لي مشكله احترت في حلها ...فيها من الغرابه الشي الكثير ...وفيها من مشاكل من حولي ايضا الشي الكثير ..

السالفه ومافيها ياخوان اني تقدم لي كذا احد من العايله بس كان خاطري اخذ من برع العايله ...لكن على ايامي كانوا الاهل يرفضون تطلع البنت برع العايله الا من رحم ربي ....والحين :14: فيه تطور بس مالحقت عليه ..هههههههههههه

المهم ...
تقدم لي كذا واحد من عيال عمومتي وفي النهايه بعد مارفضت كذا واحد اظطريت اوافق على واحد من عيال عمي اللي ارتحت له وفي نفس الوقت خوفا من الوالد لانه شديد وبعضهم وصلني خبر انهم يقولون اكيد في بالها احد ....وانا والله مافي بالي احد ...

المهم اني استخرت كذا مرة علشان اميز مشاعري وماتعجل على موافقتي على ولد عمي خصوصا اني مابغى حد في ذاك الوقت ..الحاصل ياخوان اني هالمرة بعد كل استخارة حسيت بالراحه ومرات اقنع نفسي باني احبه ومن هالقبيل المهم قلت بتم استخير علشان ماتسرع ..استخرت سبع مرات واخر استخارة عقدتها الاخيرة ونمت ...شفت رؤيا غريبه غريبه لين هاليوم وبعد كل هالسنوات لازلت اتذكر كل تفاصيلها حرف حرف ونقطه نقطه ..وخاطري لين هاليوم حد يفسرها المهم اني صحيت على اذان الفجر او وقت فجر مو متذكرة ...كل اللي اعرفه اني استخرت علشان ولد عمي وزواجي منه ...وباختصار بدون ذكر الرؤيا ....جاني واحد في الحلم اول مرة بحياتي اشوفه وعطاني اسمه واسم عايلته وبصراحه هالعايله بذاك الوقت ماكنا نسمع فيها واجد .....يعني ماهم من العايله ولا من معارفنا كلش بالمرة ولا بحياتي تعرفت على اي بنت من عايلتهم ....وكان معطيني اياها على اساس انه يحبني والغريب في الحلم كاني اعرفه وابادله نفس مشاعرة وكان فيه احداث في الرؤيا
تدل على ارتباط وما ارتباط من خلال تفسير الرؤيا من بعض العارفين وفيه منهم شيخ دين لكن الله يسامحه ..مارضى يكمل تفسيرها.. لكن ماقد فسرته عند حد من المفسرين الكبار خاطري افسرها ....المهم هالشخص واسمه وربي ماعرفه خير شر .فقط عرفته في الحلم .صراحه استغربت لكن ماهتميت وقلت دامني مرتاحه لولد عمي او على الاقل تقبلت الوضع ورضخت للواقع..

وتوكلت على الله وقلت دامه يحبني ويموت فيني حرام اكسر بخاطرةوطنشت للحلم وعشت حياتي بس صارت اشياء من ناحيته مابغى اذكرها من اول اسبوعين زواج انصدمت فيه عكس ماتوقعت خصوصا انه يقول اموت فيج واحبك مابي اتكلم عن الصدمات اللي مريت فيها بختصر السالفه واقول مرات احسه يحبني ومرات يسوي شي ينسف هالحب نسف وربي ماساعدنا اني احبه الا العكس الله يسامحه....

مرت حياتنا بين الحلوة والمرة لانها صارت مشكله بعدما كنت اسامحه وكنت قايلت له اذا تتكرر شي من هالمواقف بتكون انت انهيت حياتنا ...( السالفه فيها خيانات ماتوصل للزنا لاني اكتشفها قبل توصل نحيس شسوي له ) ههههههههههههههههههههه

المهم يقولون الثالثه ثابته وقلتها له طبعا هالجمله ..اشياء صارت اكثر من ثلاث بس اللي بدون ادله تجاهلتها بالرغم من قناعتي الداخليه ...بس حاسبته على اللي صدته بالادله طبعا كان ينكر وفي النهايه يعترف بعدم اقوله بواجهك بالدليل يعترف ...وينكسر قدامي ..

اخر مرة كانت ثابته وتغيرت نفسيتي ناحيته واخذت اغراضي وبيت هلي لاني مو من نوع الحريم اللي على اتفه شي تروح بيت اهلها طبعا بعد زواج 6 سنوات تغيرت مشاعري ناحيته صار بقلبي صد عنه المهم انكسرت مشاعري وهالمرة انكسرت بدون رجعه

المهم بعدما اصلحوا اهلي بينا طبعا ماخبرتهم شسالفه بصراحه لو خبرتهم بتنكسر نفسي اكثر وماعتقد اني برجع لكني قلت لهم انه غلطانه بدون ماذكر ان السالفه خيانه واهو قدامهم اعترف انه غلطان بدون ماذكر لهم وش السالفه وقال اختكم انا شاريها وهي ماهي مقصرة بشي والله ياناس ان كنت ادلعه واسوي له كلمايتمناة الزوج هذاغير اني واحدة كشيخه ببيتي وبرع وفوق هذا ماكان يفتح بعينه ولا يمدح واذا مدح ينهي المدح بانتقاد جارح ومن هالقبيل ...واغير من لوكي ومايلاحظ ومرات بالجنس كسول ويحاول يقنعني انه شي طبيعي لين تكون المراة عند زوجها انه معاد يهتم بها السوالف طالما اهي عندة ( هذا وهو يقول انه يحبني ؟)؟؟
صراحه كنت اشوف اشلون الحريم من حولي اللي متزوجات وصار لهم سنوات واستغرب لهفه ازواجهم لهن
كان هذا بعد زواجي السنوات الاولى يعني وفوق هذا مشيت الحياة الزوجيه واحتسبت لكن ابى الا انه يخربها بحركاته المكشوفه ( على فكرة اهو ماهو من النوع المغازلجي على الاقل امامي ) ولا من النوع اللي يكثر روحه المجمعات والاسواق وهذا اللي استغرب له ..ليش يسوى هالحركات مادري ولين اقوله قولي اذا مقصرة يقول حشى لله مانتي مقصرة لين اقول طيب زين ليش يقول الشيطان شاطر ..بس انا الحين شسوي وصلت لنقطه معاد احس ناحيته لا بحب ولا غيرة ويوم رجعت له قلت له قسم بالله بسامحك لكن ترى معادني الجازي اللي انت خابرها فلاتستغرب من أي شي ..

اهو صار احسن من اول ويراعي مشاعري وحلف انه معاد يرجع لذيك الشغلات ....بس فيه واحدة قريبه قريبه لي واجد صادته بنفس الغلطه اللي طلعت منها من البيت اخر مرة حسيت فيه شي ذاك اليوم بس الشك ذبحنا ( عموما فقدت الثقه بجنس الرجال ) وبصراحه اهو اللي مقصر فيني مو انا لكن الله كريم ..عموما عرفت بعد مدة من الزمن بالسالفه وزادت مشاعري ماتت بالمرة خصوصا ان كان عندي احساس قوي واجهته انكر كالعادة مشيتها وانتهينا المشكله الحين وين المشكله عندي انا ....

ياخواني وياخواتي انا ماعاد احــــــــــــــــــــــــــــــــــــــــــبه وبالرغم من هالشي ( على فكرة اهو طيب وحنون وعياله يحبونه لكن اللي خرب علينا اهو حركاته ) والحين اهو معاي تمام بس انا متاكدة لو توفرت له نفس الضروف اللي غدر فيها بيعود ماعلينا الله كريم ..


الحين انا معاة ويشهد ربي بعد طبعا معاناة مع نفسي رجعت نفس اول بعد سنتين وبالعافيه يعني اراعيه واتعامل معاة باحترام واسوي له كل اللي يبغاة ومن هالقبيل بس حب اكون كذابه لابالله ماحس باي مشاعر حب ناحيته وربي لولا عيالي كنت تركته لكنه جيد معاهم ... والله اني اعتمرت على وعسى ربي يخليني احبه لكن سبحان من بيدة القلوب يقلبها كيفما شاء ..ودعيت لكن بعد مافيه فايدة ..

الحين ياخوان هل انا محاسبه عن عدم حبي له هالشي حاز في نفسي وربي اتعذب وافكر بالطلاق من جد لاني اتعذب لين اشوفه يراعيني ويحبني وانا امثل غصب عني ائه ائه ماهو بيدي ..

والمشكله الثانيه وخلال الفترة ذيك ظهر الانسان اللي شفته بالرؤيا بشحمه ولحمه واسم عايلته وشفته وليتني ماشفته بعد مرور 7 سنوات من الرؤيا لاتقولون انسى الرؤيا ماني قادرة من يوم شفته مرت قرابه 3سنوات ونصف والله ماني قادرة انساة احبه مـــــــــــــــــــــــــــــــــوت طبعا مايعرف بها الشي ولا يعرف باي شي ولا بيننا حتى كلام اللهم لاحظت انجذاب من ناحيته بتلك الفترة اللي جمعتنا بحكم احد الاجتماعات الوظيفه برغم ان وظيفتي غير مخـــــــــــتلطه نهايا بس لله احكام والله انا بروحي مصدومه من تطابق الاسماء واسم عايلته طبعا انا تجاهلته تماما لاني انسانه ملتزمه وصراحه اخاف من الله لكن الحقيقه ياخواني ويا اخواتي اني من داخل حبيته ترى مايعرف عني أي شي حتى وجهي ماشافه لكن شسوي وربي احترت ماني قادرة اشيله من تفكيري بسبه الرؤيا ( وكلما حاولت ) ارجع احبه اكثر من اول اعتقد حب من طرف واحد لاني ماعرف وينه اصلا ولا وين ساكن ولا أي شي سموة جنون سموة اللي تسموة ..قولوا وهم قولوا أي شي انا مقتنعه في هالحلم لاني مرة من سنوات خبرت شيخ بهالرؤيا وقال تفسيرها هذا انسان ترتبطين فيه يعني اهو زوجك قلت تبي الصراحه انا متزوجه قال منه قلت لا قال مستحيل مافيه شبه قلت بعد السماء عن الارض وقال عجل انسي الحلم ولا عاد رضي يكمل تفسير باقي الحلم وفيه احداث واجد بالرؤيا الله يسامحه ترجيته يكمل التفسير ورفض قلت له زين اعتبرة اضغاث احلام قال لا ماهو اضغاث احلام بس معاد تتفسر خلاص قلت رؤيا يوسف تمت قرابه 40 سنه تقريبا وبعدها تفسر حلمه ..وقال ولاتسئلين عنها حد وانسيها خلاص ....وانا ماقدر انساها...ولا اقدر انساة ..

الحين ضميري يعذبني اني عايش مع واحد وتفكيري مع واحد ثاني شسوي مرات افكر اتطلق لاني ماتعوت اعيش بوجهين والله اني اتعذب...من هالموضوع.. ياخوان وياخوات ارجوكم ارجوكم .الحين وش الافضل .. العيش معه ام افضل الطلاق هل سيحاسبني الله لاني ماني قادرة احب زوجي ؟
ماهو الاضل لي وله.

بتقولون انسي اوكيه ممكن اوهم نفسي بالنسيان لكن اني اجبر قلبي على حب زوجي اقول هذا اللي ماقدر عليه ...الحين شسوي اعيش عمري مع انسان قلبي مايبيه ولاعاد له مكان فيه واتم امثل اني احبه وافكر بغيرة اةةةة ادري انه ابتلاء عــــــــــــــسى الله يصبرني ويجعل لي منها مخرج .
ارجوكم ادعو لي ان الله يهديني ويصلحني ويثبت اقدامي على الدين القويم .ويوفقني الى مايحب ويرضاة...ولاتنسوني من الرد وخصوصا اذا مر احكم بنفس التجربه او مشابه لنفس التجربه.

__________________
سبحان من بيدة القلوب يقلبها كيفما شاء






[IMG][/IMG]

الله يعينك أختي صايرة بين نارين

اصبــــــــــــري و لا تتعجلي

مشكورة اخت جداويه على المرور ...الحمد لله صابرة والله المستعان

__________________
سبحان من بيدة القلوب يقلبها كيفما شاء






[IMG][/IMG]

الاشراف: ينقل إلى مكانه المناسب..(عالم المتزوجين)

__________________

اسألي مفسر ثاني والمقدر لابد يتم
لكن كيف ألتقيتي به وهل هو أفضل من زوجك علشان تحبينه على طول

__________________

المصريه مشكورة حبيبتي على المرور.تعرفي تعيش يعشان اولادك وبس ؟؟؟
والله ثم والله لولا هالشي كان تركت له الجمل بما حمل ولو تطلقت اكثر شي راح يتاثر هم اعيالي لانه يحبون ابوهم وهو طيب وممتاز معاهم ومعاي مانكر لكن الاخطاء اللي سواها نسفت الثقه وعلى فكرة منها اشياء ماهي سهله صح انها ماوصلت للزنا الاكبر بس بعد ضرتني نفسي ..

اما من ناحيه التفكير ادعوا لي ان الله يزيله من بالي وهو القادرعزوجل

__________________
سبحان من بيدة القلوب يقلبها كيفما شاء






[IMG][/IMG]

اولا انتي غير محاسبه على عدم حبك له لانه الرسول صلى الله عليه وسلم قال اللهم لاتؤاخذني

فيما لا املك لانه كان يميل للسيده عائشه اكثر بس طبعا كان عادل بين جميع زوجاته الشاهد

الحب والميل القلبي هذا نحن غير محاسبين عليه

ثاني شي اختي انتي انسانه دلوعه يعني بنفسك قلتي علاقه عابره وماوصلت للزنا ومسويه منها سالفه

وتعب نفسي ماعليه انا ما ابررله لكن اعتبريها من الفضاوه والفراغ سوى هالشئ والتسلى مصيره بيرجع

لبيته وانا متاكد انه يحبك جدا بس بعض الرجال يحب يتسلى بعلاقات عابره انتي تجاهلي هذا الشي

وقومي بدورك ولاتجعليه محور حياتك يعني بما انه ممتاز في اشياء كثييره وغلطه الوحيد علاقاته العابره هذي

فما عندك غير انه تصبرين عليه وماتكبيرن المسأله وتقنعين نفسك انك يتسلى ومش قصدك يجرحك

ارجع اقول ما ابررله هو غلطان ولكن بالمقارنه للأيجابيات اللى فيه انصحك تواصلين نصحه بترك العلاقات

وراجعي نفسك صدقيني اكثر العلاقات يقوم بها الرجل اذا شاف تقصير من زوجته ليس بمعنى تقصير كبير

يعني شاف شي ثاني في وحده وماشفه فيكي قوليله بصراحه انت شواللى يعجبك فيهم وانا بسويه

يعني انتي كوني ذكيه واشبعيه من كل النواحي اكيد في نواحي ما اشبعتيها بزوجك اشبعيها وبتشوفين

النتيجه يمكن تقولين انا مب مقصره ومسويه كل شي بس حتى بتلاقين ثغرات او اشياء يحبها زوجك وماسويتيها اتمنالك التوفيق ان شاءلله

مشكور اخوي على المرور ماعرف مفسرين واجد والغالبيه عندهم زحمه..المشكله ماهي في كيف التقيت فيه ...واشكثر مانلتقي بناس بين فترة والثانيه ..ومن ناحيه افضل ومافضل ماني عارفته وماعتقد بتزوجه يعني ولا عندي ربع في الميه اشوفه او يكون من نصيبي ومهامتني هالسالفه قد ماهمتني.. مشكلتي مع زوجي وعدم قدرتي على حبه بعد الصدمات النفسيه اللي سببها لي

__________________
سبحان من بيدة القلوب يقلبها كيفما شاء






[IMG][/IMG]

إن كان مقيماً للصلاة باراً بوالديه لا ينقص شئ عنكِ
لا يوجد ما يبرر الطلاق أما إن إنتقض شئ من اعلاه إختلف كل شئ ...

والله اعلم ...

__________________