السلام عليكم لجميع الاعضاء الذين استفدت منهم الكثيير الكثير في حياتي الزوجيه

انا الحمد الله مرتاحه مع زوجي الله يتمم علينا يارب وهو اللحمدالله يحبني ويحترمني اللهم لك الحمد لكن المشكله اننا الان نعيش في بلد غربي بسبب الدراسه وهو ولله الحمد مو مقصر عليه بشي ابدا ومراعي مشاعري بحكم اننا عايشين في غربه ولكن المشكله انني لااريده ابدا ان يخرج من البيت الا للجامعه فقط وبكيذا تسببت بمشاكل كثيره لانه عنده اصحابه ويريد الخروج معهم ويقول انه ليس بمراءه ليجلس باللبيت وانا الحمدالله متاكده انه يخرج مع الشباب وليس في خروجه اي شبهه ولكن لا استطيع ان اجعله يخرج الابنقاش وسالفه طويله الى ان اوافق وانا احس انه بدا يمل من هالاسلوب ويقول لو اني معودك من الاول اني اخرج كان ماسويتي كل هذا الله يعافيكم اعطوني حل كيف اقنعه انه مايطلع او اني اصلح هاللاعيب الي فيه وهل عيب ان الرجل يجلس في بيته وهل هالشي يسببله الملل من البيت اعطوني احل الله يعافيكم لاني تعبببببببببببببببببببببببببت

وعليكم السلام ورحمة الله وبركاته

أختي المتفرض سريعا أن تبدأي التغيير من نفسك في هذا الموضوع، أفهم أنكم في غربة ولكن من الطبيعي أن يخرج مع أصدقائه ويجدد، بالعكس من الممكن أن يأتي إليك بنفسية مرتاحة وبحب أكبر، وانتبهي أختي لأنه من الممكن بسبب هذا الموضوع ضغط عليه يجب تغيير أفكارك من هاذي الناحية، صحيح يحتاج لها وقت لكن مرة على مرة حيتحسن الوضع، وممكن هو يلاحظ تغيرك ووقتها تقولي له انه من كثرة حبك له مهم لديك أن يخرج مع اصدقائه و ينبسط، صدقيني رح ينبسط ويقدر لك اللي تسويه،

اتخيلي انتي كنتي في مكانه وودك تخرجي وتنبسطي وهو يقول لك نفس كلامك اللي تقوليه له ايش حيكون شعورك؟
هي مسألة تعود وتدريب فقط، لأنه لو استمريتي في اسلوبك رح يحس انه مقيد و هذا الشعور غير جيد ومن الممكن لا سمح الله يكبر الموضوع.. نصيحتي تداركي الموضوع بسرعة..
من الممكن أنت تتفقي معه على أن يخرج معهم ولكن بإتزان
الله يعينك على الغربة ويفرج همك

ولماذا لا ترافقيه انت عندما يمل من البيت؟
قولى له انك تملين من الجلوس في البيت وتريدين الخروج ايضا

__________________

اسفه اختي العنبر انا نسخت كلا مك بالغلط المهم اختي مشكوره على هالنصيحه حبيتي وانا عن جد هذا الي خايفه منه انه يحس انه مقيد ويحس بعدم الراحه وخاصة انه بدا يقول شوفي زوجة فلان وفلان كيف تخليه يطلع وهوه يطلع يوميا ولا تسوي الي انتي تسوينه لكن انا مررررررره تعبت من هالمظوع ودي اريح راسي واخلييييييييه يطلع لكن مااقدر والله مااقدر

لا عادي اختي

والله اختي الموضوع هذا انا حاسة فيه تماما لأنه كانت من المشاكل اللي عانيت فيها في بداية زواجي وتعبت كثييير عشان قدرت اتحسن في هذا الموضوع وزوجي الحمد لله قدر لي هذا الشي و من جد انا اتعودت عادي بس اخذ معي وقت في البداية كنت ابين له عادي روح وبعد ما يروح اجلس مقهورة وابكي لكن بعد هذا التعب وجدت انه من جد صار يروح ويرجع بنفسية افضل كثير، اتذكر اني كنت اعالج افكاري كنت اتذكر لما كنت اتناقش كيف في نهاية الموضوع يصير نكد و تكون نفسيته سيئة فكنت اقول في كل الأحوال جالسين مو مرتاحين فيروح ينبسط ويرجع مبسوط وممكن حتى بعدها ننبسط احسن ما نجلس وهو قرفان ومتضايق ومقهور..
اللي غيرني ايضا وحدة من قريباتي عندها نفس المشكلة والله وكانت تحكيني كيف زوجها صار يقولها انه خلاص مسجون وانها خانقته و استحملها لمدة طويلة على اسلوبها وصار الحين يطنشها يتخانق معها و يخرج ينبسط يعني في النهاية هي الخسرانة والمقهورة مع انه قبل كان يلبي كل حاجاتها بحب وود، صحيح انه انتي وضعك اسوء في ظل الغربة بس ممكن تتناقشي معاه حول هذا الموضوع يعني في يوم مثلا تخرجي بعدها انتي واياه تتمشوا و خير الامور الوسط..

الله يعينك ويساعدك

المشكلة فيك
معاملتيه كالولد الصغير
اذا على الغربة ما اضن عشت فيها مثليشوو هاد خانقتيه للرجل بقولك شي
ترى هيك معاملة يطفش
عدا أنه أكيد رفقاته بيتمسخرو عليه
اتق الله يا بنت الحلال في زوجك
حتى والله عيب
تتحكمي فبه هيك
منو الرجل هو و الا حضرتك

رجال آخر زمن

لا تزعلي مني وربي مشان تفيقي من سباتك

أم وليد

مشكوره اختي لحظه هو والله مايقصر يطلعني دايما لكن المشكله اني ماابغاه ابد يطلع لوحده وهو يقول هذا كله دلع وانا السبب انا الي دلعتك زياده عن الزوم

حبيبتي

نصيحة اخت لا تضغطي عليه و حافظيي عل ىبيتك و زوجك
اذا هو الحين مستحمل
بجي يوم و يمل فعلا

الرجال مو مثل الحريم.. احنا حتى لو جلسنا بالبيت نلقى شي نسويه
اما التلفون او التلفزيون او شغل البيت
او اي شي ..
لكن الرجل يمل لانه مل يحصل شي يسويه بالبيت (اذا ما عنده دراسة )

بالعكس خلي من طلوعه مع اصحابه فرصة انكم تشتاقون لبعض
اصلا لو تظلون مقابلين بعض طول اليوم راح تملون

مثلا لما يطلع استغلي الفرصة و جددي من شكلك ..
واستقبليه بشكل ثاني لما يرجع
جددي في البيت و سوي له حركات .. راح ينبسط مرة
اطبخي طبخو حلوة جديدة ... او طبقي احد الافكار المطروحة في المنتدى
و يا كثرها ... المهم لاااا تخنقيه ..
حبيبتي انا عايشةة مثلك في الغرية .. و زوجي دوامه من 7 الصبح لين 6 المغرب
واحيانا يرجع و يطلع مع اصحابه
اتخيلي و احيانا يبيت بمكان عمله .. يعني عارفه شعورك لما يكون برا البيت
بس لازم الوحدة منا تعطي لزوجها مساحته الخاصة ..
عشان يشتاق لها و اصلا عشان ما يحصل ملل ...
يتهيأ لي من كلامك انه لسه ما عندك اطفال
ان شاء الله لما تجيبي اطفال راح تنشغلي و ماعاد تسأليه لا وين رايح و لا امتى جاي

الله يوفقكم و يجمع بينكم دايما و يديم بينكم المودة

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

وانا معها

الله يعطيكم العافيه والله انا عارفه ومتاكده من الي تقولون لكن ايش اسوي احبه يكون جالس بالبيت معايه المهم اختي نورا على فكره انا عندي ولد الله يحفظه لسه عمره 7 شهور وصدقوني راح احاول وحنفذ كلامكم والله يعيني ودعولي ان الله يسخر ليه زوجي ويسخر لكم ازواجكم يارب