خجل؟

لكن ما يخجل ياخذ من وراي

بس إنه مدمن لا أعتقد

يمكن مريض نفسيا

بانتظار التفاصيل يمكن نوصل معك لحل

هو حسب كلامه انه قضيته متهم بسرقة مبلغ

بس هو يقول ان بريىء ومظلوم بس أنا ما أصدقه ولا عندي ثقة في كلامه

والله محتارة وتعبانة

يا أختي

أنا لن أتكلم عن أنك تحبيه أو لا

ولن أتكلم عن أنك سوف تواصلين معه أو لا

ولكن أتكلم عن أنه أبوعيالك

يعني إذا دخل السجن

عيالك يوم من الايام سوف يتاثرون بذلك وربما تتأثر سمعتهم

وربما سوف يلومونك إذا علموا أنه كان بإمكانك الوقوف بجانب والدهم ولكنك تخليتي عنه

.
.

شوفي

مسألة إنه أخذ من مالك بغير علمك هذه غلط منه ولا أحد يؤيده

ولكن أنت ماكان عندك مانع في مساعدته مالياً ( إللي مزعلك فقط هو عدم علمك )

لذلك ..

أنصحك

أولاً: بالوقوف بجانب زوجك وإخراجه من هذه الورطة

ثانياً : مراجعة نفسك وطريقة الحياة معه إن كانت سوف تستمر أم لا وأخذك القرار بعد ذلك


أعانك الله

مشكور أخوي

ياما وياما وقفت جنبه ولا قصرت لكن ينساني في لحظة

وأحس إني كلما وقفت جنبه أضعف أكثر وأكثر واللي مضعفني زيادة إن ما عندي حد يقويني

حبيبتي انتي انسانة عظيمة واهنيك على صبرك
اعطيه فرصة يالغالية ومثل ماقالو الاخوان مايرضيك ابو عيالك يدخل السجن هذي سمعة اولادك والثوب الوافي مايجافي احبابه وانتي بنت اصول صعب تتخلين عنه وهو محتاج لك
دائما يالغالية تخلي عن الشخص بوقت هو ماهو محتاج لك وهنا فعلا ممكن تاثرين فيه ودامك تحبينه اكيد الامور كلها راح تتصلح باذن واحد احد الله راح يهدي لك زوجك بس عليك بالدعاء والتضرع الي الله جل في علاه فهو مايخلي احد ذكريه بالله وادخلي بقلبه الخوف من الله عليك بالاتسغفار الدائم والحي على ربك فهو يحب العبد اللحوح
اسال الله ان يهدي لك زوجك ويجعل هذي اخر مشكلة بينكم بس انتي توكلي على الله ولاتتركيه بعز ماهو محتاج لك

مشكورة عزيزتي

كلامك وايد عاطفي لامس مشاعري وبكاني

بس آنا أحس إن زوجي ماراح يتعدل وانا مجرد قاعدة أضيع نفسي معاه

تعبت وانا أدافع عنه وأرقع في زلاته وخصوصا مشكلة أخذ الفلوس هي اللي متعبتني

أخاف إنه حرامي لأن نفسه القضية اللي متورط فيها مع المحكمة

هو يقول إن برىء لك، أنا ما أصدقه ولا عندي ثقة في كلامه