السلام عليكم بدخل في الموضوع على طول .. يابنات الله يهديكم ويهدي لكم أزواجكم .. كنت مثلكم دايما أشكي ليش زوجي مومرح غير رومنسي بعيد دايما تقع عينه على النقص اللي يصدر مني وغيره وغيره .. بعدين بديت أعدل من نفسي وقلت يمكن العيب فيني ومع تنبيهات بسيطة من الزوج عملت مايلي :
1) كل ماقالي أمر أو نهاني عن شي قلت : (ها ؟؟ خلاص ان شاء الله)
2)كنت اول السنين دايما أو غالبا يرجع من الدوام وغداه بعده ماجهز فقمت احرص على على انه يرجع يلقاه جااااهز مجهز..
3) كان لما بيسافر أقوم الدنيا وماأقعدها بعدين عقلت وشفت انه مسافر مسافر وماراح يرد علي واني قاعدة اتصرف بأنانية فصار الان لما يبي يسافر أقوله : ( صج؟؟ وين يالله الله يحفظك ) وغيره من هالحجي ..
4)دايما أسولف عن اللي يحبه هو وأحرص على اللي يحبه مثلا مايبيني أحط مكياج أطيعه ,مايبيني ألبس بنطلون أطيعه وماألبس ..
5)طوال هالثمان سنين ماعمري رديته بأي طلب ولا تعيجزت أسويه ولو فيني الموت أروح أسويه حتى لو مايطلبه بس أعرف ان ألحين هو يبيه أو وقته أو حتى أحس انه مشتهيه ولا أزعجه باليهال فترة نومته إلا إذا طفل رضيع
6)دايما أحثه على زيارة أمه وأهله والبر بهم ومرات أصبره على ذلك إذا حسيت منه نفور في تأدية مايطلبون
7) ماأطلب منه فوق طاقته وأقنع بالسوق اللي يوديني له مع ان خاطري بغيره لكن اقتنع بأي شي يقدمه لي وأكبره بعينه ووقت ثاني أبين له شنو أحب بدون ماأعيب بالشي اللي عطاني إياه..
8) سلاحي ليس في رفع صوتي دايما كان سلاحي اذا حسيت انه تعدى حدوده البكاء والدموع مع المناقشة الهادية والدعوة والله والله انه يرتدع عندما ادعو الله وأنا أبكي ..وحتى لو هو اللي ظلمني وهذه نادرا ماتحصل ماأخليه ينام وهو غير راض أو بننا مشاحنات
9) اذا كنت ابي مشوار او سوق وقال اليوم ماأقدر أقوله خلاص بس عطني موعد وبهالطريقة أنا أرتاح وهو يعرف شنو اللي له وشنو اللي عليه

وأخيرا يابنات فوق كل هذا ماتنازلت عن ولا حق من حقوقي بس باللين وأختار الوقت المناسب والفضل في تطوري للأفضل يرجع لله ثم لزوجي الحبيب ورفيق عمري .. وأي شي أذكره راح اكتبه لكم .. وبالتوفيق

تم تعديل العنوان ليتناسب مع المضمون ..

__________________

الله يوفقك جزاكي الله خير
فعلا نصائح ثمينة
شكرا لك

صح كلامج !

مشكوووووووره وبارك الله فيج =)

قسم بالله من اخذت زوجي وانا اتعامل معه بنفس الاسلوب لدرجة في السوق
عيني دايم على السعر اذا غالي شوي ارجعه وانا نفسي فيه مع هذا كل حياتي معه نكد واذا تكلمت او عارضت قال لي ترا تجاوزتي حدودك مع اني اعرف لي وحده تدخن وتحط الرجل على الرجل وعندها شغاله من يوم كانت حامل بالاول وزوجها مايشوف فيها العيبه واذا زعلت على اهله يقاطعهم عشانها
دنياااااااااااااااااااااااااا حظوظ والله

__________________
سبحان الله وبحمده عدد خلقه وزنة عرشه ومداد كلماته
لا اله الا الله عدد ماكان لا اله الا الله عدد مايكون

كلام سليم ميه ميه الله يعطيك العافية
واحتسبى الاجر حتى تنالين المثوبة من الله فى الدنيا والاخرة
فان زوجك جنتك ونارك قال الرسول صلى الله علية وسلم (ايما امراءة ماتت وزوجها عنه راض دخلت الجنة)
الله اجعلنا ممن ترضى عنهم وادخلن الجنة مع الابرار

__________________

ما شاء الله عليكي اختي اا الحمد لله احاول اسوي هالاشياء اللي انتي قايله عليها قد ما اقدر و الحمد لله مبسوطين



سؤالين مهمين

كيف اذا وداكي سوق ماتبغيه ,,, بينتيله بعدين ايش اللي تحبيه بدون ما تقوليله عن اللي وداكي له ؟؟

كيف تبكين و تدعين ؟؟ و تناقشينه بنفس الوقت ؟؟؟

تحياتي تقبلي مروري و اسئلتي

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

جزاك الله خير على الموضوع الرائع

شكرا لكي اختي

جعل الله السعاده ترفرف في منزلك على طول الايام

__________________

تسلمين أختي الغاليه على هذا الموضوع الرائع
والله يسعدك بس ليس كل الرجال مثل زوجك الله يخليه لك
أعرف وحده كانت تعمل أكثر من الذي تفعليه لدرجة أنها لو يطلب عيونها أعطته اياها
وفي الأخر طلفها بعد أن كانت مثل الخادمه له مدة 12سنه زواج..................زززز

الله يديم السعادة بينكم ،،،

__________________

الله يسعدك ويهنيك ويسخر لك زوجك يارب

__________________
صمت الهوى