السلام عليكم

ابدخل بالموضوع على طوول

عندي صديقتي انخطبت قبل فترة من شخص والنعم فيه .. لكن البنت قلبها معلق مع شخص ثاني والشخص متعلق فيها مررة .. وكلهم يحبوون بعض مرة ...( والى يحبه تقدم لها .. ووافقت هي بس اهله ردوه قالوا له توه بالجامعـة وماندري عن مستقبله .. واخذت له فترة وهي تعبانه وضايق صدره بالحيل ... فقرر انه يتقدم اول مايخلص الجامعة .. والولد ماشاء الله عليه اخلاق ومثقف وكل الصفات الزينه فيه ) ... المهم هذا الشخص الى تقدم له وافقوا اهله عليه ... واغصبوها انه توافق ووافقت بالغصب وتمت الشوفه الشرعية وتدعي ليل نهار انه مايرتاح ... المهم هو اتصل واعطاهم الموافقة .. البنت ماقدرت تصبر قامت واتصلت عليه وقالت له انه مارتاحت وقالت قلت لاهلي كذا وقالوا لي ترتاحين بعد الشوفه وشفتك ولا ارتحت .. كذا قالت له .. ثم قالت ياليت تتصل على اهلي وتقولهم اني مارتحت وتنسحب قبل مايصير شي بعدين قال لا ان شاء الله ثم قالت له طيب انا مابيك يعني علمته بالصراحة بس هو مدري وش الله قايل فيه ماعنده كرامة والا مدري وش قصته ... عموما الشخص رفض انه يكلم اهله .. قال ياتقولين لاهلك انتي انك ماتبيني او انا اكلم ابوك واقوله ان البنت كلمتن وقالت لي الموضوع كذا وكذا او ان شاء الله مايصير شي وترتاحين بعدين .. البنت صعبة تكلم اهله هم شديدين قووووة .. ولو دروا انه مكلمته كان ذبحوها ... والبنت اصلا ماكان لها اي شعور للشخص هذا .... بس بعد المكالمة كرهته من اسلوبه .. بدت تقولي اني ماطيقه ابد ..

شرايكم وش الحل والبنت ماتقدر تصارح اهله ابد اهله صعبين مره ؟ والبنت مستحيل تنسى الى تحبه ومتعلقه فيه ... خصوصا انه تدري ان الى يحبه ضحى باشياء كثيرة عشانه ... فصعبة تنساه .. والبنت صارت ماتحب تسمع طاري خطيبها هذا وتعصب لاسمعت طاريه


وانا خايفه ان هذا ياخذها بس وبعد فترة يتركها .. لان صديقتي جافة مره .. واخذت واحد مغصوبة عليه ... وش راح يكون يعني !!

ان كان فعلا الاول ضحى عشانها

المفروض يتحرك وعالأقل يحجزها بخطوبة لحد ماينتهي من دراسته

__________________

من أقوال الشيخ المغامســــي - حفظه الله - :


"ماسعى ابن آدم في إصلاح شيء أعظم من إصلاح قلبه ولن يصلح القلب شئٌ مثل القرآن "






"القلوب لايصلحها شي أعظم من كلام ربها , فتدبر القرآن السبيل الأول إلى صلاح القلوب "

والله دامـ إن حالتها مع أهلها كذا وإن كلـ واحد من الطرفين سواء هي أو أهلها أو خطيبها كلنـ مصر على رايه وكلمته



ماعندها غير حلـ واحد....



اللي هو ::



تصلي صلاة استخارة ثلاثـ أيام وتدعو رب العالمين إن الله ييسر هالأمر ولا يعسره وتهدي بالها وأعصابها وتتركـ التفكير في الشخص الأول لأن الله كتب هذا الشخص الثاني لها وحياتها بتكونـ معاه لذلك لابد أن تتأقلمـ مع الوضع ولازمـ تغير من جفاها وقسوته لأن ثباتها على كلمتها أبد مراح ينفعها وراح تندمر حياتها أكثر وأكثر



ومن المعروف إن لابد من أحد الطرفين أن يتنازل عن رأييه حتى تسير الحياة بشكل طبيعي ومريح




آسفة على الإطالة ..



والله يوفقها ويكتبـ لها الخير والسعادة والتوفيق...



ويوفق الجميع..



تحياتي

تحدي اليأس

هو حجزها حتى يخلص من الجامعة بس اهلها ردوه قالو انه توه صغير وماندري عن مستقبله

عايشة بقلب زوجها .. مشكووره على ردك وريحني كثير وان شاء الله ابقولها كذا مع انه عنيدة قوة والله يعينه وتقدر تنساه

ماشاء الله عليها صديقتك مرة قويه .. لو انا مكان الخطيب كنت سويت نفس الشي .. يعني عقب ماتصل في الناس وقال لهم انه مرتاح وموافق يتصل ويقول مايبي !! كانه أخلف في وعده يعني ومب حلوه في حقه صراحة ..

رأيي انها تروح تكلم اهلها عقب ماتستخير .. وتتوكل على الله .. وتقول لهم انها مب مرتاحه والزواج مب بالغصب !! هاي زواج مب لعبه ..

الله يعيين .

اختك . ام فاطمة

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

ينقل إلى عالم المقبلين على الزواج ... مكانه الأنسب بإذن الله ..

احترامي ؛؛؛

__________________
... ( بالحب نعيش أجمل حياة ) ...

اختي العزيزه
ياريت لو ماكانت صديقتك اتصلت على الخاطب و اعلمته انها مغصوبه عليه لانه فرضا لو اهلها حكموا رايهم يصير المشكل اكبر متل ما قلتي :
...وانا خايفه ان هذا ياخذها بس وبعد فترة يتركها ...

اظن انه رح يعيش معها داءما بهالفكره في راسه !!

غلطانة انتي لمن قلتي

بس هو مدري وش الله قايل فيه ماعنده كرامة والا مدري وش قصته ..

ياعني البنت الغلط من عندها ومن اهلها البنت لازم هيا الي تكلم امها ولا ابوها..

يعني الولد قاهم طيب وموافق صعبة يرجع في كلامو,,,

بصراحه ضيقتي صدري ... شوفي يا عسل خلي صديقتك ترفض وتصر على رفضه..وخطيبه هذا وجهه مغسول بمرق زين اللي كلمته عشان تكتشف هالصفه فيه.. مالها غير تصر على الرفض وعدم الارتياح والله يوفقها بحياتها...
ملاحظة( اذا تبين الصراحه الصراحه لاحظت من خلال زميلاتي وقريباتي ان اللي تنجبر على زوج معين صدقيني هم اللي يتوفقون أكثر.. لأن الأهل نظرتهم أبعد وأنضج وأوسع.. وأقولها لك من تجربتي ليتني أخذت راي أهلي )