بسم الله الرحمن الرحيم


معليش يااخواني واخواتي تعبتكم معي بكثره المشاكل لكن انتم اعتبركم اهلي وناسي...

القصه بختصار ... للي يعرفني بمواضعي الاوله اني خطبت بعد ماطلقت زوجتي


الاولى وانتهى كل شيء بيننا .. طلعت اليوم ابتمشى مع خطيبتي وتمشيت انا وياها بالفيصليه والمملكه ومرينا على التحليه وتعشينا ...... الى الان والوضع


اوكي .. بعد ماطلعنا من المطعم وركبنا السياره سألتني سؤال غريب..



قالت انا احس انك ماتبيني ؟؟؟ انا بصراحه انصدمت قلت وش هالسؤال اللي مادري

وش يبي .. قالت انا خايفه منك بصراحه انك تسوي مثل ماسويت مع زوجتك

الاولى .. قلت زواجي بالاولى غلطه وصححتها بزواجي منك ياقلبي المهم بدت

تسالني عن امور استغربت منها بس عرفت انها جايها حكي من طرف الزوجه

القديمه بخصوص سمعتي لدرجه انها تسالني انت تشرب او تسافر لبرا؟؟ .. انا ناوي ادق على الاولى واهزئها وش رايكم لان


هالشيء صار فيه خراب بيوت

لما قالت لك انت تشرب او تسافر
على طول جا في بالك زوجتك الاولى ليه؟؟

وبعدين طليقتك خلاص ماتحل لك مايصير تكلمها
وفرضا لو كلمتها يمكن ينفتح لك باب مسكر وتصير سالفة وتشك زوجتك بأن لك علاقة بطليقتك ومشاكل


الحل انك تتناقش مع زوجتك ليه قالت كذا وتريحها وتقنعها وبس
وحط في بالك نقطة مهمة زواجك الاول ماضي وانتهى خلاص انت فتحت صفحة جديدة
لاترجع للقديمة ابدا لأنها انتهت

__________________
اللهم لك الحمد والشكر
"ولئن شكرتم لأزيدنكم"

أشين شي اشووفه أن الطليق يذكر طليقته بسوء عشان يقنع الثانيه



كيف تبيها تأمنك كذا ؟

قول حسبي الله والنعم الوكيل في كل من يتهمك بسوء الله اعد ل العادلين وكفيل بان ينصرك
ادعي الله ان يجعلك قره عينها
فوض امرك لله
اثبت اخلاصك لها والله يوفقك يارب

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

نصيحه اخويه لاتتعرض للاولى نهائيا
وابتعد عن سوء الظن

لانك قد تفتح عليك باب مغلق وتعرف كيد النساء


الان حاول تطمن خطيبتك من ناحيتك

واطلب منها ان تعتبر نفسها الاولى في حياتك


ونسيان مامضى

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اتفق مع رأي الأخ
ومن رايي اقعد جلسة صريحة مع خطيبتك بمكان هادي وصارحها انك تضايقت من كلامها وفكرت فيه وايد وضروري تعرف سبب كلامها هل اهو مجرد احساس او سامعة حجي من ناس بدون ما تحدد ان من زوجتك الأولى او اي احد ثاني لانه احتمال مو واقع المهم واذا ما رضت تقول وقالت مجرد احساس ومن خلال كلامها حسيت ان احد قايل لها شي حاول تصر عليها انك تعرف صدقني ترى احنا البنات ما نقدر نسكت واجد واذا اهي سامعة كلام بتقول
ويمكن فعلا بس مجرد احساس نتيجة لأنك مطلق وخصوصا اذا ما قلت لها أسباب الطلاق يمكن فسرت على كيفها وخافت انك تطلع مثل شباب اليوم فسألتك اذا كنت تشرب او شي من هالقبيل واذا طلع احساس حاول تطمنها بأسلوبك وتوعدها انها راح تكون أمانة بعيونك ووو ما يحتاج انقلك كل الكلام الي راح تقوله

بالتوفيق

لا يا اخي الكريم لا تتصل في طليقتك ......حتى وان تاكدت ان الكلام صدر منها

مع الوقت زوجتك ستعرفك اكثر .........ولن تكن بحاجة للدفاع عن نفسك

الله ييسر لك امورك ويبعد عننك كل من اراد بك السوء

__________________
اللهم اني اسالك باسمك الحبيب الكافي......
ان تكفيني كل اموري مع زوجي...مما يشوش خاطري ويسهر ناظري....
الله الف بين قلبي وقلبه كما الفت بين قلوب عبادك,اللهم سخره لي كما سخرت البحر لموسى....عليه السلام....ولا تجعل لزوجي حظا في النساء مع غيري ابدا....
يا حي يا قيوم...واجعلني الزوجة الوحيدة له دائما...واجعلني ماء عينه ودم قلبه ودفء حياته واسعدني ولا تشقيني معه.....

يا ارحم الراحمين.....اللهم ارزقني ذرية صالحة مؤمنة بك وحدك....وابعد عنهم شياطين الانس والجن....

اللهم اميييين

والله العظيم

انك قبل شويه كان موضوعك في بالي واتفاجأت لم شفت لك موضوع جديد

اولا مبروووك على الخطوبة

وثانيا لاتتصل على زوجتك الأولى ولاشيء اهم شيء الجديده تصدقك
وهيا مع الايام بتعرف انها كانت غلطانه انها صدقت كلام اي احد

الله يوفقك ويسعدك ويعوضك خير يارب

,
,

أخي سوالف الحريم لاتنقطع حتى لو تروحلها البيت وتكسر راسها


أنت أثبت لخطيبتك عدم صحة الكلام بأفعالك


وأنا خابرك رجال حنين وراعي تدليع وحركات


بس لاتلوم المرأه الثانية


ترا الي تاخذ مطلق لازم يكون بقلبها كم سؤال تبي إجابتهم


والأفضل هو إبعاد الشك عن قلبها عن طريق الإجابه عن الأسئلة وحتى تبقى القلوب نظيفه وخاليه من الشوائب التي تفسد العلاقه


إترك الأولى خلااااااااااص حتى لو تظل تتكلم


زوجتك الثانيه حينما ترا معاملتك سترد هي على الأولى ( إن كان حقا الكلام منها ) وتذب وتدافع عنك أمام الكل


,
,

بقولك قصتي

انا تزوجت من شخص مطلق

زوجته الاولى جننته في حياته وماتوقعت انه يطلقها على طول

طلقها وقبل لا تنتهي العده خطبني

وهي جن جنونها وصارت تتصل عليه وعلى اهله تحاول انه يرجعها


بس هو كان خلاص كرهها ويبيني وبعد الخطبه اتصلت علي وحده وقالت انا ابي

مصلحتك وقالت كلام في زوجي بس انا على طول رحت قلت له

وهو عرف انه من طرف زوجته الاولى واكد لي ان الكلام كله كذب وانها تبي تخرب

وطلب مني اني انسى طلقيته ولا اجيب طاريها وهو بعد ماراح يجيب طاريها ابد

والحمد الله تزوجت والحين لي اربع سنين وماشفت من زوجي الا كل خير

اهم شي انك تكلم خطيبتك بصراحه وتقولها تنسى سالفه انك كنت متزوج قبلها

ولاعاد تجيبون طاري طليقتك مهما كانت الاسباب

ولا تتصل هلى طلقيتك ولا شي

لانك يمكن تكون ظالمها ويمكن تكون هي فعلا السبب وبكذا تفرح انها سببت لكم مشكله
خليكم كذا وكان شي ماصار

والله يوفقكم