السلام عليكم يااخوان...عساكم بخير ان شاء الله


سالفتي يااخوان اني متقدم لخطبة بنت من عائلة محترمة ومتدينة ، سألنا عنهم الى ان قلنا امين والحمد لله فيهم الخير والبنت خلوقة ومؤدبة واهلي وصفوها لي وعجبتني ، وتمت الموافقة من قبلهم وجالسين ينتظرون حضورنا عشان نتفق على موضوع الملكة والزواج

قبل لا نروح لهم بـ ليلة وحدة وصلني خبر سيء من احد الاصدقاء يقول لي فيه ان هذا البيت عندهم بنت لها علاقات مع شاب ومن هالكلام ، انا اولا انصدمت ثانيا ماصدقت هالكلام فـ قلت له انت متأكد من كلامك قال هذا اللي وصلني ..فـ صابتني صدمة ذيك الليلة وتحيرت ايش اسوي انا ماني مصدق هذا الكلام لاني واثق من سؤالنا عنهم بس في قلبي نسبة شك صغيرة ان هالكلام يطلع صدق ، فـ صارحت ابوي بالموضوع وابوي للأسف زاد الطين بلة ورغم محاولاتي معه قال سكر هالموضوع خلاص

بعد ماسكرت الموضوع ومرت فترة بسيطة (تقريبا اسبوعين) رجع لي نفس الشخص يعتذر ويقول ان هالكلام اللي كان كله اشاعات والبنات مالهم علاقات ولا شي بس احتمال يكونون كلمو احد بالانترنت . انا اولا عتبت عليه وصار بيني وبينه حوار حاد بحكم انه تكلم في شي مو متأكد منه وهو ندم وقدم لي اعتذاره واعتذار الناس اللي نقلو لي الخبر

وبنفس اليوم كلمني ابوي وقالي انه مؤنبه ضميره والمفروض نحل الموضوع بشكل سلمي بحكم اننا سألنا عن البيت وعرفنا منهم الصلاح والمفروض مانستقبل اشاعات او كلام مانعلم صحته فـ عرض علي اني لو كنت مرتاح لهم ممكن هو يرجع الموضوع

انا بصراحة رغم اني سكرت الموضوع كله من راسي الا اني الى الان مرتاح لهم ومرتاح للبيت كـ كل وانا اعرف ان ابوها انسان متفهم وممكن نحل الموضوع بطريقة سلمية ، بس انا خايف بكرة من كلام الناس ..اخاف يجي بكرة ويقول فلان عني شي او عن عرضي شي وانا مستحيل اقبل هالشي وممكن يكون لكلام الناس اثار سيئة تنعكس على حياتي معاهم وتنعكس على صورتي قدام الناس فـ انتو تعرفون ان كلام الناس مايوقف وله تأثيره في مجتماعتنا المتخلفة للأسف


فـ ماادري قلت خل اسجل بالمنتدى واستطلع اراؤكم واقتراحاتكم

ولكم مني ارق تحية

و عليكم السلام ورحمة الله وبركاته



وهذا ج جوابك

لاحظ عدل

هذا س سؤالك؟؟؟

ومن وين بيطلع كلام الناس !!

اخوي الوحيييد هذا زواج اذا كنت مرتاح و مطمئن منك و من البنت و اهلها الله يسر اموركم و يسعدكم بسسسس اذا فيه ذرة خوف لا تظلم نفسك ولا البنت وياك ،،، والله يوفقك مع غيرها


: )

الله يصلح حالك و يريح بالك

__________________
لا تحزن إذا منع الله عنك شيئا تحبه .. فلو عَلِمْتمْ كَيْفَ يُدَبّرُ الرّبُ أمُورَكمْ .. لذابَتْ قلوبُكمْ مِنْ مَحَبته،،،،: )

انا واثق من البنت ومن البيت لأني ماسمعت منهم الا الاخبار الطيبة من عدة جهات

واذا على اثره...انا مو خايف تخرب علاقتي مع البنت...انا واثق فيها بس انا خايف تخرب صورتي بالمجتمع لان كلام الناس مايرحم احد

يعني كل من هب ودب صار يتكلم في اعراض الناس والمشكلة انا ماني عارف بالضبط مين تكلم عشان اعرف اتصرف بشكل صحيح
بس مقيولة من امن العقوبة اساء الادب

ولو بتلاحظ مثل ماقلت اني مجاوب على نفسي وواثق من قراراتي بس حبيت استطلع رأيكم

واشكر لك ردك اخوي الله يعطيك العافية :-)

أخي العزيز


لا تزعل من صديقك لأنه كان يخاف عليك وعلى عرضك

ويمكن وصلك المعلومة بطريقة خاطئة


بعدين انت تسرعت وحكمت على بنت الناس


المفروض سئلت وتاكدت في الأول وبعدين قررت
الله يهديك


( لو صبر القاتل على المقتول ما قتله )


على العموم


انا أنصحك تروح تدورلك بنت حلال غيرها

لأنه الشك لا مجال له في العلاقة الزوجية



على شان لا تظلم نفسك ولا تظلم بنت الناس

أخي الكريم

إذا كان عند زميلك شيء يدل على ذلك،،، فليظهره لك ويثبته أو يخبرك من مصدر الخبر

بعدين حط بحسابك أنه يمكن احتمال اشاعة لصرفك عن الزواج منهم وتزويج غيرهم

وإذا ثبت أن البنت ما فيها شيء مما قيل عنها فاستخر ربك وتقدم لها

إذا تم الخطبة والزواج فالمهم أن الثقة تكون بينكم موجودة وكلام الناس ما يخلص ولا يلتفت له،،،



والله يرزقك الزوجة الصالحة العفيفة





عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

اخي بركة، اشكرك على رأيك ببداية الامر
ثانيا انا صحيح وقع في قلبي نسبة شك بسيطة ولذلك لظروفي الخاصة الا اني ماصدقت اشاعة حتى مااعرف مصدرها بس نقلها لي واحد من اصحابي
ومثل ماقلت صاحبي نقلها لي بصورة خاطئة ومن دون مايتاكد وانا ولله الحمد ماعاد في شك بقلبي بس خايف مثل ماقلت لكم من كلام الناس بكرة يطلعون كلام عليها او على اهلها او حتى كلام على او على اهلي،،، وانا اعرف ان كلام الناس مايودي ولا يجيب والناس ماتخلي احد بس الشخص ينقهر لما يطلع عليه كلام ماهو فيه وهذا اللي انا خايف منه بكرة
مجتمعنا للاسف مرييييييض

اخي عزوبي ، تحية طيبة لك
اولا البي نقل لي الخبر عن اشخاص وماعندهم اي دليل ثانيا ان نفس الاشخاص اللي تكلمو بعد ماراجع صاحبي الموضوع معهم بشكل جدي اكتشف انها مجرد اشاعات وانهم فهمو الموضوع غلط
ثالث شي انا استخرت ومرتاح لهم والحمد لله بس زي ماقلت ، ماابغى اكون تحت رحمة الناس عشان اسلم من السنهم اللي ترمي بنات خلق الله من دون دليل

ارتفع ضغطي مليووووووووووون من هالسـالفه !


مـادري وش ارد على صـاحبك .. بغير هالكلام ..

اقتباس:

روى الترمذي عن ابن عمر رضي الله عنهما قال : صعد رسول الله صلى الله عليه وسلم المنبر ، فنادى بصوت رفيع فقال : ( يا معشر من قد أسلم بلسانه ، ولم يفض الإيمان إلى قلبه ، لا تؤذوا المسلمين ولا تعيروهم ، ولا تتبعوا عوراتهم ، فإنه من تتبع عورة أخيه المسلم تتبع الله عورته ، ومن تتبع الله عورته يفضحه ولو في جوف رحله ) .

قال سبحانه: ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴿6﴾



انا مادري وش رديتـوا لأهل البنت وكيف صرفتـوا نفسـكم !

بس انصحك ماتتقدم لها مو عشانك ! لا والله عشـــــــــانها هي ..

لأنـه اتوقع انها ان شاءالله طاهر عفيفه راح تعيش معاك بشك وقلق وبتقعد لها عالحبـه بسبب كلام النـاس الي مطيرك ومخووفك وبتطلع المسكينـه هي الخسـراااااااااااانه .. من كل هالسـالفه ..

بسبب اشـاعة كـذب وطعن فيها ..

انصحك تدور على غيرها .. واذا جاك احد يتكلم على اعراض الناس وماعنده دليل اقل شي تسـويه ترفع التراب بوجهه ..

::


حسبي الله ونعـم الوكيل .. كل شي الا اعراض الناس .. صاحبك هذا مادري وش يحس فيه ..


::

__________________
{ احبــــ ـــكم بلا استثنـاء ~

كلامك صحيح ياختي وجزاك الله خيرا وانا اعترفت بغلطتي اني استعجلت...بس الظروف كانت ضيقة جدا وماكان في مجال للتفكير

وبالنسبة للبنت واهلها...ابوي كلم ابوها وطلب منه تأجيل الموضوع...بس

وصاحبي ندمان على حد قوله ولكن يااختي من امن العقوبة اساء الادب ومجتمعنا للأسف كذا

بصراحه انا مع هالرد

__________________
اللهم ارزقني الزوجه الصالحه