السلام عليكم ورحمة الله ويركاته

الخبر الحلو اني رجعت لبيتي بالسلامة والحمد الله

الخبر الشين ان زوجي زادت حده عزلته وصار يجلس بالمجلس طول اليوم ومايطلع الا وقت الاكل

وعنده بالمجلس نت وتلفزيون

انا خفت بالاول انه عنده شراب لانه يرفض ادخل ويقفل الباب حتى لما يطلع للعمل

لكنه حلف انه ماعنده شي وانه فقط يبي يكون له خصوصية

وصراحه مالاحظت عليه انه يشرب بل طبيعي جدا

خفت يكون مخدرات مثلا لكن مافيه اي عرض

وانا اشك اكثر شي انه يكون عنده مثلا مسجل اغاني مثلا اشياء انا ماتعجبني ولايبيني ادري واتضايق
لانه قالي مرة حملت موسيقى كلاسكية رومنسية
ومرة لما سألته عندك اشياء حرام قال ماعندي شراب والله
طبعا الان هو حتى النوم بالمجلس وانا مابينت له اني متضايقة رغم اني اشعر بملل عظيم
لاني طول اليوم انا وعيالي لحالنا

هو مبسوط من وضعه جدا ويقول سوي اللي تبين اهم شي لاتقولين له اطلع ولا جب
ولا يبي احد ابدا دايم يقول مالي خلق لاحد

مدري كيف اتعامل معه

وللمعلومية هو فيه اكتئاب وياكل علاج نفسي من يوم ماتزوجته
وكان انطوائي من زواجي به لكن كنت اجلس معه على النت وعند التلفزيون وينام معنا

مدري كيف اتعامل معه الان
مع اني جربت اني اجيه بالاشياء اللي يحبه وحاولت اتكلم معه فيها لكن بلافايدة حتى الاكل ياكل بسرعه علشان يرجع المجلس طبعا هو كان كذا من زمان لكن كنت ادري انه عند النت ولا يمنعني من الدخول
هل يحتاج مساعده مني وكيف
ودي اخلطه بالمجتمع
اخاف عليه من الوحده رغم انه مبسوط
اليوم جاني اخوي فجاءة طبعا اخوي قصده يبي يتأكد ان زوجي يشرب ولا
ودقيت عليه طبعا هذه وسيلة الاتصال لما يبغي شي يدق واجهزة له

المهم دقيت عليه قلت اخوي يبي يسلم عليك قال وش جيبة انا عجزان
الله ياخذ عمرك
ولا طلع ولا سلم عليه
انا الان مدري وش اسوي اهلي مررة حريصين انهم يتأكدون انه ترك الشرب وراح يكررون الجية
وهو انا متأكدة مايشرب بس مايبي احد ولا له خلق احد
وعارفه انه لما يجون اهلي ثانية بيحط حرته فيني ويمكن يحس انهم يبون يتأكدون من وضعه
وانا اصير في موقف محرج
وش رايكم وش الحل

والله يااختي مادري وش اقول لكن ........ اسال الله العظيم رب العرش الكريم انه يفرج همك يارب

__________________

انابالاول عندي سؤال ااعذرني بس انت على اي اساس رجعتي لزوجك؟

__________________
اللهم لا اله الا انت سبحانك اني كنت من الظالمين

والله صارت حوادث كثيرة

انتهت انه صار يرسل لي رسايل وطلب رجوعي له

طبعا والدي قال مستحيل ترجعين بهذه السهولة لكن اقنعته ان زوجي ماينفع معه الشدة

وخلني ارجع وانا ابعالج الموضوع بما انه وعد بانه ماراح يشرب خلاص

قال ابوي وكلامه للناس انه مايبيك وووو
خلاص ينتهي

حاولت بكل قوة لحد مااقتنع ابوي

دق زوجي علي وقال تبين ترجعين قلت ايه بس تعال كلم ابوي اول
قال لا ابتصل عليه
قلت ماينفع قال تبين يعطيني محاضرة طويلة ويقولها باستهزاء

المهم اقنعت ابوي انه يوافق على المكالمة وو افق علشاني رغم انه مو مقتنع

واعدني زوجي انه يجي الساعة عشر وعدت الساعة عشر وادق مايرد علي

بعدها دقت اخته وقالت ان سواقي صدم ودقيت عليه وقال استئنذي من ثبات لاني وعدتها

وانت وش رايك تخلين رجعتك بكرة
قلت طيب وانا معصب مرررة
صرت ادق عليه مايرد
ارسلت له رسالة هذه اهانة ولا تطنيش ؟
رد علي كلهن

وبعدها كلم وقال انا مادريت عن اتصالك واذا تبين جيتك الحين قلت بكيفك قال خلاص الحين ابمر
عصبت مرررة
وجا ورحت وانا مررة مقهورة

ولما دخلنا سولف شوي واخذ حقه الشرعي وقال ابروح المجلس تبين شي وابنام فيه
وجلست انا طول الليل ميته قهر
واليوم الثاني انفجرت عليه وقلت كل اللي بنفسي ورفعت راسي وشفته يصيح ولما شافني قام

الحين معاملته لي حلوة يضحك ويسولف عادي زي اول لكن يبي يجلس لحاله بالمجلس

ويقول ابي اعرس مسيار

اسمحي لي مع احترامي لك أحس شخصيتك ضعيفة ..

وتصدقين كل شيء يقوله لك زوجك ..

نصيحتي لك اشغلي نفسك واتركيه في حاله مادام يعاملك معاملة حلوة ومنعزل

خليه في انعزاليته واشغلي نفسك تراه لما يشوفك كذا تتحسن حالته والله أعلم ..

مع الاكثار من الاستغفار وقراءة سورة البقرة ..

أسأل الله لنا ولك التوفيق ,,

__________________

استغفرالله العظيم اختي انت عندك اطفال منه
اناراح اقترح عليكي بحل اول شي حاولي باي طريقه تدخلي الغرفه حتى لو اضطريتي تسوي نسخه للمفتاح
اثناء غيابه ادخلي وسوي حاجه بالكمبيوتر اسالي اي احد مختص وحاولي تفصلي النت من الاتصالات اطلبي من احد يلعب بالدش الي عندكم ويخرب القنوات
من جهه تانيه انت سوي قلبه كامله لحالك لبسك اسلوبك كل شي دوري على مواضيع بالنت وراح تلاقي افكار كتير
حاولي تظهريله انك ماراح تعنفيه لوكان بيشرب او اي حاجه لازم يصير يثق فيك وتشاركيه جلسته
يمكن هو يهرب من تعنيفك له انت لازم تنصحيه ماقلت لا بس بالاول اكسبيه ولفي النصيحه قبل ماتطلعيها وضعيهابقالب مليء بالحب والاحترام زوجك يحس انه سقط في نظرك ونظر اهلك وهدا بدليلل تصرفاته اللحين لازم نحاول نرجعله ثقتنا فيه حتى لو تمثيل الرجل فعلا فعلا طفل كبيرمافي وحده الاتقدر عليه بس لازم تعرف المدخل له

__________________
اللهم لا اله الا انت سبحانك اني كنت من الظالمين

اسمحي لي اختي ان ابوك يجنن وانتي اللي ماعندك سالفه
لا تقولين لي احبه وش جابلك الحب الا الاهانه وهو قاله
لك بنفسه ايه انا اهينك والله ثم والله ثم والله لو اني منك
اطلع واذب عياله عليه وارجعي بيت العز بيت ابوك وفي
كلا الحالتين انتي اصلا عايشه من دون رجال اسمحي لي
وترا على فكره انا اقول هذا الكلام علشانك لاتزعلي بس
انتي شخصيتك مره ضعيفه وهو يتسلى فيك وتراه للاسف
ماراح يتعدل وانتي كذا ابد وكل اللي سووه اهلك انتي ما
تستاهلينه لانهم هم يبون مصلحتك وانتي تبين مصلحته
وعذابك

تقريبآ الاخت قالت نفس الكلام الي ممكن اقوله مدري كيف رجعتيله وكيف رضيتي على نفسك الاهانه ابوك عارف مصلحتك وانتي مصره على انك تعيشي بالذل وكله كوم ورسالته كوم ثاني لو زوجي كان يحلم ارجع له واخليله عياله يبتلش فيهم

__________________

لا حوله ولا قوة الا بالله
اول شيىء انتى غلطى لما رجعتيله وايضا باين عليكى شخصيه ضعيفه
اقول طنشيه ولا تسالى فيه ولا كانه موجود وهوه فعلان وجوده زى عدمه اقول قوى قلبك شويه يمكن ينصلح حاله