السلام عليكم

ممكن البعض يعرف مشكلتي الي كتبها قبل شهرين

السالفه الحين الشيطان يفر مخي فر

قسماً بالله لي حدود ممكن شهر بسافر خارج البلاد وعارف ان سفري راح يكون فيه معصيه لله يعني ....

وكنت ادعي ربي في سجودي ان ربي ما يسهل لي السفره اذا كان فيها معصيه له والحمدلله كل ما قررت امشي جاء شي وعطلني عن السفر

والله اني احمد الله وشكره على عدم تسهيل لي السفر

انا ابي اتزوج خلاص مليت من العزوبيه الي اصغر مني عندهم ولد ولا بنت والي في سني عندهم على اثنين صرت ما احب الجمعه صرت امل احب اجلس لوحدي

وامي الله يهديها حاطه بنت في راسها ولا تبي الا هي

ولو عصيتها و تزوجت غير البنت الي تبي راح تكون مشاكل بينها وبين زوجتي وهذا الا ما ابيه

والله ما ابي امي زوجتي يكونو اعداء

تكلمت معها وصارت هوشه وزعلت علي وصرت ما اكل لين تبهذلت صحتي

اقول في نفسي ياولد العن الشيطان وخذ البنت الي امك تبيها وصبر ولعل الله يحبب البنت لك ويجعلها لك خير ومرات اقول خلك عزوبي احسن بس خوفي من اني اطيح في الزنا والله ثم والله هذا خوفي

لا احد يجي يقول اقنع امك امي راسها مقفل يعني مافيه امل

طبعاً للعلم البنت الي تقول عليها امي انظر لها عايدي يعني لا احبها ولا اكرها

وطبعاً لو كتب الله وتزوجتها ما راح تنظر مني ابد يعني سعادتها وراحتها راح تاخذها ولا راح تدري عن الي في قلبي ابد لأن من طبعاً اكتم في قلبي ولا ابوح بالشي الي راح يسبب مشاكل

مخي قفل ممكن اصبر لين بعد العيد بس بعدها الله يستر وش يصير

شيرو علي فهموني

اليوم الجمعه وفيه ساعه مستجابه

اتمنى ان تدعون لي من قلبكم بأن الله يفتحها في وجهي ويفرج همي

مليييييييييييييييييييييييييييييييت من كل شي

اسف على الاطاله بس من الغبن الي فيني

اضرب عن الطعام وقلب امك سيحن ويرق.............

قد ينفعك هدا الراي لكن بجد ادعو الله ولا تمل ولك مني دعاء ان يحنن الله قلب امك ويفتحها عليك من حيث لا تدري

__________________


اللهم اعنا على ذكرك وشكرك وحسن عبادتك

اضرب عن الطعام ااااااااااااااااااه بس

الجسم فيها حتى اني صرت ادوخ من قلت العيشه


دعواتك لي وجزاك الله خير

وعليكم السلام ورحمة الله وبركاته

الله يفرج لك يارب ويرزقك الزوجه اللي تحبها وتسعدك

ممكن أحد من الأهل يساعدك ويقنع أمك

حاول وان شاء الله ربي مايخيبك

__________________

اللهم امين

بس مافيه احد لان راح تكبر المشكله وهي ما احد يدري عنها

المسأله لو فتحت باب راح تكون مشاكل بين الوالد و الوالده يعني ممكن خراب بيت هذا الي ذابحني

الله يفرج همك ويرزقك بالزوج اللي تسر قلبك

اللهم امين

جزاك الله خير

ياأخي الحبيب

أبارك لك وأهنئك بمناسبة أن الله صرفك عن الزنا لأنه فقر وهلاك لك

ثانيا:أمك ليس لها الحق أن تجبرك على فتاة معينة ولك الحق في رفض ذلك بدون رفع صوتك أو التقصير في حقوقها

ثالثا :في الإسلام يحق للفتاة أن تقبل بمن تريد أو ترفض بمن تريد فكيف بالرجل إذا ..أليس من حقه أن يختار

رابعا :هروبك للسفر ليس حلا لمشكلتك وإنما سيزيد الأمور سوءا

خامسا : كن قوي الشخصية ولاتسمح لأحد أن يجبرك على شيء لاتريده فضعف الشخصية صفة ينبغي لكل رجل أو إمرأة المسارعة في التخلص منها وليس ذلك عشوائيا ولا بالصراخ والإضراب عن الطعام ولكن بمعرفة الصح من الخطأ وإتباع الحق مهما كان والثبات عليه وعدم قول نعم لكل شيء والسير على خطة ومباديء في الحياة

وآخرا وليس اخيرا

إعلم رحمك الله وتأكد بأن الزواج لا تنفع فيه مجاملة الأم فما الفائدة إذا ظلمت بنت الناس معك

ولا يعني كلامي أنني أحثك على عقوق والدتك فأنت عليك برها وطاعتها مهما كان ولكن لايعني ذلك أن تجبر نفسك على الزواج من فتاة أنت لاترغبها ولم تعجبك

ياهلا فيك ندم

اول شي احب اوضح لك اني قوي شخصيه ولله الحمد وياما تحملت من المشاق و المتعاب

السالفه تناقشت فيها مع الوالده بس اهي رافضه مرررررره وصارت تنطنش امر زواجي ولا ودها اني اتزوج في الاساس اذا جاء طاري الزواج حتى لما يقول احد مبروك راح تتزوج اهي على طول يتغير وجهها وتحاول تغير الموضوع

بعدين لي ثلاث سنوات على هذي الحال والله عمر المفروض الحين عندي بزرين

انا اقدر اخذ غيرها بس وش راح يصير امي راح تزعل علي وهذا الي ذابحني

تفاهمت معها بكل الطرق مافيه فايده

ما العيب في الفتاة اللي اختارتها امك؟؟؟

ولا انت حاطط عينك على وحدة تانية؟؟

__________________