بسم الله الرحمن الرحيم



السلام عليكم ورحمة الله وبركاته

أنا اليوم جايتكم بمشكلتين أو بالأصح بهمين


الأول:
أمي وأبوي
كنا صغار وكان أبوي يحضر درسات عليا
كبرنا وهو غارق أكثر يومه بمكتبته
أمي تحملت جزء كبير من المسؤولية
خصوصا مع انشغال ابوي بدراسته والدراسة اول أصعب بكثير من الحين تاخذ من العمر سنوات
كنت أحس أننا أسعد ناس
لأن فيه نقطة ممتازة عند امي وابوي مستحيل مستحيل يتخاصمون قدامنا
أخذ ابوي أعلى الشهادات وتفوق بمجال دراسته وصار شخص جدا مهم
أمي تنازلت عن أشياء كثيرة وكثيرة جدا
واللي زوجها يحضر دراسات عليا بتفهم قصدي
لأن أبوي دائما مشغول

مرت السنوات
الحين كبرنا وتزوجنا
وباقي بعض أخواني صغار

أبوي صار مايمر أسبوعين أو شهر ألا مسافر طبعا مؤتمرات ومحاضرات وورش عمل وشغلات كثيرة
وأمي تجلس بالبيت لأن أخواني الصغار يدرسون، ولو صار بالبيت أغلب وقته مشغول لنشاطاته وإلا يتصفح النت

طبعا هالوضع جدا جدا صعب على أمي
واللي زاد الأمر سوء أخواني المتزوجين كل واحد له مطالبه الخاصة وكلها تصير بوجه أمي
وإن ماصارت بوجهها ، يوصل لها دخانها..
وصار عليها ضغط كبير جدا
يعني لاأول حياتها ولا الحين مبسوطة
أنا أتألم كل ماشفت الوضع
كانت صابرة تنتظر أبوي يخلص ويتفرغ لها
طلع لأبوي مشاغله اللي أشد من الدراسة
هم ماتشيله جبال ياقلبي عليها
وهي بطبها ضعيفة وحساسة
يعني ماديا الحمد لله ماقصر بس نفسيا وعاطفيا منشغل تماما
أنا أنحرج من أبوي أكلمه بالموضوع
صعبة تكون البنت بصف امها الموضوع نوعا ما حساس
خصوصا انه هو عليه ايضا ضغوط
وهو تاج راسي ماأتحمل يصير بيننا شيء
أمس أول مرة بحياتي يرفع صوته على لاجل مزحة بسيطة
والله أسودت الدنيا بوجهي
بس أمي بعد وضعها مرة صعب
محتاجة أبوي كأي زوجة بالعالم


الثاني:
زوجي
فيه صفات عجزت أبلعها،وماقدرت أتعايش معها على العشرة اللي صارت بيننا:
عصبي
ولأتفه سبب ممكن يثور
وهالشيء مرة متعب
أنا دائما أسكت وابلعها بس مليـــــت

المنة
لو طلبت منه طلب يذلني فيه ولازم يرمي له كلمة أو كلمتين يحسسني مرمية عنده، ودايم اقوله قل لا أحب على ألف مرة من انك تسويها بهالأسلوب>>مو دائما بس أحيانا

الميانة بغير محلها
ممكن يتصرف معي تصرفات مالها داعي بحجة انه انا زوجته
يعني ماعنده سالفة الاحترام الا للغريب

تبذير المال
دائما نجلس أخر الشهر بدون شيء
عنده قاعدة أنفق مابالجيب يجيك مابالغيب

المراعاة
ماعنده ناحية انه يعذرني بمرضي والا بحملي
أنا الحمد لله كنت شهر وأنا اعاني من بوادر الاجهاض
وكانت الحركة تأثر علي
وكان يقولي ليه ماتسوين كذا والا حامل!!
حتى الدوام يقولي ليه ماتروحين تدومين!!أي دوام وانا لاطلعت الدرج أتأثر
أنا مستغربة خاطري أحد يفهمني هو شلون يفكر؟؟والله مااقولها استخاف انا فعلا خاطري أعرف


البنات
مايتحمل حركات طفولتهم ابدا
لو ترمي رضاعتها بالارض والا تلعب بالعابها يعصب ويهاوشها

وفيه شيئين مااحب اقولهم هنا

المهم
الحين انا سقطت اليوم الفجر الحمد لله
واليوم صار موقف كملها
وأفكر جديا بالخلع
هو فيه صفات حلوة ماانكر
وماهو بسيء لدرجة طلب الطلاق
بس انا ماقدرت اتحمل
إذا حتى الحمل اللي مزعجني عليه ماتفهم وضعي فيه
وحتى العام الماضي تعبت وكان موقفه بنفس الطريقة ماانكر يتحمل مسؤولية المشاوير والمستشفيات باللي يقدر عليه
بس يبيني حصان 24 ساعة يعني يعاملني كأني أمثل
أنا أحبه وحاولت أكثر من مرة أتعايش مع طباعه
بس كل مرة أوصل لهالمرحلة الصعبة

للعلم عمره 33 وانا 28 ولنا 7سنوات زواج وعندنا بنتين 6،3سنوات

ياقلبي عليك يانبض انا متابعه حالتك مع الطبيبه وكان قلبي عليك بالمره والحين انا اعاني ايضا من بوادر اجهاض والله يستر ويكملها على خير الف الحمدلله على سلامتك وربي يعوضك خير بالنسبه لامك مافي حل الا المصارحه بينها وبين ابوك بانه كيلها طفح وماعاد تتحمل الوضع الصعب وبعده المتكرر صدقيني مو دايم الابناء يصلح يتدخلوا في مواضيع والديهم خاصه النواحي العاطفيه اما بالنسبه لك انت فأسأل الله ان يفرج همك ويهدي زوجك لك لكن استغربت ليش قلت خلع ما قلت طلاق

بسم الله عليك صمت الله يتمم عليك يارب
مشكلة أمي وأبوي صاير بينهم حواجز بنتها السنوات
وابوي بالفترة هذي مثل الملياااان وهي مليااانة يعني الوضع ماادري شلون أوصفه

أما انا فأعتقد الطلاق مايجوز من غير بأس
بس الخلع عادي في حالة عدم قبول الزوجة لزوجها>>هذا من فهمي القاصر

مشكورة على ردك
أنا فكرت انها ممكن ثورة هرمونات بعد الاجهاض
بس كثير تجيني هالحالة بالايام العادية
بحاول اتريث بالموضوع
والله يختار الخير

الله يعوضك عن جنينك يارب ويهدي زوجك ويسخروا لكي

قبل لاتتاخذي اي خطوة في الطلاق او خلع او اي شي فكرى في بناتك
والله يكتبلك كل خير
انتظرى راي من هم ادرى واعلم مني بي امور الزواج حبيت ادعيلك بس

__________________
ياررب ارح قلبي وعوضني خير

الله يعوضك ياقلبي
بس شكلك مشغلة تفكيرك بوضع اهلك وماثر على نفسيتك حاولي تركزي على بناتك وزوجك

وبالنسبة لزوجك فية من صفات زوجي وقدرت احل بعض المشاكل مثل انه مايحسبي اذا تعبت

وبالنسبة انه متسلط على بناتة انا زوجي نفس الشي مايبيهم يتنفسون ووحدة قالتلي حطيلة غرفة خاصة يجلس لحالة بعض الوقت وانتي استانسي مع عيالك مادري تنفع هالفكرة ولالا

الله يوسع صدرك بالعافية ويسخر لك زوجك

__________________
ربنا هب لنا من أزواجنا وذرياتنا قرة أعين واجعلنا للمتقين إماما

الله يصلحلك أحوالك و يلم شملك ويحنن قلب زوجك عيلكي

اللهم يا رب إهدي المتزوجين ويألف بين قلوبكم...

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين

الله يختارلك الاحسن

اعتقد هلج يبالهم اجازه مع سفره

خلها تيي منكم هديه عباره عن سفره لمكان معين وتكفلوا انتو بكل شي،، لو حتى عمره!

قبل فتره سويناها مع هلي،،
ابوي نفس الحاله مشغول ومايقدر يترك اشغاله
هيأناه نفسيا للهديه،، يعني بلغناه يا بوفلان ترى نوينا نهديكم عمره بكل تكاليفها لمده كذا عمروا ولفوا السعوديه بالمره.. اخترنا السعوديه لانه امي كان ودها تعمر
خليناه هو يختار الوقت المناسب والحمدلله ربي يحفظهم غيروا جوو بدون عذاال <- العيال

بيني وبينج ابوي تم سنه يماطل مشغول مشغول بس هذا نحن وراه وراه لي ماطفش وبالغصب سفرناه ويا الوالده
يعني اخبرج تراها مابتيي من اول اسبوع المهم الزن بس فالوقت المناسب..

او اقترحي على ابوج ياخذ امج وياه في بعض سفراته ممكن القصيره منها اللي تاخذ من يومين لاسبوع،، ليش لا!

وضع خوانج مع امج مافهمته!
عالعموم اذا مانفع تغير جو "سفره" مع الوالد،، غيرولها انتوا جوو في حال تواجد الوالد خططوا لطلعه عائليه خفيفه
اللمه والجو العائلي له تأثير نفسي ايجابي طبعا وخصوصا عالوالدين،، معتقد فيه شي يفرحهم اكثر من لمه عيالهم حولهم
،،،

بخصوص وضعج مع ريلج
اول شي الله يعوضج خير وعساه شفيع لكم فالجنه
وثاني شي مثل ماقالت اختنا مشاعر مرهفه استهدي بالله وتعوذي من الشيطان
وشيلي هالافكار من راسج،، انتي في وضع مايسمح انج تتخذين مثل هالقرارات المصيريه

الله يهدي بالج ويبعد عنج الشيطان

الله يعوضك خير يارب..
أعطي نفسك فرصه تفكري ومو في هذا الوقت اللي انتِ أصلاً مرهقه فيه جسدياً ونفسياً..

__________________
.. ربي لك الحمد والشكر ..