الــسلام عليكم ورحمة الله وبــركاته


كل عام وانتم بخير


باختصار انا مملكه صار لي تقريبا 3 شهــور .. وفي شي مــره مزعجبني في خطيبي هو انسان رائع

بمعنى الكلمة حنون وطيب وأخلاقه عاليه وفوق هذا احبه ويحبني كثير .. بس أكيد مافي أحد خالي من

العــيوب .. هو من النوع اللي ( مخه يقفل ) يعني اذا في شغله ما هي عاجبته أو ما يبغاها ما يسويها

لو ايــش يصير .. مع انها عاجبتني وهو يقعد يقنعني برايــه وانا ما اقتنعت ولا جيت كلمته يقول لي رجاء

الموضوع هذا منتهي وانا يعني لي متى بضحي وبدوس على نفسي في اشياء كثيره انا نفسي فيها و

هو معــارض اسباب تافهه مادري ايش أســوي يعني لا جيت كلمته باسلوب ورواق يقول لي والله اطلبي اللي تبين الا هالشي

انزين ليييييييييييش ليش بفهم .. وانا صــراحه ما حبيت اسلوبه معاي لأن اسلوبه يحسسني اني ع الهامش يعني رايه هو اللي يمشي سواء رضيت أو لااااااا اجل انا وين موقعي من الاعراب

اذا كل شي هو اللي يبغاه يسويه وانا اللي اسكت .. يعني لازم نوصل لحل

وانا خايفه بعدين لا تزوجنا يسويلي يقعد يقنعني بأشياء انا مابيها ويمكن يجبرني اني اسويها

وفي خصله سخيفه انه يسوي الشي بعدين يقول وانا دايم اتخيل انه بعد ما تزوجنا

يجي يدخل علي كذا ويقول لي بكره بنسافر يلا جهزي الاغــراض !!! وانا مصدومه دايم أتخيل هالموقف

ههههههههه



والله محتاره ساعدونــي

السلام عليكم

اختي الكريمة اتذكر مقولة اعجبتي

(( لا تنتقد أو تنتقدي اختيار زوجك او زوجتك لانه اختارك كزوجة له واخترتيه كزوج لك )) !!

اختي هو وعنده قدره على الاقناع وبالتالي ساعديه على تنميه هذا الشيء لانه مسؤول عن الاسرة ويحتاج يكون له رأي غير قابل للنقاش (( احيانا )) وبالتالي لا تحاولين تنافسينه او تقنعيه في بعض الاشياء ... وبالعكس المفروض تدعميه

تمنياتي لك بالتوفيق

سبحان الله استغرب نم نظرة البنات للرجال

مع كل هالمواصفات الطيبة
ركزتي على السيئ وكبرتيه

الموضوع مش مستاهل الصراحة
والله يهنيكم

وعليكم السلام
حبيت اقول لك مبروك والله يسعدكم

ابحثي عن ايجابياته ولا تدققي كثيرا وربما يريد ان يشعرك انه عليك احترام رأيه وعدم مخالفته ربما
لا اعلم لكن حاولي معه باسلوب بمدح رأيه ثم اخبريه ان لك راي يختلف عنه ويجب انك تعودينه على ذلك

الله معك

حبيبتي هذي القوامه

ولازم تطيعي زوجك

لكن انتي فكري بالي طلبتي زين وراح تعرفي والله اعلم

والله يا ختي انا اكره هالصفه في الرجل

ودائما بين الزملاء او في العمل استقصدهم بالذات بالمجادلة
احب اثبت له ان ما عنده حجه ومع هذا مقفل وعنيد

لكن يا اختي اذا كانت هذي هي السيئة الوحيدة اللي شفتيها عنده
فأعتقد انه شخص ممتاز

صعب جدا اننا نحصل على الزوج او الزوجة المثالية!

حبيبتي والله
انتي وين عايشه

شرايج اذا قلت لج 90 % من الرجال جيه!!

الغاليه سمعيني

الزوج في بداية زواجه دايما يحب كلامه هو اللي يمشي
ومع الوقت يلين
وكلهم متعودين يسوون امورهم بالسكييت

على فكره يا رت لو تعطينا مثل على رفضه لطلباتج
يمكن يكون معاه حق؟

__________________