بسم الله الرحمن الرحيم


السلام عليكم اخواني وخواتي
انا امتلكت على اخت زوجة اخوي من ست اشهر واشترطوا علي اني ما اتزوج الا لما تخلص دراستها وهي باقلها سنتين

بس ما اظن بكمل هالسنتين لاني خلاص عزمت على الطلاق وانا عمري 19 والبنت عمرها 17

من يوم خذيتها وانا اشوفها تطالع الاولاد كللهم وتضحك معهم ولما اخبر امي باللي اشوفه تقولي حياتهم كذي ولازم تصبر قلنا خلاص بنصبر اولاد عمها وخالها متعوده عليهم من يوم اصغار معهم

جينا حج اخواني طلعنا رحلة وطول الرحلة وهي تطالع اخواني بنظراتها وانا ما تعطيني من النضرات شي

طلعنا السوق نفس الشي نضراتها يمين ويسار ولما شفت كذي انفجر راسي من اللي شفته

ما حسيت منها لا بحنان ولا بحب ولا حتى بغيرة تبين انها تغار علي وتحبني صدق

كنت ادور في المنتديات مال الزواج واتعلم عشان اخليها تحبني

مدحت مضهرها تغزلت فيها حطيتها فوق راسي بس للاسف البنت لما تحبها وايد ترفسك

باول شهر كانت تقولي احبك بس بالتلفون وبعدها طلبت اني اسمعها لما اجي معها

واختفى كل الحب بعد ما وصلت عندها اختفى كل شي ما ادري منها والا اهلها يبعدوها عني

رحت لبيتهم لمدة اسبوع لانا كنا نتجهز للسفر لصلالة وهم معنا( كل اهلها) وهالاسبوع اللي جلست فيه كان جحيم ما عمرها قالت تعال نجلس مع بعض نسولف عن حياتنا بعد الزواج

ولا حتى لما تجلس معي ما تسولف وطلعنا لرحلة صلالة وكنت متضايق شوي

ووصلنا لصلالة وانا على هالحالة واستمريت يومين وما جات تسألني وش فيك والاحنت علي وقالت زوجي زعلان لازم اشوفه

بس رسلت رسالة ورديت عليها انه زعلان منها ولا حتى قربت صوبي بالعكس كانت مستانسه بالرحلة وانا منقهر وكنت قبل عن نروح معهم اسالها بالتلفون ليش لما اقولش احبش ما تردي علي

قالت بس كيفي انا احب امي وابوي بس ويمكن ما تسمع هذيك الكلمة حتى بعد الزواج

وما يوم من الايام قالتلي لباسك حلو والا امتدحت مظهري

حتى نصيبي من الاحترام ما لقيته

مرة تقوللي ممل ومرة تقوللي سخيف وتأشر علي باصبعها من راسي الى رجولي كأنها تحتقرتي

ولما زاد علي كل هذا لاحظوا اهلي اني متغير مع انا طالعين فرحلة

وعرفوا بالسالفة واقترحوا علي اعرض فكرة الطلاق واشوف ردة فعلها

اذا كانت تحبني صدق وخبرت عمتي اني نويت خلاص الطلاق

يعني خبرتها ورحت عنها على طول خبرتها الصبح ورديت للغرفة وما طلعت ابد

ولما وصل الظهر اجتمعوا ابوي وعمتي وامي والبنت

والظاهر انه عمتي ما خبرت البنت اني بطلقها


المهم جلسنا مع بعض وبدأ ابوي الكلام وقال للبنت وش مستوي بينكم الولد يطلب الطلاق ليش كذا

وطلع انها ماتعرف بس المهم ردوا وسالوني ليش طلبت الطلاق

قلت البنت هذي ما تعرف شي عن الزواج ولا تعاملني بأني زوجها تعاملني كاني غريب

وما حصلت منها ولا ذرة حب

وولما سالوها ايش ردش قالت انا ابا اكمل دراستي بس

هاي اللي ردت عليه وبعدها قال ابوي روحوا انت والبنت طلعوا من الغرفة وجلسوا بالغرفة الثانية ونحن بنتكلم شوي

ورحنا وطلعنا انا وياها وجلسنا بالغرفة

وقالت اهي ليش عاد سويت كذي , ابتسمت انا وقلت انتي اللي خليتيني اسوي كذا

وردت علي بكلام ياليتني ما سمعته قالت اصلا انا ما ابيك وما مأخذتك الا عشان اهلك وانا اصلا ما احبك وما احب احد فحياتي

طبعا انا انصدمت بالكلام وسويت عمري ما سمعت وبديت امزح معها وكذي

وطلعنا كلنا فنزهة وردينا فالليل بس ما جاني نوم كلش

ومرن اليومين اللي بعدهن وهي على نفس الحالة صحيح انهم خلوني اجي جنبها فالسيارة

بس كل نظراتها كانت متوجهة برع السيارة كانت تناظر السيارة الثانية اللي كانوا فيها اخواني

وفي هاليومين كنت اضحك معها واسولف وهي تجاملني ومرة تضحك ومرة تكشر

وخبرت ابوي بالكلام اللي قالته لي في ذاك اليوم فالليل لاني ما كنت قادر انام واتصلت على ابوي اخبره

المهم بعد هاليومين جاني ابوي وقاللي اشفيك رديت للبنت على طول

ما توك كنت تبي الطلاق خلك شوي بعيد وشوفها اذا بتسأل عنك والا لا وتميت يومين بس ولا سألت عني ولا قالتلي اشفيك ليش متغير

وهني رديت مرة ثانية وقلت خلاص ابس اطلق ابي اطلق

بس اخوي العود اللي مأخذ الاخت منعني وقال لابوي هم بعدهم صغار مب على كيفهم

والحين انا معلق كذي

ما ابي لا اتصللها ولا ارسللها رسايل

كل الناس تتهنى بزواجهم الا انا اللي يشوفني ما يقول متزوج

كرهت كل حياتي معها


قالولي اهلي اصبر لين البنت تكبر وانت اهتم بدراستك الجامعية وشتغل

وبعدين اذاا ماشفت شي تغير هذيك حجياتك وانت حر فحياتك

وهذي هي حياتي مع هالبنت

لاحوووووووول ولاقوة الا بالله !!!


ماتلاحظ انه بدرررررررررررري على العرس والخطوبه وهالتعب والتفكير !؟

وش فيكم استعجلتوا ؟

زوجتـك .. لسا طفللللللللللللللللللللله ! بس كان المفروض تحترمك وتقدرك

والي حولها المفروض يعلمونها السسسسسنع !

والصراحه ماعاد فيه بنات صغار الكل فاااااااهم والكل عارف الزواج وسوالفه ...

هذاك اول كان فيه اطفال وصغار وبريئين ..

الحين الكل عارف وفاهم كل شي ...

واخوك الي تدخل قوووله بدال مايقول هالكلام ... يحل المشكله معاااااك يووووقف جنبك !

وش يعني صغار .. لما انتوا صغار ليش استعجلاوا على الخطووبه ؟

انا اشوف انك توقف وقفه حاااااااااازمه ..


عشان نشووووف البنت صدق مغصووووبه ... ولا بس كلام ..

طنششششششششششها .. طنششششششششها اقطع عنها فتره ..

لو مغصووبه صدق ماراح تدور عليك ...

ولو تحبك وتتغلى بتسأل وتشووف وش فيك ؟

والأفضل .. انك تخفف زياااااارات ومكالمات اقعد فتره لاتشوووووفك ولا تشووووفها ولا تكلمها .. حتى مسجات
انهيها ..

وارتااااااااح احسك شايل هموم الدنيا على راسـك !

تراك توك صغير والسالفه خطوووبه ... والبنت مستهتره حيل ..

انت جرب وحاوووول بالصلح وانه يعقلوووونها خواتها واهلها لو ماعقلت ولا تعدلت

الحياااااااة قدامك .. وفيه احسن منها علم وثقافه ودين ...

يعني مو موقفه عليها حياتك .. وانتوا لسا عالبـر لو شايف انه مافي شي مشي معاها ..

استخير استخير استخير .. واقدم على الي تحسه يريحك سوااااء بالأنفصال او ان تكمل حياتك معاها !


والله يعينك ويووفقك لطريق الحق ..

__________________
{ احبــــ ـــكم بلا استثنـاء ~

شكله البنت مزوجينها غصب

ياخي شكل البنت ماتريدك طلقها وريح راسك وراسها


البنت جاهل لسه اصلن ؟


ودامك تبغي تتزوج وانت صغير وايد المفروض تتزوج وحدة قد عمرك على الاقل عشان تكون ناضجة اكثر


البنت مزوجينها غصب حفاظا على العلاقات الاسرية


والحركات الي قاعده اتسويها حقك بس عشان تخليك تملها


وتتركها بحال سبيلها من دون ماهي تطلب الطلاق


صدقني دامكم في البر طلق وريح بالك ..


واخوك الله يهديه عنده اهم شي العلاقات الاسرية ماتخترب


يعني مافكر إلا في نفسه وقال " هذول لسه صغار مو على كيفهم "


لا على كيفه هو انت تتزوج وترتبط !!!!


اذا لسا صغار على كلامه المفروض ماتتزوج الحين


الزوج يعني رجل متمكن قادر على اتخاذ قرار وحمل اسره كاملة فوق راسه


وانا من رايي بدري عليك الزواج


تخرجت ؟ توظفت ؟


لازم تعتمد على نفسك في كل شي


واترك البنت في حال سبيلها


تحياتي

__________________

متى زرت والدك آخر مرة ؟

انا اشوف انك ما تستعجل و تتعامل مع الموضوع بهدوء و ابتعد عنها لفترة (شهر او شهرين) و شوف ردة فعلها ..
اذا هي طنشتك و ما دقت عليك او سألت عنك فواضح انها ما تبيك ...
في هذه الحالة اجلس معها و قول لها انك تفكر جدياً بالانفصال لانعدام الانسجام بينكم

ياأخ ولد قابوس

الله يعينك
انا عندي بس تعليق علئ الي يقؤلؤن ان زوجتك طفله....
وش طفله....

وحده بالغه وعاقله ....يقؤلؤن صغيره....خير ان شاء الله.....

بصراحه هي مو صغيره ابدا ....
انا بعمرها مخطوبه وفاهمه...ان الزواج حب ومشاعر ...اهتمام بلاخر ...اقلها اهتمام بلاخر...
والان عمري19 سنه ومعي ؤلد ....
والحمدلله
عايشه بحب وسعاده,...

لكن
ابنصحك اخوي بنصائح....وهي....

خذ بنصيحة اهلك وهي
انك تفكر بس بدراستك وتهتم فيها وتشد حيلك وتتوظف...
وهالشيء يكبر قيمتك عندها....

واما من ناحيتها...
فاانصحك

خلك شخص اخر ...
يعني لاتهتم فيها ....سؤلف عادي معها ومع اهلها...
يعني
اهتمامك وكلام الحب والرومانسيه ....
خلها تنسئ تسمع كلام حلو...

اتوقع انك مدلعها ...كثيييييييييييير.....

ولا تدق ولا ترسل ابدا ابدا

واا سئلتك قؤل
احب اقلدك ....اذا تغيرتي ابتغير...اما اني اتكلم واعطي وزوجتي ماتعطي فأسمحي لي
انا شخص لي مشاعر واحساس..
عاملها وكأنك شخص اخر ...

مع الايام
راح تلاحظ بتغيير واضح وهو انها هي بترجع لك برسايل واتصال ...,,,,وووووكلالالام..

هذا اذا هي تحبك...

اما اذا مشت الايام والشهور ....ومافي اهتمام وعادي عندها ....
فاأنصحك
انهي الموضوع

ولا تتورط بلزواج بها ...
واقنع اهلك ...
وصمم علئ رايك هذي انسانه دون مشاعر اؤ احترام.
يأخي
اهم شيء
مشاعر قلبك مع زوجتك .


لاتهتم فيها وعاملها بلمثل...ولاتحتك بها حتئ لو مرت سنين...عادي وانت بعدها احكم.

بصراحة ما ادري ويش اقول بس احسكم ثنينكم صغار علي العرس

وهي باين عليها ما تعرف شيء عن العرس


سوي الي قالوا لك الاخوان فية قاطعها شوي واثقل عليها وشوف ردة الفعل هي الي بتحدد

النتيجة

__________________

خطيبتك صراحة صغيرة كيف تبي منها تكون واعية وفاهمة وتقدر شعورك وتداريك او اقلها تثقل وماتتلفت يمين وشمال وتطالع اخوانك !

الاخت اللي فوقي فيه ناس عمرهم بالعشرينات ويسوون نفس الحركات ولو خبرنا احد عنها قال (بزر) ! يعني اللي قالوا طفلة قدروا مابين عمرها وبين تصرفاتها ايضاً ..

والعكس صحيح تجيك بنت 15 سنة وتسوي موقف ما يسووه الا الرجال نفتخر فيها ونقول عنها كبيرة وواعية وعن الف رجال !

اتمنى تكون الفكرة وضحت ..

__________________
يارب لِذْتُ ببابك راجية عفوك ورحمتك,خذ بيدي إلى ما أصبو إليه وإرحمني برحمتك التي وسعت كل شيء,اللهم ارزقني زوجاً ولا تذرني فرداً وأنت خيرالوارثين ..اللهم اغفر لمن دعا لي

اعطو نفسكم فرصه شهرين او ثلاثه

راجعو حسابتكم.....فكرو فيها بحل يرضي الطرفين

اطلب منها برساله جوال تفهمك ماهو السبب الي ماتبغاك عشانه

وانت قول لها سبب رغبتك بانفصالك عنها....

حااول انك تفكر بهدوء بعيد عن ضغط اهلك.....

ولاتنسى الدعااااااء بكل اوقات الاجابه بتيسير امورك

والله يوفقك

__________________
اللهم صلى على محمد و على آل محمدكما صليت على إبراهيم و على آل إبراهيم إنك حميد مجيد
اللهم بارك على محمد وعلى آل محمد كما باركت على إبراهيم و على آل إبراهيم إنك حميد مجيد

السلام عليكم ورحمة الله وبركاته

رمضان كريم عليكم اخواني

كيفكم ان شاء الله بخير

حصلت بعض التطورات ابي اعلمكم بها

الشي الوحيد اللي مخليني اصبر هو انه عمتي (ام البنت) تعزني وتعز اخوي (اللي مأخذ الاخت الثانية)

وقالتلي اذا في شي مزعلك علمني ما تزعل كذا

المهم انا كلمت عمتي وقلتلها اللي حصل وخبرتها انه زوجتي ما ابيها تجلس مع الاولاد ولا تسولف معهم ولا تطالعهم واني ما بجي ازورهم الليين تتعدل البنت لاني اذا جيتهم وحصلتها مثل ما هي بنفصل عنها خلاص

فردت علي عمتي انه اللي يزعلني يزعلها وهي زعلانه من بنتها للي سوته معي ووعدتني انها تخليها تسوي اللي اريده

المهم انا قطعت البنت عشر ايام واتصلت هي ثلاث مرات ورسلت ثلاث رسايل طبعا اتصالين كانن في وقت انا كنت فيه نايم واتصال واحد رديت عليه ورسالة وحدة بس رديت عليها كانت لرمضان

طبعا ماكنت اتصل عليها فهالعشر ايام بس كنت اراسل عمتي واتصللها

المهم سألت عمتي قبل يومين وش سوت بالموضوع اللي كان مزعلني
فقالت خبرت البنت وانها بتسوي اللي اريده (اللي ذاكرنه فوق)
ولما سمعت كذا حاولت اني اليين معها
فرسلت رسالة وتفاجات بأنه تلفونها مغلق ودقيت رنه تأكد

المهم اليوم اللي بعده رسلت رسالة لعمتي اسالها سبب غلق الهاتف
فقالت انه البنت انا شاري لها التلفون عشان اتواصل معها وانا ما راسلتها ولا اتصلت عليها عشر ايام
عشان كذا وش الفايدة انها تفتحه احسن له يكون مغلق

المهم رديت على عمتي قلتلها انا امس راسل لها رسالة واحاول اتصل قالت خلاص بتفتحه بالليل

المهم بالليل اتصلت على البنت وتكلمت معها وكان كانه ما حصل شي

الحين ابي نصايحكم انا لما اتكلم معها والا اجلس معها اتغير اكون فرحان واسولف حتى اذا كنت زعلان بعدين كلمتني وضحكت معي انسى كل الزعل اللي بيننا .. وانا ما اريد ابين انه ماحصل شي
لانه اللي سوته مب شوي واخاف احبها وتتغلى علي وترد مثل اول احسني كارهنها

والحين ما ابي الين بسرعة ابي نصايحكم ايش اسوي بهالفترة

ارجوكم ساعدوني مالي غير الله ثم انتم ....

اخوي نصيحه لك
لو اي شي زعلك منها حاول انت بنفسك تفهمها بما انك تقدر تكلمها
مو تنسىى وتقول ما كأن شي صار بكرة او بعدة بتعيد نفس الشي اللي زعلك ..

وعلمها وقل لها ان هذا مثل النظام عندكم اي واحد يزعل من الثاني لازم يعلمه ويقول له ترا انا زعلان منك لانك سويت كذا وكذا .. ولا تسويها مرة ثانية ..

لان لما تغلط وتزعلك وانت تقول نسيت انت مابتنسى والدليل انك تقول انك تنسى الموضوع يوم تكلمها بس لكن هذا شي خطير لأنه يتراكم في نفسك غير انه مثل ما قلت لك ممكن تعيد الغلطة لأنها مو عارفة ان هالشي يضايقك ..

ومثل ماقلت لك لازم يكون التواصل بينكم مباشر .. عشان باكر لما تتزوجوا لو الله كتب لكم النصيب تكونوا قادرين تحلوا مشاكلكم فيما بينكم وخلوا وساطات الأهل للمشاكل الكبرى لاقدر الله ..

الله يكتب لك الخير

__________________
يارب لِذْتُ ببابك راجية عفوك ورحمتك,خذ بيدي إلى ما أصبو إليه وإرحمني برحمتك التي وسعت كل شيء,اللهم ارزقني زوجاً ولا تذرني فرداً وأنت خيرالوارثين ..اللهم اغفر لمن دعا لي