بسم الله الرحمن الرحيم

ربما تذكرون الفيلم المكسيكي الذي دار بيني وبين زوجتي، منذ خروجها الى بيت اهلها، وحتى عادت بعد نحو 4 اشهر، والمشاكل التي دارت بيننا.
خلاصة الامر .. انها عادت بعد ان اشترطت ان لا اجبرها ان تتواصل مع اهلي اطلاقا الا برغبتها، وطبعا رغبتها الا تتواصل معهم،وامور اخرى كثيرة.
مربط الفرس، الان ، انني ياجماعه ضااااايق صدري ووالله اني متحملها اكثر شي عشان اولادي، سبحان الله ، والله يااخوان اني كنت احب حب من كل قلبي، وبكل صدق، يعلم الله اني كنت احب الخروج معها، والروحه والجيه تكون معها، ويعلم الله مدري وش صار فيني، صارت تركب معاي في السيارة كانها جالسه على وجهي مو على كرسي السياره.
لم يعد بيننا مشاكل لانني بكل بساطه لم اعد اتكلم في أي شيء، اصبح الصمت سيد الموقف من الباب الى الباب، اصبحت تبحث في "عين اعور" عن رد ولم تعد تجده عندي.
مؤخرا بدءت تطلب مني بحكم انها موظفه ان اشتري لها ارض لها شخصيا وتعلمون قصة الخلاف الذي حدث بيني وبينها في شراكة سابقة في قطعة ارض – لمن تابع القصة – طبعا اعتذرت منها وقلت خلي اهلك يدورون لك انا مااقدر، غير ان أي خير اسويه لك ينقلب شر لذلك انا اسف، امراءة غريبة، عندما رجعت من بيت اهلها، كانت حاطه في بالها انها تبغى تطنشني وماتدخلني في امورها زي راتبها وارض وخلافه، لما شافت اصلا انا مااعاد لي رغبه ادخل في أي موضوع يخصها "حقدت" وقلبت "180 درجة".
في السنوات الماضيه كانت تجيب اشياء للبيت ولي وللاولاد، لما اختلفنا عادتها كلها وعايرتنا فيها، طبعا بعد مارجعت لو تجيب قطعة شوكولاته من فلوسها مااكلت منها، يعني احيانا تشتري حاجه من مدرستها، وتجيبها، طبعا مااقول مااكل منها، اقول مالي نفس، وهي تحاول تأكلني تحاول ، اقول والله مااحبها، في قرارة نفسها عاااااارفه، بس تحاول تصلح الموضوع باي شكل، مرة طفشت قالت لي " انت ماعندك حلول وسط" رديت برد مختصر " تعلمت منك".
لكن في كل هالسالفه واللي مضايقني مو فلوس ولا خلاف ولا غيره، صراحه هي ماااااتطيق اهلي، وماااعاد اقدر اجبرها عليهم، لان بيتنا على الهاوية، وانا اقتنعت ان مافيها خير لا لي ولا لهم.
واهلي امتنعو عن زيارتي تماما، والمسافة بعيدة، واولادي صغار وماقدر اخذهم لهم، لانهم عارفين انها ماتحبهم، ومايبغون يدخلون في أي مشاكل ويشتتون اولادي لدرجة ان ابوي يقول"حافظ على اولادك اهم شي".
انا يعرفني الجميع، وهذا سبب خلافي مع زوجتي، احب والدي ووالدتي كثيرا واحمد الله هم راضين علي، حتى الان مع كل خلافات زوجتي قائم بكل حقوقهم، لكن ... الصراحة انها قااااافله معااااي ... ماني قادر اتحملها بهذا الشكل،،،، ولاني قادر اصلحها ... وصعب اني اشرد اولادي وانا شفت وضعهم في المرة الماضية، ولو شردتهم النتيجة واحده يعني بيضيعون وماحلينا مشكله.

__________________
المستريح الي من العقل خاااااالي

اهلا اميرات :
اولا انا اتابع ارائك وردودك.. الحقيقة ان رجاحة عقلك ونضوج تجربتك واضح جدا من خلال ردودك..عموما .. هو سؤال وفضفضة... وقبل كل هذا وذاك .. عبرة لمن يعتبر
اما السؤال : فهل احد مر بمثل هذا الموقف ؟ وماهو الموقف الصحيح في راي كل شخص؟
تحياتي

__________________
المستريح الي من العقل خاااااالي

ودي بالقصة كاملة .. كذا احس انها تحاول تصلح وانت بكبريائك كـ رجل ما تبي تنسى ..

المشاكل على امور مادية هذي موب مشكلة وموب غريبة بعد .. لكن وش المشاكل الاساسية

؟


اذا فيه مواضيع سابقة لك ياليت تعطينا اياها .. نقول لك رأينا فيها وأنت استاذنا ..
او على الاقل ناخذ درس من قصتك ..

اخي ابو نايف .. انا قلت لك فيلم مكسيكي .. يعني من مئات الحلقات صعب سرده

__________________
المستريح الي من العقل خاااااالي

ياخي استهدي بالله وتعوذ من ابليس السالفة ماتستاهل ,,,
هي اللي مخليها تتعامل معاك كذا بسبب احساسها انك ماعاد تكن لها الحب زي اول يعني انت السبب اللي خليت زوجتك تتغير مع انها تحاول تتقرب منك وتصلح الوضع لكن انت مو مخلي لها اي مجال وتصدها ,,
والدليل علا اللي اقوله انها كلمتك في موضوع الارض وطلبت منك انت اللي تدور لها علا ارض ماطلبت من اهلها تبغا تحسسك ان مالها الا انت وانها تحس معاك بالامان وترجع الثقة بينك وبينها لكن انت للاسف خلاص حاط في قلبك وماتبغا تنسا حرام عليك واما بالنسبة انك تقول انها تمن عليك فهذا نكاية فيك علا اللي تسويه فيها انا ما انكر ان اسلوبها غلط بس انت السبب رجعوا الحياة بينكم زي اول ارجع عاملها زي اول قبل مشكلة الارض خلاص انسا السالفة القديمة هذه لاتخليها تاثر علا حياتكم تراها وسخ دنيا ماتسوا وهي اكيد من كثر ماتسمع قصص وبلاوي علا اللي يخون ثقة زوجته في مالها خلاها تخاف وهذا انت اقرب مثال اول ماصارت هالمشكلة بسبب الارض فكرت تتزوج عليها بالله عليك كيف راح تحس بالامان معاك,,, وانت بشهادتك تقول انها كانت مو مقصرة في حقك ابدا وصبرت علا مشاكل اهلك مو هذا كلامك في الموضوع الاول ياخي اقصر الشر ولاتخلي للشيطان مدخل بينكم ترا مايصدق يلاقي فرصة بس ارجع لزوجتك زي اول ابرك لك ,,

اما موضوع اهلك فهذا الشي وبعد المشاكل اللي كانت بينكم انا اشوف انه من الاسلم انهم يبعدوا عن بعض ولو مؤقتا وانت حاول تقرب بينهم بالكلام الطيب عنهم عند بعض وهي صدقني عشان تتقرب منك واذا حست بحبك لها زي اول وانه ماتغير شي راح تدور رضاك وراح تتقرب لاهلك عشانك انت ,,,

وعن تجربة اسألني قسم بالله العظيم ياما مشاكل صارت تشيب الراس وكانوا يقولوا لزوجي لاعاد تدخل بيتنا مانبغاها ولا نبغا نشوفها وهو قال لي لاتروحي عند اهلي ابدا مع العلم انهم جيراني خطوتين وانا عندهم قبال البيت وسكت عني زوجي بس ابدا معاملته معايا متغيرت ابدا وانا عشان ادور رضاه صرت اروح لهم في المناسبات واذا سمعت احد فيهم تعبان او في شي وفي رمضان والاعياد ولا قالوا شي صح لقانا وجلستنا تكون رسمية بس حتا زوجي ارتاح وقلت المشاكل ,,

وانت خليها ومع الايام راح تتعدل علاقتها باهلك لاتتدخل بينهم مصيرها تعقل وتفكر ان الدنيا ماتسوا خليك في حياتك انت معاها وعلاقتك مع زوجتك وانت حاول تكلمها عن صلة الارحام والله يكون في عونك ,,,

مرة اخرى اهلا اميرات :
نعم فكرت وفكرت وفكرت وفكرت.
لا اظنها ستتغير ولا اظن انني ساتغير، ولا اشعر فقط بنفور بل " كره" واعتقد انها مثلي، ونعم اشتقت اليها ولكن على شكلها القديم الذي كان، ووووووووووووووووووووووو.

واظن انها مسئلة وقت ، وعلاقتنا اشبه بمريض سرطان لا علاج له، خاصة وهي " امعة" بهذا الشكل الذي تعيش عليه،

__________________
المستريح الي من العقل خاااااالي

اتفق معك في جزء من كلامك ... ولكن الحياة اكبر من ان نضيعها .. واقل من ان نهتم فيها بهذا الشكل، يجب التوازن في كل شيء، وكل ماوصلت له امر خارج عن ارادتي .. لا ادري كيف حدث في داخلي

__________________
المستريح الي من العقل خاااااالي

بسم الله الرحمن الرحيم
السلام عليكم ورحمة الله وبركاته

الله يجزيك خيرا اخي الفاضل على حرصك على البر بوالديك والفوز برضاهما واذا تعارض ارضاء واليديك وزوجتك فرضاهما اولى كما قال رسول الله صلى الله عليه وسلم
إذا فعلت أمتي خمس عشرة خصلة فقد حل بها البلاء . قيل : وما هي يا رسول الله ؟ قال : إذا كان المغنم دولا ، وإذا كانت الأمانة مغنما ، والزكاة مغرما ، وأطاع الرجل زوجته ، وعق أمه ، وبر صديقه ، وجفا أباه ، وارتفعت الأصوات في المساجد ، وكان زعيم القوم أرذلهم ، وأكرم الرجل مخافة شره ، وشربت الخمر ، ولبس الحرير ، واتخذت القينات والمعازف ، ولعن آخر هذه الأمة أولها ، فليرتقبوا عند ذلك ريحا حمراء ، أو خسفا ، أو مسخا
الراوي: علي بن أبي طالب المحدث: المنذري - المصدر: الترغيب والترهيب - الصفحة أو الرقم: 4/75
خلاصة الدرجة: [إسناده صحيح أو حسن أو ما قاربهما]

وبالطبع فان والديك في حاجة لرؤية احفادهما لهذا
حاول اخي الفاضل ان تجعل بيت العائلة اي بيت والدك ووالدتك مشوق بالنسبة لها
ففي اي تجمع عائلي على الغداء مثلا او غيره خد اكبر اطفالك معك
انت تقول ان اطفالك صغار وانا لا اعرف اعمارهم ولكن ان كان الكبير عمره عامين فاكثر خذه معك في هذا التجمع ليس لكي يراه والديك فقط ولكن لكي تشعر زوجتك ان العائلة كلها مجتمعة وهي وحدها فربما يجعلها ذلك تفكر في المكانة التي وضعت نفسها فيها
واذا مرضت والدتك او والدك لا قدر الله وقامت زوجة اخيك برعايتهم باي شكل اسرد ذلك على اختك في الهاتف على مسمع من زوجتك كان تقول الله يرضى على فلانة عملت على رعايتهم اليوم اذهبي انتي غدا لرعايتهم وكأنك ليس لك زوجة تطلب منها
وداوم على اصطحاب اكبر اطفالك في معظم زياراتك لهم حتى تدخل السرور عليهم وحتى تجعل العلاقة بينهم وطيدة
وعندما تريد شراء هدية لاحد والديك اتصل باختك على مسمع منها واخبرها انك تريد شراء هدية وتريدها معك لانك بحاجة للذوق النسائي في اختيارها
وستجد بعد فترة زوجتك تتنحى عن هذا الشرط الصعب الذي وضعته لتعود لبيتها وتبدأ في التقرب لوالديك حتى تستعيد قربها منك كما كان في اول الزواج

جعل الله لك من كل هم فرجا ومن كل ضيق مخرجا

__________________