السلام عليكم ورحمة الله وبركاته
لو سمحتو يااخواني هل يعرف احد منكم مكان للاستشارات الزوجيه في مدينة الرياض
اتمنى منكم الا تخذلوني
لاني تاااااااااااااااايهه
وصلنا خلاص لطريق مسدووووووووووود
وعلى وشك طلاق
واريد ان اخطي خطوة الاستشاره كارضاء لضميري واقناع لنفسي باني فعلت كل مابوسعي لانقاذ ماتبقى من حياتي
انا اخذت قرار بالطلاق مو عشان اعاقبه وللا احسسه بخطاه
مثل ماكنت افكر من قبل
هذه المره الطلاق من اجلي انا
لان الشيطان بدا يلعب بي بشكل وسواس قهري
يقول لي خونيه مثل ماخانك
وكل مره اتعوذ منه وانسى هالكلام
وانام واصحى وانا كلي اقتناع اني لازم اخونه
وان لي كل الحق بذلك
وارجع اتعوذ منه
وكل مره يكون الوسواس اقوى
اهرب من هالوسواس للصلاة وقراءة القران
بس والله اني مو قااااااااااااااااااااااادره
فاحسن حل هو الطلاق
لانه عمره مارح يتوب ولا الشيطان بيموت

اختي فيه مركز الشيخ ابن باز لمساعدة الشباب على الزواج

لديهم مركز استشارات و اعتقد القسم النسائي قائم عليه بعض الأخوات الفاضلات

وان شاء الله يفيدونك .


وجهة نظري اختي :


تتهمين زوجك بالخيانه ؟

طيب يا اختي الفاضله ما سألتي نفسك ليه يخونك ؟

وش اللي وجده عند غيرك وماهو موجود عندك ؟


بالتأكيد هو وجد الحب و العطف و العناية الفائقه و الحضور و كل شئ جميل يتمناه الزوج ، وهذا هو اللي دفعه .

راجعي نفسك أولا و تأملي في حالك و حاولي التغيير

ولا يلعب الشيطان براسك ، احفظي نفسك و بيتك


وتأكدي بالأخير ان خيانتك ستعود لك و سيكون وبالها عليك انتي فقط .


حفظك الله و رعاك و هدى زوجك لكل خير

شكرا لك اخي وبستفسر عن مركز ابن باز
اختي اميرات انا مادري ليش يخون
انا ولله الحمد على قدر كبير من الجمال بشهادته ولانه عندما خطبني كنت على مواصفات معينه هو طالبها
وثانيا على درايه كبيره بالامور الزوجيه
واخاف الله كثيرا واخاف الله فيه واحفظه واصونه واحاول قد مااقدر اقربه من ربه

واهتمام كبير فيه وفي نفسيته وهو انسان مظغوط بالعمل واهتم بنفسياته
وعندي منه طفل
وخياناته اتوقع مرضيه
ووصلت لحد احضار بنات وشرب وصور معهم
وفكل مره كنت احتويه ويبكي وينهار ويوعدني ميعيدها
بس هالمره لمن شفت صور تعبت نفسيتي ولا عاد اقدر اكمل
هو قاعد يضحي بحبنا وبحياتنا وبكل شي عشان نزوات خبيثه لاصحابه الدور الكبير منها ( اصحابه هذول ياما تمشكل معاي عشانهم بس سبحان الله لي نظره في اصحابه ولو اني معرفهم )
الله يهديه لنفسه
بالمختصر انا ماطلبت الطلاق الا لمن شفت ان خيانته وصلت للجنس وصرت اخاف على نفسي واخاف على نفسي من الشيطان لاني مقدر اعيش من غير حب
وهو كان حلالي وكنت افرغ عواطفي فيه للعلم انا عمري 20 سنه
وصديقاتي لساتهم يعتبرون نفسهم اطفال ومراهقات
بس فوق هذا كله والله والله والله ان اللي فيني هذا شي مو طبيعي وسواس
صرت احس ان ربي يبي يعاقبه فيني
بس انا اخاف الله ومقدر اعيش كذا مشوشره
شوري علي اختي اميرات انا تعبت والله



وبالنسبه لاخوي حمد انا لااتهم زوجي بالخيانه
هي فعلا حصلت وبادله محسوسه
وثانيا هو لم يجد الحب والعطف والحنان في خياناته اللتي هي عباره عن سهرات شرب وخمر وبنات ليل
وهذا مالا يجده عندي فانا لاشرب ولا اعاشر اصدقائه
البنات الموجودات متوفرات للجميع وهذه المتعه فالموضوع بالنسبه لهم
بس الله يهدي الرجال دائما يدافعون عن بعض
واول شي سويته ياخوي انك تسيئ الظن فيني وتقلب الموضوع علي
انا ماقدر اعصي ربي واقوله خلينا نشرب مع بعض ونسوي حفلات ليل مع اصحابك عشان اعفه عن الحرام
مافي منطق
ومشكور عالعموم

احس اني بالاخير بضيع مابين شيطاني وبين خوفي من الله وبي زوجي
واخرتها نفسيتي بتتدمر وبنجن وبستخف
فانا ماقدر اخون ربي وللا هو مو فارق عندي خيانته بس خوفي من ربي
انا ماعلمت احد بالموضوع وذالك بتهديد منه
ولا اريد ايضا ان اخبر اهلي لان اخواني الرجال مثل اخوي حمد ممكن يقولون انتي السبب ووبيرجعوني
انا ناويه اخلص انا وياه كلللللللللل اجرائات الطلاق واروح لهلي عشان محد ياثر علي
وللا وش رايكم

المعذره اختي

ما ذكرتي شئ مؤلم جدا وقاسي


كون الرجل توصل به لهالدرجة من الخيانه انه يجاهر بالمعصيه فهذي تحتاج لوقفه


استشيري و استخيري



ربي يكون بعونك


ولست اقف ابدا ابدا مع مثل هذا الرجل لكن كنت احسب الموضووع لم يصل لهذه الدرجة اللي ذكرتي


نسأل الله العافيه والسلامه وان يستر علينا وعلى المسلمين اجمعين

منطق غريب شلون يرضى يعيش مع خاينه بحجة العنايه الفائقة والحضور !!
هالاشياء توفرها له ولعشرة غيره
كلام عجيب

__________________
اللهم احفظ لي زوجي وسخره لي واحفظ لي اولادي

غير كذا الموضوع كله تغيير فقط
مهما كانت الزوجه فيها مواصفات هو كان يحلم بها
من غير المعقول ان يظل على زوجته
لازم يغير
لي صديقه تحكي معاناتها مع زوجها اللي فقط مملك عليها يقول لها
انا ساتزوج بعدمانتزوج باربع سنين
قالت ليش
!!!!!!!!!!!!!!!!!!!!!!!! مستغربه استباق الامور
تقول له يعني ماتحبني
قالها الا انا احبك
بس تخيلي انك تحبي البرتقال
وكل يوم تاكلي برتقال برتقال برتقال برتقال كل يوم كل يوم ماتشتهين تاكلين تفاح حتى لو كنتي تحبين البرتقال اكثر شي في الدنيا

فعلا شر البليه مايضحك

ما تنلامين على نفسيتك الي تدمرت بسببه

الله يلوم الي يلومك .. بعد انتي مو شاكه الا شايفه بعينك ما حد قالك

والي يقول يمكن مقصره وشاف عند غيرك ما شاف عندك .. غلطان

ايش هذا قاعدين تبررون عصيان هالرجال لربه وتدافعون عنه ..

رب العالمين يقول {31} وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً {32}

الله يقول لا تقربوا وانتو تدافعون وتبررون وتقولون يمكن مقصرة

يالله دافعوا عنه الحين .. بس بتقدرون تدافعون يوم القيامه اذا وقفتوا فرادى أمام رب العالمين

يا أخوان كل واحد مسؤل عن الكلام الي يكتبه .. لا حد يدافع عن المحرمات الي لها نص صريح في القرآن

{17} مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ {18}

واذا تدافعون عنه عشانه زنى .. وش دفاعكم عنه يوم يشرب خمر .. بعد بتقولون مقصره معاه

يعني لازم تشرب عشان ترضيه وبتنسون هذي الاية بعد

إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ

والله يا أختي حتى لونك مقصره معاه من الألف إلى الياء لونه رجال فيه خير والا يعرف ربه قد ذرة

ما عمل الي يعمله ..

يعني الله ما سد ابواب الحلال عشان يروح ركض على وجهه ويزني ويشرب بعد وسهرات جماعيه

اعوذ بالله من غضب الله

والي يقول مقصرة معاه .. يعني لو الرجال مقصر مع زوجته هل هذا مبرر لخيانتها

والا بيقعد يدافع عنها مثل دفاعه عن الرجال

ايش المستنقع القذر الي رامي نفسه فيه ويبي يرميك فيه ويضيعك

هذا بالله عليه ما فكر في الطفل الي بيحط راسه بالتراب لما يذكرون ابوه مين

لا يا عمري لا تضيعين نفسك .. وعلى شان مين .. عشان واحد ما يستاهلك

تعوذي من ابليس .. وخلك اكبر منه ومن شيطانه .. خلك اشرف واعز منه

عشان يوم تنفصلين .. عنه تقولين ( وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ) وهو

ماشفتي منه ريحة الطيب

تبين تنفصلين .. وتبين تستشيرين اول .. بعد معاكِ حق عشان تخلصين ضميرك

ولوني حاسه أن نفسك لاعت منه بسبب المناظر المقززة الي شفتيها بعينك

والله لونه شايفك تكلمين رجال على المسن او ترسلينه كان قوم الدنيا عليك ولا قعدها واتهمك ان ما

عندك شرف

يا أختي سوي الي عليكِ ترى هذا مو من ثوبك


الله يهدي الجميع

__________________