اخواني واخوتي بعد التحية


مشكلتي باختصار وبدون مقدمات وشرح ...

هو زوجتي وهو اني احس في الاونة الاخيرة ببرود عاطفي غريب تجاهها سواء في مقابلتها لي او اهتمامها بأولادي مثلا : لازم اشرف على كل شي حتى لو كنت خارج البيت وقت نوم الاطفال احيانا ينام الاطفال بدون عشاء !! بحجة انهم لم يطلبو شي !!

هذا بالنسبة للعيال !

وما بالنسبة لابو العيال ... خذ مثال اخر اذا اتيت من العمل واخذت ابني من مدرسته وجينا على البيت ...طبعا اذا حالفني الحظ وكانت قد صحت من النوم الساعة12 تبدأ بالشتائم لابني بأن يضع حقيبته في غرفته !!! اما انا ... حط رجلك غير ملابسك لايجيك شي !!!
طبعا الله يحفظها توها صاحية من النوم ولكم تتخيلون كيف سيكون شكلها !!!

طبعا انا اجلس من دون نفس من اللي يصير قدامي وما ان ادخل الغرفة حتى احس براحة من الخروج من هذا الجو !!
طبعا اذا كانت الغرفة مرتبة بعد ما صحت حضرتها ثم اغط بنوم عميق بعد عناء يوم عمل !!

بالله ارشدوني تراني طفشت وصرت اكره علاقة الحب معها واحيانا والله اكره انها تجلس بجنبي او تلمسني !!!

واحس اموري تتجه للمجهول ]

الله يصلح حالكم .. ان شاء الله تلقى الجواب من اهل الخبره

الله ياصبرك يا اخوي بس كلمها وقولها ايش الي يضيقك فيها وفي افعالها مع العيال والله في حريم ما يدركون افعالهم بسبب الضغط النفسي الي تعيشه من مسوليات البيت والزوج والعيال والله يوفقك ويهديلك زوجتك

ان من راي انك تاخذها على مكان هادي خارج المنزل ... وتصارحها بكل شي في نفسك
وتوضح لها انك كنت تحبها وان الشي الي يسير يقلل من حبك لها ومن ومن ...
وان شاء الله ربي بيساعدك انك تتخطي مشكلتك...ويهديلك زوجتك

اخوي لو زوجتك شايفه منك الحزم كان ما ترجع البيت الا وكل شي مرتب والغدا جاهز و حتى تسمعها تهمس بدون ما يرتفع صوتها و تصدر اوامر عليك وعلى ولدها .. لانها لازم تكون عارفه انك تعبان و محتاج للراحه ..

اخوي التفاهم والصراحه في مثل هذ الامور ضروري جدا .. لازم تنبهها على هذه الامور ..في نسوان تكون بليده ..

ونصيحه للاخوات .. الزوج ما يحب الزوجه البليده اللي طوول اليوم نايمه و ما تشوف شغل بيتها .. و تكون مهمله في نفسها

الواحد يتزوج عشان يرتاح ويستقر مو عشان يربي بنت الناس من اول و جديد ..

يبدو ان التفاهم بينكما معدوم؟
أخي الكريم انصحك بأن تجلس معها جلسة هادئة وتطلب منها بكل لطف ما تراه مناسبا لبيتكم وبدون عصبية وبدون صراخ وبابتسامة تدل عن حبك لها.

__________________
دائما وابدا ,كل مكان وكل زمان.
الحمد لله والشكر لله .
ولا اله الا الله.

اذا كنت حريص على حياتك الزوجية وتحبها صارحها

لان فيه بعض الرجال مايصدق يمسك زله عشان يمسكها على زوجته

وخلاص لانه مايبغاها ويبغى اي عذر !!!

فنصيحة صارح زوجتك وجددوا العلاقة بسفر او طلعة ممكن تلاقون

حل بالمصارحة يمكن هي بعد تحس نفس الشعور تجاهك

وبالمصارحة يتضح كل شي

__________________

السلام عليكم

دع الحب جانبا

والحق بيتك قبل لا تروح فيهااا ..


اتبع بالتدريج ما يلي ..

1 - الحزم والشده بالراي والتمسك به بكل صلابه ..

2 - اجلس معها ولا تكلمه عن الحب وما غيره بل كلمها عن الاولاد والبيت ...وماتريده بالضبط من لحظه دخولك وحتى خروجك للدوام من الغد ..

3 - صارحها بما يجب عليها وبانها مقصره ...

4 - زوجتك لا تسهر فهمت علي الا اذا انت سهران ..

5 - اذا عندك شغاله بالبيت الغاء خدمات وخروج نهائي..

6 - اطفالك ينامون بدون عشااء ؟؟ الله يعينهم وهي امهم ؟؟؟ هذي مصيبه !!!!!!!!!!

اخووووووووووي

الحزم هو ما يزين الرجل

نعم اقول لك اعطها حقوقها واحبها وكم هادئا معها لكن كل ذلك ..

على جنب

والحزم في كفه اخرى

اخي اصدر الاوامر واشرف على التنفيذ وان لم يصلح حالها فصارحها وعاملها بجلافه قليلا ..

واذا لم يصلح حالها فعليك بهجرها بالفراش..

اذا لم يصلح حالها عليك بالضرب الغير مبرح واحذر الضرب في الوجه والمناطق الحساسه ..

اذا لم ينصلح حالها

فاتخذ قرارك انت ؟؟؟؟؟

أسال الله ان يستر عليك ويهدي زوجتك ..

__________________
سبحان الله وبحمده سبحان الله العظيم

كفى ووفى اخوي سيف المهند على هذا الرد الرائع

ما بقى لنا شي

تحيتي لك

__________________





نبذة عن اطفال ذوي صعوبات التعلم

صارح زوجتك اسلم لك ولهل وقد تكون زوجتك من النوع الحار الذي يريد كل اموره على اكمل وجه ويشيل هم لأي شي صارحها قد يوجد عندها اسباب لهذه العصبيه او تريد من يساعدها بالمنزل او الحمل عليها كبير صدقني لو صارحتها لعرفت الاسباب واصبحت كما تريد الله يوفقكم