السلام عليكم ورحمة الله وبركاته ..





موضوع أول مره اكتبه على الأنترنت لكن لطول همي وكثرة تفكيري قررت أستشيركم وإن شاء الله القى الإجابه لي واعتبروني أخت لكم وتحتاج من يسنادها



أنا بنت مخطوبة وصار لي وقت بحدود سنتين واكثر
خطبتي كانت عاديه الشاب يقرب لي ووافقت بدون ماأعطي نفسي مهله أفكر
السبب : لآني كنت احبه بس بيني وبين نفسي ماكنت اقول لآحد لكن كنت اتخيل حياتي معاه





الآن أعيش قلق داااااايم أفكر كثير بالأنفصال قبل مانكتب كتابنه
لان قريـــب وبعدها اصير زوجه له شرعاً


ليش افكر اني انفصل؟
لان مشاعري بعد مانخطبت صارت معدومه صرت بس احبه عشان اجامله
والله جات ليالي كنت ابكككي فيها كثير احس بتأنيب ضمير ليش اطول واخليه يحبني
افكر لو الحين هذا حالتنه بعد الزواج ايش بتصير ؟

دايماً اوهم نفسي اني احبه والحقيقه لا

وماأتخيل نفسي وانا منفصله منه للأبد دخل قلبي كـ أخ لا أكثر ومابي افقده بس مابي اتزوجه

على فكره قد مانقدر نبعد الحرام
فلا كلام غزل ولا حب ولا اي شي ولا ادري ان كان يحبني حقيقه من قلبه او لا مافي بينه تواصل إلا برسائل


دلوني على حل ؟

الحب يا أختي ليس رسائل وكلام غزل

الحب معاملة واهتمام

والحنان قد تلمسيه في موقف


وما تمرين به طبيعي جدا نتيجة لاقبالك على حياة جديدة


توكلي على الله

واستعيني بالله

واستغلي الوقت في التعرف على خطيبك والسؤال عن عاداته وحاولي قراءة شخصيته من خلال كلام الأهل والعادات التي تقال عنه واعرفي ماذا يحب وماذا يكره

وأكثري من القيام والصلاة والذكر


وفقكم الله

أتمنى هذا الشيء يكون طبيعي واتمنى مايأثر على حياتي بعدين واقصر في المعامله معه فهو لاذنب له

يعطيك ألف عافيه

سؤال ليش تريدين تنفصلين بالضبط ..سمعتي شي شين عن الرجال ،، اكتشفت فيه اشياء ما اطيقينها والا بس كذيه ..!



وبعد ابسأل صليت الاستخاره فيه ,,!



ان كنت مصليه وسميتي بالرحمن عليه ووافقت واستوت الخطوبه والرجال ونعم به وباهله ومافيه شي يشينه ,, فانا اقوولج الناس الحين ادور الستر وووين ماا يكون ,, لا ترفسين النعمه برجولج بسبب مشاعرج اللي ما عرفت لها تبرير ,,هل هو خوف من المستقبل ,, وهل وهل وهل .....!


وبعدين يا اختي نحن في دينا الاسلامي المشاعر الاخويه فقط لاخوج من ام وابوج والرضاعه ,, والوديه للمحااارم فقطط ..ومشاعر حب الخير والدعوة الصالحه لاخواننا المسلمين والمؤمنين البااقين وبس لا تتلبسين باوووم شيطاانيه ولا يغرج كلام الشطان اللعين والمشاعر اصلا عندنا نحن ما تستوي الا عقب الحلاااااال ،، عقب ما تكونين زوجه شرعا له ,, عقب ما تاخذين راحتج معاااه فقط ,, الان اللي يحكمج قد يكون الميول فقط لا غير ,, اتعووذي من وسوسه الشيطان وصلي الاستخاره وكثري من الدعاء والاستغفار,,
ردي عليه ,,

__________________

لا والله مافيه شي شين بالعكس ونعم الأخلاق ونعم الأهل ونعم التربيه

كل اللي يمكن مو متقلبته فيه هو تدينهم الشدييييد

انا ولله الحمد فتاة أخاف ربي و أدري ان ربي يناظرني بكل خطوه لكن اختلاف البيئه له دار
فهو رجل متشدد بمعنى اكثر
عندهم المرأه زوجه مسأوله فقط كأم وربة منزل
أنا أحلامي اكبر من ذلك
أبي اكون اسره خلوقه وابي هم اكون نفسي واخلص دراستي واشتغل
اهو مايقول لا بس مو متقبل الفكره ميه بالميه على تخصصي اللي ابغيه


غير هذا
بس كل ماتذكر كيف بصير زوجته احس نفسي كأني عصفور وبحبسونه فـقفص
انا مؤ متأقلمه على أوضاعهم



يعني انا راح أحبه بعد الملكه متأكدييين ؟

انا مابي اصير انسانه تحمل لقب مطلقه

اكبر خوف لي كلمة طلاق

و عليكم السلام ورحمة الله وبركاته


هذا بينج و بين نفسج حبيتيه فمبالج لين صار (بينج وبينه) عن حئ و حئيئي وش بيصير


لان قبل ماكانت مشاعر حب ،،، انتي نسجتي المشاعر مو هي تكونت
،،، الحب اخذ و عطى الحب يتكون مو تكونينه

طيب لو صار العكس كل شي بينكم حلال ،،، تصوري حبيبتي ايش راح يكون ... كل شي يجي خطوة خطوة لا تستعجلين خلي الامور تاخذ مجراها


و هالشي طبيعي في قصص كثيرررررررررة من هالنوع


اختي تأكدي ان مشاعرج بتختلف و بتظهر فيج و تتكون مشاعر ثانية مشاعر زوجة ((علاقة)) ما فيه مجاملات

تطمني هالشي عادي

: )

الله يسعدج

:14:

__________________
لا تحزن إذا منع الله عنك شيئا تحبه .. فلو عَلِمْتمْ كَيْفَ يُدَبّرُ الرّبُ أمُورَكمْ .. لذابَتْ قلوبُكمْ مِنْ مَحَبته،،،،: )

يـــارب الله يسمع منك

الله انتظر هالمشاعر تبان علينه اكيد بطييييييير من الفرح لو صارت



يعطيك العافيه