السلام عليكم ورحمه الله وبركاته

مابي اطول بالهرج واطول المشاوير أنا الان في فتره الملكه ولا اعرف شلون اتصرف
اروح لصحباتي يقولون ياخبله كلميه وقابليه وقوليله كلام حب وتدلعي عليه علشان يجري وراك
وأذا رجعت لأهلي يقولولي كلميه بس بثقل ماتقابلينه ابدا بحجه انه بيمل مني بعدين ويشوفني تافهه
مع العلم ان أخت زوجي متزوجه عمي وكان يمنعها من مقابله زوجها او حتى انها تكلمه بالجوال
وحبيت اضيف ان زوجي لمن يكلمني يكون عند اصحابه انا اتضايق احس كني خويته مب زوجته ومااحس ان لي عنده خصوصيه

انصحوني شلون اتصرف

الاشراف عذرا, تم تغيير العنوان كي يتناسب مع المضمون, بالتوفيق .

أختي الكريمة ....


أسمحي لي ... لم يضيع تفكير نسائنا إلا صاحباتهن ...


أقترح عليك أنت أيضا ....


أن يكون لزوجك خصوصية ... ولا تدعي أي من صاحباتك ان تشوش عليك تفكيرك ...


أتمنى ان تجعل كل امراة زوجها سرا من الأسرار الحربية ... !!


ولي كل من هب ودب يسولف معاك عن زوجك ... وتعلمينه بعض الامور التي لا يحسن أن تقوليها مثل أنك كلمتي زوجك البارحة وسولفتوا وأستانستوا ...


أنا عن نفسي أحب ان اكون غامض أمام صاحبات زوجتي ... فليس من حقهن معرفة شي عني ... أليس كذلك ...؟!؟


ألست تغضبين أن تكلم عنك زوجك أمام الرجال ... ؟!؟ فهذا مثل هذا ...


في أعتقادي أن تكوني وسط أي لا تكوني خفيفة ولا ثقيلة ...


أي أنك تجمعي بين ما قاله لك اهلك وبين ما قله لك زميلاتك ...


وانت التي تقيم الوضع أيهما يصلح ... ؟!؟ الخفة أم الثقل ...؟!؟!





دمت بحفظ الرحمن ....

__________________

اللهـــــــــم ألن قلب زوج دمعات الروح ... ورده إليها ... وردها إليه معززة مكرمة ...

اللهـــــــــم أجعلني خيرا مما تظن زوجتي ... وأجعلها خيرا مما أظن .. ويسر لنا امورنا ...اللهـــــــــم آمين ...

كلمية هي احلى فترة
علشان تعرفي اكثر عن طبيعته
وارسلي له رسايل بالجوال
ويرسلك
والله مرررررة فترة حلوة لا تفوتك عيشها بكل لحظة
ولا تنسي انك تستخيري في موضوع زواجك

انا نصيحتي لك ابتعدي عن مشورة الاهل والصديقات خصوصآ

بمشورتهم تشتتين افكارك ويمكن تحصل مشاكل بينكم

وانا نصيحتي لك خليه يدق عليك اذا فضى وطلع من عند ربعه

يعني يكون منه الاتصال عشان ما تسببين له احراج عند زملائه

وانا مع اهلك كلميه بس بثقل ولا تدخلون في العميق

لأن بعض الازواج يروح تفكيرهم بعيد

ومن ناحيه المقابله انا ارفض انك تقابلينه لاحقين عليها في عش الزوجية

ابتعاد عن المشاكل قبل الزواج

وارجو اني افدتك

تحيتي لكي

__________________





نبذة عن اطفال ذوي صعوبات التعلم

لا تسمعين كلام ربيعاتك

شوفي ريلج وش يحب

يعني لو مثلا يتمنى تكلمينه دايم ، ما عليه مرة مرتين بالاسبوع حلوة

المقابلات مو دايم نصيحة يعني بالشهر مرة مرتين حلو

و غير كذا أدعي ربي يحفظكم لبعض يااااااااااارب

و يحنن قلبه على قلبج

وعليكمـ السلامـ ورحمة اللهـ وبركآتهـ..

شوفي اختي الغالية ...


النصائح اللي تخص حياتك مع زوجك لاتآخذينها من أي أحد حذاااري ..


بعض الصديقات ماعندهم خلفيات وخبره .. وممكن يخربون عليك بكلآمـ طآآئش ..

حاولي تاخذينها من امرأة عااقلة عايشة حياة ناجحه وتحسين انها امرأة نااضجة ..

لكن حاليا كلآم صديقاتك فيه نوع من الصحة وكلآم أهلك صحيح بعد ...

خليك متوازنة بين الأمرين ...

يعني مرة بالثلاث أسابيع كلميه .. والباقي المكالمات منه .. مرة خليك البنت الثقيلة مو اللي تلحقه وتدور عليه ..

ومرة بالعكس خليك مشتاقه له ولهفانه عليه ..

وشوفي طبيعة زوجك هل اذا صرتي ثقيلة وتغليتي شووي تحسين انه متلهف عليك ؟؟

أو اذا جيتيه بالكلآم الحلوو والاتصالات ؟؟!!

واعرفي الحل المنااسب ..

وأتمنى لك حيااة سعيدة والله يسعد قلبك ويصب حبك في قلبه صباااا ويتمم لكم على خير..

__________________
اللـهمـ صب حبـــي في قلـب زوجـي صـبآ وأرني ذلك . .

أعيش الي تعيشينـــه ..



وأحس بلي تحسين بـه ..




وأعاني الي تعانينـــه ...!!!







والله يعطيج العاآفيـــة ........ كتبتي شي فخاطريـه .. مآكنت عارفه أقولـه .....!!!







تقبلي مروري ..

__________________
-------------------------------------------------------------------------------------

هلا حبوبة خلك على طبيعتك وسجيتك وايد سمعنا هالكلام اول ماملكنا وبتعجزين وبتضيعين خلك انتي نفسك موغيرك

والله يوفق لج ان شاء الله انا ماسمعت كلام حد تصرفت على كيفي وماتتطلبه المواقف والحمد لله كل واحد فاهم الثاني بعد الزواج

أولا .. و نصيحة من أخت لك .. لا تجعلي زوجك في لسانك طوال الوقت في مجالس النساء .. فهو يقلل من قدره ..

ثانيا .. المكالمات و المقابلة .. يكون على حسب طبيعة مجتمعك و زوجك .

فإن كان المجتمع اللي تعيشين فيه يسمح بدلك فلا تضعي الفرصة تفوتك ..

فاللقاء أيام الملكة له طعم فظيع و فيه متعة و رومانسية .. و لكن بحدود ..

المكالمات .. أجعليه يتصل بك متى شاء و أشتاق ..

كلميه و قابليه بخجل .. لأن الرجل يحب في هده الفترة المرأة الخجوليه ..

و بالتوفيق ..

__________________

والله ما ضيعنا الا المكالمات اللي ما لها داعي

نصيحة مجرب : لا تكلمية كثير ...يعني في الاسبوع مرة وحده او مرتين يكون زين , والمكالمة لا تزيد عن نصف ساعة

تدرين ليه؟؟؟

لان الكلام راح ينتهي وتبدأ المشاكل بينكم ... ومع كثر المكالمات والمشاكل راح يمل منك ( اللله لا يجيبها)

الله يوفقكم