يريد ان يزوجني ابنته (تم الرفض)
بسم الله الرحمن الرحيم
السلام عليكم ورحمة الله وبركاته ,, كيفك اخواني اخواتي ان شاء الله كلكم بخير
هذه اول مره اكتب عن مشكلة خاصة فيني في المنتديات ,, لاني كنت اسوي بحث عن مشكلة
محيرة بالي وتاعبتني قلت اشارككم بلي في القلب يمكن الاقي منكم نصيحة تطيب الخاطر
انا شاب عمري 24 سنه عشت حياتي بين اسرة متواضعه ثم سافرت الى احد دول اخرى لللعمل هناك
والحمد لله توفقت ولقيت لي وظيفة ممتازة والحمد لله ,, بفضل الله ثم بفضل الرجل الي اشتغلت عنده
انا اشتغلت في شركة في البداية تعاقدت معاهم لمدت سنه لكن بعد ثلاث اشهر اعجب صاحب العمل ورئيس الشركة بعملي فعطاني الكثير من الحوافز والترقيات والحمد لله مغرقني بجمايله وصار كل ما يبي شي يطلبني انا ,, انا أخلصت في شغلي وهو ما قصر معاي بس بيوم من الايام سئلني قال لي ليش ما تتزوج
قلت له انت عارف الزواج يبغاله مصاريف وكذا وانا ماجيت هذه البلاد الا عشان اكون نفسي وابني نفسي
رد علي وقال الله بيعينك
ثاني يوم وانا جالس معاه رد علي نفس السؤال انت ليش ما تتزوج رديت عليه وقلت له قلت لك الزواج يبغاله مصاريف ,, بس سئلني قال لي انت عندك رغبة للزواج قلت له هو في شاب ما يريد يتزوج
رد علي قال لي في بنت في بالك قلت له لا
ابتسم وقال لي ايش رايك ازوجك بنتي وكل مصاريف العرس علي وما ابي منك ولا ريال
صراحه احرجني ,, انا سكتت بس هو قال لي خذ راحتك وفكر والزواج قسمة ونصيب
بس انا من يومها وانا منحرج منه لانه هو انسان معاه ملايين ورجل معاه خير كثير وطيب واخلاقة زينه ماشاء الله فأكيد بنته ما بتطلع عكسه
لكن المشكلة انو انا ما عندي الرغبة اني اتزوج من بنت مو من بلدي هذا اول شي
ثاني شي ما ابي اتزوج بنت عز تربت على الفلوس والدلع فبجي انا الانسان البسيط الي تربيت على البساطه وباخذها
لكن انا حاليا ً الحمد لله ميسور الحال بس قبل كانت حياتي صعبه وشقيت الصخر عشان اوصل لها المرحلة
تعلمت اشياء وايد وما ادخل في شي الا وانا واثقه منه ودارسه زين ,,
ثاني شي انا طول عمري افكر ارتبط ببنت شخصيتها قوية وتكون اقل مني في المستوى المادي
عشان اسعدها وابسطها وامشيها واصرف عليها بلي اقدر عليه وتكون سعيدة معاي
لان في هذه الحالة بيكون اسعادها بسيط علي وممكن بهدية بسيطه تفرح وتنبسط
بعكس البنت الي تربت على الفلوس بيكون اسعادها صعب ,, روحة على البحر انت وياها ما بتكفيها
غير سفره على دولة اوربيه
فأنا ما ابي ارتبط بهذه العائلة مو عيب فيهم لكن لي قناعات واشيائي الخاصة ابي اسويها
هم ناس طيبين جدا ً وها الرجال له افضال علي كثيرة وما ينعاب بشي
بس كيف راح يكون موقفي اذا رفضت طلبه ,, بصراحه محرج كثير لذلك ابي المشورة منكم
انصحوني كيف اسوي
14-01-2010, 03:56 PM
ضوابط المشاركة
العرض المتطور