السلام عليكم و رحمة الله و بركاته

أخباركم حبيباتي ؟

أحب في الأول أن أشكر كل اللي ساعدوني و جاوبوا على أسئلتي بتاعت الحفلة
منهم كيوتي باي حبيبتي و طبعا البقية أشكرهم كثيرا

اختفيت من المنتدى يومين , مشغولة و لما خلصت نمـــــــــــــــــــــــت كثير

المهم للي ما قرئش موضوع طلب المساعدة

أختي وصلت من السفر الساعة السادسة مساءا ليلة أول أمس

و بعدين عملنا عشا لذيذ لكن للأسف ما صورتش ( نسيــــــــــــت )

كان صينية رز معمر و صينية لحمة بالبطاطس و دجاجتين محمرين و شوربة لسان العصفور
و عصير عناب و فلفل مقلي حار

و بعد ساعتين عملنا الحفلة

الحفلة كانت بمناسبة نجاح أختي في الثانوية العامة

طبعا بالونات و زينة و أكل كله من إيدي

أختي اتفاجئت كتير
لأن آخر مرة شافتني فيها من 3 شهور ما كنتش بعرف غير البيض و الشاي

المهم كان عددنا 10 أشخاص
كان المفروض 12 لكن ام و بنتها اعتذروا قبلها بيوم

كنت ناوية أقدم الشاورما لكن اتحرقت فأكلنا الشباتي اللي عملته بالجبنة تاني يوم على الفطور

المهم

ما شاء الله , تبارك الرحمن


نبدأ العرض ( ما شاء الله )

في أول السفرة

الأطباق و الأكواب و الشوك و المشروبات ( جاهزة لأن محدش شجع فكرة العصير البيتي )

و دي سلطة فتوش لكن قبل التقديم مباشرة أحط فوقها طبق الخبز المحمص اللي جنبها و الصوص الأبيض اللي جنبها أيضا

كان طعمها كما قيل لي خيال و عجبت الكل , لكن أنا كنت مشغولة و ما أكلتش غير لما الحفلة تخلص و كانت السلطة خلصت



و ده شكلها بعد الخلط , لكن أنا بصراحة قطعت صورتها من صورة كبيرة فيها ناس لأني بعد ما وصل الناس ما صورتش غير الناس نفسها مع إن السفرة كبرت بالذات إني وصيت خالتي على درزن جاتوه و باتيه



و ده دوريتس جاهز , العيلة مدمناه



بعدين الفطاير , نص البيتزا و النقانق كان طار لأن البنات ( خواتي و بنات خالتي ) قاعدين بتسلوا عليهم و أنا واقفة في المطبخ مش منتبهه بحضر طبق فطاير الجبنة ( ده الوحيد اللي نجا منهم ) , المهم لحقت أصورهم قبل ما الطبق يطير و قلتلهم انتظروا نبدأ بعد شوية , يقولولي حلوين مش قادرين نصبر

نقانق الأورجانو لكن أصغر شوية من اللي كانت في المنتدى



البيتزا لكن كان نصها كان طار و تبقى المعوق منها



و دي ألذ شيء في الموضوع فطاير الجبنة بالنعناع



بعدين بيتزا عادية كبيرة , كانت لذيذة



و دي بيتزا دوار الشمس كان شكلها شيك و تحفة , ده حرف إن و لا زد بالإنجلش ؟؟ الله أعلم مش مهم , أول حرف مني لو إن و أول حرف من أختي لو زد



و كل المعجنات بعجينة العشر دقايق

بعدين الحلو

حلو الشوكولا بتاعي , و نفس الشيء الحرف طلع معوق , أختي تقولي حاطة حرفك ليه , أقولها أنا مظلومة حرفك لكن شوفيه من الجنب



ده التشيز كيك , شكله تعبان شوية لكن طعمه كان رائع
بصراحة أنا ألفت الطريقة حسب ذاكرتي
( كنت بشوف ماما بتعمله و أنا قاعدة كلام في كلام في كلام على باب المطبخ )



و دي الطبقات من الجنب



و دي التورتة , الشيء الوحيد اللي شكلها كان مضبوط

خالتي ضربتها و أنا خبزتها و قسمتها و زينتها
بالكريمة اللباني مع زبادي الفراولة و حشيتها مربى فراولة و التزيين بالأناناس و الشوكولا

( نصيحة : ما تزينوش تورتة بـ إم أند أمز لأنه بيذوب و لونه بينزل عليها , لكن عمل شكل لو تلاحظوا تحت الأناناس فيه لون أخضر منه و أنا شلت الإم أند إمز لكن عجبني اللون فخليته و حطيت فوق الأناناس )



و ده شكل السفرة قبل ما أحط الجاتوه و الباتيه , لكن مقدرتش أصور بعدها لأن الأكل بدء



و شغلنا أناشيد نجاح و زغاريط ( يباب ) و كان الجو العائلي حلو

و كلهم يقولولي لازم أطلع مذيعة في برنامج حلويات و معجنات

الحمد لله , قدرت أعمل الحاجات دي و طلع طعمها حلو جدا مع إني كنت صفر في المطابخ

إن شاء الله أعمل شيء تاني يوم الأحد القادم بمناسبة وصول ماما , لو شيء جديد حصوره , لو نفس الأكلات مفيش داعي

و أي حد عايز طريقة شيء يسئلني و أنا حعرضهم في موضوع منفصل لأني بصراحة من الإنشغال معرفتش أصور الخطوات
بإنتظار مشاركتكم

__________________

ماشاء الله تبارك الله ,,
الاصناف كثيره و منوعه
شكلها لذيذه ما قصرتي والله
و مبروك تخرج اختك وعقبال الجامعه و الدكتوراه ...

تسلمي حبيبتي أم عالية
ربنا يوفقك و يبارك فيكِ
و شكرا على المرور الطيب

__________________

ما شاء الله
سفره جميله والاباق حلوه الله يعطيكي العافيه

ربنا يخليكِ و يوفقك
شكرا على المرور

__________________

يعطيكي العافية

تبارك الرحمن ماقصرتي أبداً مع أختك وسوف لن تنساها لكِ أبداً

على فكرة هل نفس أختك اللي كانت تريد الخروج للتسوق كثيرا أم غيرها ؟ وماكان شعورها في حال لم تكن هي المحتفل بها ؟

وبالتوفيق

آهلا أخي في الله

لا مش نفس أختي اللي بتحب التسوق ( بس خواتي الإتنين نسخ من بعض بيحبوا التسوق و الخروج )
اللي ذكرتها قبل كده أختي الصغيرة , لكن المحتفل بيها كانت الوسطى
بالنسبة لمشاعر أختي الصغيرة كانت مبسوطة و قعدن نفخت 50 بالونة ما شاء الله مع إنها ضعيفة و نحيفة
و جهزت الغرفة عشان أختي
أنا أتوقع إنها مفيش في قلبها غيرة و لا شيء لأن الحفلة كانت لسبب واضح ( النجاح في آخر سنة دراسية قبل الجامعة بإذن الله )
و لما وصلت أختي الصغيرة على هنا من شهر كنت شارية لها هدية طقم ملابس كامل مع اكسسواراته و نظارة شمس و شنطة يد , يعني إن شاء الله يكونوا الإتنين مبسوطين

جزاك الله خيرا على المرور الطيب و السؤال

__________________

تُحفة بجد ماشاء الله ربنا يباركلكوا في بعض

بصراحة هو الاروع احساسك بيها اساسا ...

تسلم اديكي .. عقبال ماتعمليلنا المحاشي ..............
ربنا يكرمكم يارب

انا عجبتني البتاعة بتاعة السوسيس .. عاوزة حته


يلا بالهنا والشفا وعقبال ما تحتفلوا بيوم الحنة .. ليكي وليها ولأختك الصغيرة كمان :14:

__________________

آهلا حبيبتي

أرسلك طبق فطاير سوسيس حالا

ربنا يوفقك و يرزقك

مرورك الطيب أفرحني

__________________