السلام عليكم احبتي في الله
ادري اني مسختها من كثر مشاكلي لكن تحملوني ولكم الاجر بكل نصيحة
تخيلوا زوجي مايدخن وانا امسك السيجارة عنده وكاني رحال احس اني افقد كل معاني الانوثة عنده
من اول ليلة زواجي قلت بروح لبيت زوجي ولاحد درى عني وجلست ادخن وانا بالمشغل اتزين ليلة عرسي وقلت خلاص كل هذي السجاير الاخيرة وودعتها
ولكن الادمان فضحني ومن سكرنا على انفسنا وفي ليلة دخلتي قلت حق زوجي تراني ضايعة ولاني قادرة اركز معك حتى بكلمة
قلت له تكفى استر علي تراني ادخن واذا انت تحبني ساعدني على تركه
زوجي تقبل الموضوع بصدر رحب وضحك بوجهي وانا فرحت وصار بعدين هو الي يشتريه لي
وقالي بشرط لا جاك اطفال تبطلينه قلت له ابشررررررررر
المهم الحين الصراحة انا قرفت منه ولاابي اصير عديمة الانوثة عند زوجي رغم انه متعاطف معي من هالناحية
حاولت الاقلاع وحاولت بحبوب وعلاجات ولم استطيع
لاني اجده مزاجي واستمع بالجلسة مع السيجارة ولا استطيع حفظ لا القران ولا القراءة الا وبيدي السيجارة
وربي فشلة وانا اكتب وانا مستحية منكم لكن اعذروني...
مابي ابطله لا عشان صحتي ولا عشان الفلوس ولا عشان زوجي وانما ابي ابطله لله واكون خالصة النية في ذالك
انا سمعت محاضرة للشيخ خالد الجبير بعنوان طعنة سيجارة واثرت فييني المحاضرة وبطلته ثلاث ايام وجعت له زي المجنونة
انتقدوني قولوا فيني الي تبونه انا راضية باللي تقولونه بس اهم شى تساعدوني على الاقلاع وعزم النية
وآللــه حآلك يصعب ع آلكــآفر .."
أختــي .. من توكل على فهو حسبــه بتقوليــن لي صعب .. إتركيــه لوجه آلله
فيــه علآج للإدمآن فيه مستشفيآت خآصه بهآلشــي -- لآتهدميــن بيتك بـ نفسك ..! وإنتي عآرفــه مضآره أكثر من نفعــه
والرجل لو صبــر وصبــر بعد كذآ صبره ينفــذ ..
إنتي بآدري وعآلجي نفســك -- قبل توصليــن لمرحله لآتحمد عقبآهــآ..!
لا تظنين أنك سوف تتركين الدخان في ليلة أو ضحاها، ولكن المسألة تحتاج إلى وقت، والذي تحتاجين إليه أكثر هو تدريب النفس على ترك هذا الداء،
أجعلي لنفسك برنامج أسبوعي من أجل ترك التدخين،
مثلاً
أجعلي يوم السبت من كل أسبوع لا تدخنين فيه، وإذا نجحتي قومي بزيادة الجرعة أي بالزيادة ليوم آخر مثلاً السبت والثلاثاء، وهكذا حتى يأتي يوم وتتركين التدخين،
مع الأستعانه بالله سبحانه، أن الله سبحانه يحب الخير لعبادة وإذا أستعتني بالله فلن تخيبي.