http://www.66n.com/forums/showthread.php?t=170709

قال لي :

( يا أخي حرام عليك تناظر بنات الناس وتروح تخليهم )


واخرى تقول :

( ترضى احد يشوف خواتك ويروح )

ويرد الاخر :


( بنات الناس مو لعبه عندك )

وتتساندها بقول اخر

( انت شفت شكلك قبل ) وكأنها تعرف شكلي !!


وتقول اخرى :

( الجمال جمال الروح فقط ) >>>lمع انها لها موضوع ورأت فيه الخاطب ولم يعجبها شكله فرفضت !!


طيب والشاب اذا رفضوه اهل البنت ماينكسر خاطره !!! ولا ماله قلب ؟؟


واذا احيان رفضته البنت من نفسها لانها ( مارتاحت ) مايصير بهالحاله حرام عليها ولا بكيفه بالطقاق !!



جاوبوني يامن جعلتموني مجرما !

تم تعديل العنوان
وارجو متابعة مواضيعك وعدم فتح موضوعين بنفس الوقت

لك الحق في النظر واخذ القرار ولا عليك من كل ما قيل فلكل إنسان مواصفات معينه في فتاة الأحلام وإن كنت أرى بأن تخبر أهلك بمواصفات الفتاة الشكلية قبل التوجه لرؤيتها فإن وجدة المواصفات تنطبق على فتاة الأحلام أقدم على النظرة الشرعية وأحب أن أؤكد أن ما يحدث لك هو بالغالب عدم توافق للأرواح وليس الشكل فقط فكثيراً من يتشرط مواصفات معينه بالفتاة وتجده يتزوج بفتاة أقل من عادية والسبب في ذلك توافق الأرواح سبحان الله!!
أسأل الله أن يرزقك ويرزقني وجميع البنات الزوجات والأزواج الصالحين

__________________

انت لست مجرما فالرؤية الشرعية حق لك

لكنك لو رأيت نساء الدنيا لن تقتنع .... وهب انك اقتنعت ....فإن العيش مع الزوجه غير النظرة المثاية

وسوف تتزوج ان شاء الله ..... وتذكر ما اقول لك

حيض ونفاس وزعل و وجع رأس ..... ولكن في المقابل استمتاع ومزح و ملاعبة .... لكن لا شيء يدوم

لأن الله كتب السعادة الدائمة في الجنة وهي السلعة الغالية فحث السير اليها ولا تعجزن

اما الدنيا فهي دنيا ولن ترتفع ولن لا تنسى نصيبك منها

لكنك تحتاج ان تتخلص من التردد عند الاختيار

وتأكد ان المقاييس المثالية لن تجتمع في امرأة او رجل

ولكن التسديد والمقاربه

والخصال التي تعجبك ركز عليها وغض الطرف عن الباقي

والكمال لله وحده سبحانه وتعالى

لا منت مجرم

ومن حقك

والجمال مهم

ماقلنا شي

بس ياخي مواضيعك تستفز الأعضاء احيانا

المشكلة انك تكتب موضوع وكأنك بتاخذ بردود الأعضاء او تستفيد منها

والأعضاء يجتهدون في نصحك ويعطونك تجاربهم وعصارة تفكيرهم معاك

لكن أبدا

رايك هو رايكمايتغير


ومادمت مقتنع بالجمال
ليش تكتب مواضيع وتبين انك راح تاخذ راي رالاعضاء

مدامك مقتنع برايك

والله أمر ك محير

ولا اربع سنين وانت تدور عروس ؟؟!!

طبيعي البنت يتاخر زواجها لكن يمكن نصيبها ماجاها

لكن رجال يتاخر زواجه كل هالوقت لأنه مالقى وحدة على مزاجه

والله شي يخوف

والله لو يجيني واحد ويقولون لي صار له اربع سنين مالقى اللي تعجبه

والله لواني واثقة بنفسي

والله بخاف ويمكن ارفض

لان هذا معناه ان مايعجبه العجب

هذا اللي حنا نسميه ((وسواس))



انا بسألك سؤال

الحين هلك مايشوفون البنت قبل مانت تشوفها

مستحيل هلك مايعرفون ذوقك

المفروض تراعون مشاعر بنات الناس الصراحة

هم المفروض يوصفون لك شكل البنت تمام

وبناء عليه تقرر

يعني النحيفة اللي تركتها

معقوله ماقالولك نحيفة ..

خليهم يوصفون لك البنت وصف دقيق ..

والله عيب بنات الناس تصير سينما ..

لكل من هب ودب ..

وبعدين تعيب على شخص رفض بنت عشان ابوها مايصلي ..

وتقول هذا شي عادي ..

هو يمكن البنت مالها ذنب صحيح في ان ابوها مايصلي

لكن استغربت بصراحة من ردك عليه

قلت في نفسي (طالع من يتكلم )

جرب مرة تكون كتوم

غير معرفك ...

أسأل عن بنت جميلة

قول للعالم ابي بنت جميلة ..

وبتلقى

الجميلات الله مكثرهم

غض بصرك شوي ..

لو كنت كثير تتفرج على التلفزيون او البنات المتبرجات

فخف نظرك عنهم

لانك في هالحالة

مستحيل تقنعك اي بنت في الكون

استغر الله العظيم واتوب إليه

__________________

على فكرة الجميلة

او ملكة الجمال اللي شكلك تدور عليها

تشوف نفسها غالية ومو أي واحد يستاهلها

وتتشرط في المهر على كيفها

فإذا انت بتشرط وهي بتشرط ..

وانت ماتقدر تدفع ثمن طلبك

مشكلة

يعنيأضرب لك مثال ..

على إمكانياتك (المادية )

يبدو انك تقدر تشتري خاتم ذهب ابيض ..

لكن ماتقدر تشتري ألماس مثلا

أنا طبعا أقصد بالذهب الابيض البنت متوسطة الجمال

وبالألماس ((البنت الجميلة جدا))

واللي يقدر يدفع يشيل

مع احترامي للبنات ..وانا وحدة منهم

صرنا بضاعة الله المستعان

__________________

فديتج امة الله 28 .. فعلا انا حبيتج في الله .. اسأل الله لي ولج الجنة .. ولجميع المسلمين

انا بنفسي صادفت سالفة التعلق بالجمال ... يا اخواني الشباب .. الله يهنيكم بشبابكم وصحتكم ويحفظكم .. بس تخيلوا تزوجتوا بنت قطعة من الجمال .. واخلاااق فوق السحاب .. ودفعتوا الشئ الفلاني مهر وغيره وغيره ... تخيلوا صارلكم حادث بسيييييط وتعورت البنت فوجهها ... أو صار شي خرب أسباب هالجمال .. شو بيصير ؟؟؟؟
..لا تخلي نفسك مثالي وجاوب بصراحة

الله يسعدك ويهديك اخي الكريم


وان شا ءالله يارب ماتكون متوهق بعمرك وتكون ناجح بحياتك



اخي الكريم

النظره الشرعيه من حقك ومن حق الزوجه

فلا خلاف عليه


لكن حاول اخي انك تتحرى

اسأل مضبوط اهلك عن مواصفاتها

وبعدين لما تشوف اهلها اخوانها ابوها اكيد بتاخذ شوي من ملامحهم

يعني بتقرب لك الملامح شوي

واسأل جيدا جيد عن اهلها وفي اخر خطوه اطلب النظره الشرعيه



بصراحه انا ولا مره صاارت لي نظره شرعيه وارفضه او يرفضني


دائما يصير الرفض بصراحه من جهتي وقبل الشوفه او حتى قبل شوفه اهله

فبصراحه ماادري كيف شعور البنات من هذي الناحيه

الله لايبلانا



اخي هذا حق من حقوقك لكن كن حريصا

الله يسعدك ويسخرلك ويرزقك ربي الزوجه الصالحه اللي تسعدك وتصونك

ويارب يبلغك رمضان وانت معقود قرانك بالزوجه الصالحه اللي تملي عينك وقلب

موفق يارب

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

ياخوي ماعليك من كلام هدا ولا من كلام هديك اهم شئ راحتك النفسية الي تحس فيها من اول ما تدخل (لانه توافق بين الارواح)لان اهم شئ في الشوفة الشرعية الراحة ولعلمك فية ناس يرتاحون من دون ما يدققون في ملامحها لانها تكون مستحية ومنزلة راسهاوالشوفة الشرعية جق من حقوقك لانك انت الي بتتزوج ولا تلؤم نفسك وتاخد كلام غيرك ويقولون انت مجرم انت ما اجرمت انت تدور حقك في هدي الدنياالفانية واجمال شي اساسي ومهم ولا احد يقدر يلؤمك فية لان الرسول (ص)من ضمن الامور الاساسية في الزواج الجمال فهو بحد داتة مقياس والرسول اللهم صلي وسلم علية لاينطق عن الهواء

ولا يهمك كلامهم ادا قالوا موسوس اوانك ما يعجبك العجب ونفسيتك اهم شي في زواجك لانة بتنبني عليها اسرة كاملة

ولا تخاف مو كل جميلة بتشوف نفسها على زوجها بالعكس ادا كان هو يدور هدا الجمال ولقاة فهو اكيد بيقدسها ويدور رضاءها واكيد هي بتبادلة بالمثل لان المعاملة بالمثل


واخيرا الله يرزقك بالزوجة الي تسرك ادا نظرت لها

__________________

انا ماني مثل غيري اجي بدقة الأصبع انا مهرة من غير فارس عجز منهو يروضها

اخوي يقولون لكلاً من اسمه نصيب وانت شكلك صدق متوهق بعمرك
والله حاسه انك في وادي واللى يخطبون لك في وادي
وتدري وين المشكله ...............المشكله عندك ,واضح من مواضيعك انك ماتعرف تقول اللى في خاطرك وبالتالي اللى انت تبيه ماوصل للي يدورون لك ( انت حاط شكل معين في بالك وماقدرته توصفها صح)
الله يرزقك ببنت الحلال الى تفهمك وتملى عينك وتملى عينها

أنا مع تعديل مشرفتنا الفاضلة فيافي نجد

وارجو متابعة مواضيعك وعدم فتح موضوعين بنفس الوقت



أخوك

عزوبي بس رجل
دمتم بحفظ الرحمن

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين