السلام عليكم ورحمه الله وبركاته

الصراحه مدري من وين ابدا غير اني اقوللكم الله يفرج همكم وهم كل مسلم ويحل مشاكلكم ويرزق الزواج للي ما تزوج ويحفظ لكل واحد زوجه اذا كان متزوج

انا يا جماعه الخير وما لكم بالطويله متردد في امر الزواج مره اقول ان شاء الله نتزوج بدري ومره نقول خلاص بطلنا , انا ودي اكمل الجامعه انتساب والبنت اللي اهلي قالولي متى ما تبي تتزوج تراها موجوده سالنا عنها قالت امها الان عندها جامعه بعد ما تخلص من الجامعه نفكر وموضوع الموافقه بيد والدها يعني يمكن تحصلون منه الراي يعني الموضوع ماهو اكيد اني اتزوجها ابغى شوركم هل بمقدور عقد النكاح معها الان والزواج بعد ما تخلص الجامعه بعد ما نضغط على اهلها بالنسبه لسالفه الزواج يعني هل ترون انها بتصبر لمده ثلاث سنوات , الشي الثاني ما هو المبلغ اللي تشوفونه يلبي جميع اغراض الزواج لاني احتمال اقدم قرض على البنك وماني عارف كم المبلغ المناسب

وجزاكم الله خير لا تبخلون علي بنصيحتكم الله سعدكم

ولكم خالص شكري .


الاشراف: عذراً تم تغيير العنوان , بالتوفيق

يعني فتره 3 سنوات طويله

ولكن اذا كنتو انتو الاثنين تدرسون اخطبها رسمي وبعد ما تخلصون تزوجو

اما بخصوص القرض من البنك
فانصحك اخي بالابتعاد عن الرباء
فما اعتقد في قرض بدون ربا

__________________

قل امين الله يحفظك ويرزقك 34 مشاهده انت اللي رديت اشكرك من الاعماق

كيف يعني اخطبها اخاف اوقف في طريقها وتلقى واحد احسن مني ما ابغى اقطع رزق المسكينه

تراي داخلة أرد أبي دعوة
أولاً أحتمال رد أمها رفض بصورة غير مباشرة .. يعني ودها تجي من الاب .. أنا أقول احتمال مو أكيد
وبعدين كم عمرك ؟؟
أذا كنت صغير أصبر الين تكون نفسك وأن شاء الله يرزقك باللي تسعدك ..
لان فترة 3سنوات طويله حتى خطوبه .. تكثر المشاكل ويصيبكم الملل من بعض.. وجهة نظر
بالنسبه للقروض فيه بنوك أموالها حلال وماتتعامل بالربا
الله يوفقك ويكتب لك الخير

__________________

ابشر ما طلبت شي الدعوه جاهزه ان شاء الله متى ما تيسرت الامور

انا عمري 20 وانا ارى ان هالسن مناسب بالنسبه لكثره الفتن في هالزمن الله يبعدها عني وعنكم

طيب بعد 3 سنوات اذا جهزت نفسك واستعديت للزواج ولقيت البنت مازالت موجوده ما اتخطبت ولا تزوجت اتقدم لها وعلى بركة الله .. واذا تزوجت او انخطبت فما اللك نصيب فيها وان شاءالله تلقى احسن منها
ربي يوفقك لما فيه الخير

__________________

,
,


ثلاث سنوات طويلة وانا أخوك

أنا أقول دامك ناطر ناطر 3 سنوات خلها بدون زواج لأنك اذا كنت متزوج ومحروم أقوى على النفسم من كونك عزوبي

فأنا أقول هالثلاث سنوات كون نفسك وشوف امورك وين بتصير والي الله كاتبه فيه الخير

,
,

انا من رائي الاخوة بعدين عفوا اخوي ما فهمت ليش محدد ثلاث سنوات
اذا كانت هذي المده اللي هى تخلص فيها دراسه فترى يمكن تستنى وما توافق
واذا على انك تكون نفسك فهذا يعتمد
الله يوفقك يااااااااااارب

__________________
يارب ...والباقي وحدك تعلمه

اول شي المشكلة مو عندهااا لو خطبتها الان
المشكلة عندك انت هل بتصبر ثلاث سنواات الين تتزوجها
ما اعتقد صراااحة لأنة لو تملكتوو بيكون فية بينكم شووية زياراات
وبيزيد تعلقك فيهااااا
علشاان كذا افضل انة تتركها الى ان تخلص درااستها
افضل للك ولهاااا

انا مرريت بنفس وضعك انخطبت وانا لسى في اول سنة
في الجاامعة على اسااس راح نتزوج بعد ما اخلص ولكن
تزووجت بعدهااا بسنة لاااا وفي نص السنة كمااااااان
لأنة زوجي كاان عندة دورات براا وكان حاب ياخذني معااااة
وشووفني لحد الان انتسااب وما خلصت

اما بالنسبة للقرض على حسب تكاااليف الزواج عندكم
الله يوفقك يااااااارب

__________________

ابو فلان - missfofo - dimound

جزاكم الله خير على هالنصائح القيمه واشكركم من الاعماق

مره اخرى شاكر لكم مروركم