السلام عليكم

اخواتي بنات عالم الحياة الزوجية عندي اقتراح لكم و ان شاء الله يعجبكم ...........
بما ان شهر رمضان الكريم قريب وماباقي منه الا شهر وشوي وتعرفون ان في هالشهر المفروض نستغله في العبادة فبغيت من اخواتي الي عندهم خبرة في تفريز المأكولات من خضار ومعجنات وغيرها انه تفيذنا خصوصاً اني هالسنة حااااامل فا مابقدر اني اسوي كل شي في نفس اليوم لاني اكون تعبانة ,, و غيري من اخواتي يشتغلون ويدرسون فياريت احد يفيدنا في عملية التفريز واتمنى ان يثبت الموضوع علشان الكل يستفيذ منا ولا عنده اي معلومة لايبخل علينه واذا احد يعرف شلون نفرز البيتزاء و كم مدة صلاحية تفريزها ويالله بنات يا طباخات كل وحدة تقو لنا شنو تجهيزات الي تسويها قبل شهر رمضان .
اتمنى التفاعل في الموضوع

والله فكره رائعه وانا اول الناس اشجعك
وبنظار الخوات الكريمات

حبيبتي أولا عندك بيتزا خبزة جاهزة تشترينها بالجملة في الكيس الواحد 4 حبات ب5ريال هذه المقاس الكبير وفيه وسط وصغير مره جنان تشترينها مجموعة وتخلينها في الفريز ومتى ماحبيت طلعيها وحطي فوقها يازعتر ياخلطة بيتزا ثم دخليها الفرن من فوق ومن تحت شوي بس والله مريحة وجنان أنا رمضان اللي راح مثل حالتك حمل وما عندي أحد وهذي البيتزا ريحتني وعندك أيضا مطاعم تتعاقدين معها ويتم التوصيل لك وانت تثلجينها وهي عباره عن بيف باستري محشي أنواع وسبرينغ رول محشي أنواع وفطاير أنواع كلها تطلبيها وتجهز لك بكراتين وانت كل يوم حطي نوع أو شكلي على طول طلعيها من الفريز واقليها وكليها والله لذيذه وعندك من الآن سوي لك عرايس جبن وسمبوسة أنواع جبن -لحم -دجاج -تونه-خضار وفرزنيها ماتضر والله والله يعينك ويقومك بالسلامة دعواتك لي وسلامتك

والله تصدقي أنا ما أحب الأكل يكون في الفريزر

الشي الوحيد اللي أسويه قبل رمضان وأحطه في الفريز هو الششبرك

عشان أسوي الشوربه على الفطور لأنها تاخذ وقت

غير كذا أبدا ما أحط

تحاتي

تفضلي هذه الروابط بتفيدك باذن الله
http://www.66n.com/forums/showthread.php?t=97178


http://www.66n.com/forums/showthread.php?t=113883

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

جزاكي الله كل خير غاليتنا ام خالد


تحياتي

__________________

حبيبتي جيبي عجين سمبوسك كثير وسوي كم صنف من الحشوات حشوة لحم مفروم وحشوة خضار وحشوة دجاج بالخضار ثم لفيها وعلى طول حطيحه بعلب بلاستك وحطي تحتها مناديل وفوقها وحطيها بالفريز
وممكن تلفين ورق عنب تحطيها بكم علبه ولا تطبخينها على طول لفيه وبالعلب وبالفريز
برضه صواني الخضار ممكن تسوينها وتكونين طبختها نصف طبخ وحطيها بعلب وبالفريز

__________________

مشكورين خواتي على الرد والتفاعل وان شاء الله الكل يستفيد من خبراتكم وانشاء الله راح اجرب ابداعاتكم
مشكورة حبيبتي ام خالد على الروابط المفيدة

الاشراف / مستكة_مستكة

ان شاء الله تكتب هكذا

صحيح مثل ماقالت الاخت عن السمبوسه والورق العنب وبعد السبرينق رول انا دايم اسوي جذي مو عشان رمضان بس لان ساعات يجون ضيوف على غفله والواحد مو مستعد ؟؟؟هالطريقه
تقعد معاج فتره طويله ؟؟؟

بس بالنسبه للمعجنات والبيتزا واقصد العجينه المعموله بالبيت ........عادي نفس الطريقه بعد ماتحطين الصلصه والزيتون والجبنه الموتزريلا تدخلينها الفرن بس فتره بسيطه يعني نص استوى ؟؟؟؟؟ وبعد ماتبرد تصفينها في العلبه وحطي بين كل طبقه وطبقه ورق زبده او ورق المونيوم ونفس الشيء الفطاير نص استوى ؟؟؟

بس وقت الحاجه تطلعينها فتره من الفريزر يعني كم حبه ؟ وتخبزينها وصديقني نفس الطعم كأنج توج مسويتها.؟؟

وبالعافيه والله يهون عليج واتمنى اني فدتج .......

كل سنه وانتوا طيبين وان شاء الله يكون رمضان ذي السنه خير على الجميع ويوفقنا الله لطاعته وادعو لي ارمض في بلادي بين اهلي ياررررررررررررررررب


انا عندي ملف خزنته من رمضان الماضي واستفدت منه كثيرررررررررررررر بس للامانه هو منقول ومش متاكده من منتدنا او من منتدى ثاني لانه مخزن في الورد
وان شاء الله الكل يستفيد

الجلاش ممكن تحشيه لحم او مكسرات ويفرز

سوي كيك بكميه كبيرة مثل خلي شئ بالكاكاو وشئ بالفانيلا بعدين قسميه لأقسام ولفيه بالقصدير زين وحطيه بالفريزر(ماراح يخرب مجرب)
2-سوي معمول وشكلي فيه (شى بالتمر وشى بالجوز والسكر)ولما يبرد حطيه بالحافظه البلاستك وخليه بالفريزر

جهزي صواني الكنافة وأخرجيها وقت الخبز.
أعدي السينمون بكميات وسخنيه وقت الحاجة واسكبي أنواع الصلصات عليه.
جهزي للقلي السبرنغ بالتمر واقليه وقت الحاجة أو أصابع الجبن أو أصابع التفاح وأقليها عند الحاجة واسكبي عليها الشيرة.
والكثير من الكعكات تبقى رائعة في الفريزر مثل الكيك الأمريكي وكيك الجزر وكيك البرتقال وهناك الكثير

للمكسرات يقشر اللوز ويجرش كمية منه للتزيين وكمية اخرى تطحن ناعم وتوضع بعلبه وتكون كثير نوعا ما لأن فيه حلويات كثير فيها لوز مطحون ناعم .. كذلك بالنسبة للفستق يجرش كميه للزينه وكمية تطحن وتكون كمية كبيرة وتحفظ في علبة ...

الحليب البودرة يحمر كمية كبيرة منه ويقاس كل كاسة توضع بكيس ويحفظ بالفريزر لوقت الحاجه على حسب الحلى المستخدم فيه وفيه انواع كثيرة تحتاج الحليب المحمر وهذا ياخذ وقت فأحسن انه يكون جاهز على طول ..

ممكن عمل كمية كبيرة من الشيرة (القطر) وحفظها في جك كبير او برطمان وله فتحه تصبيها منه على حسب الكمية المرادة ويمكن حفظها بالثلاجة وكل ما خلصت اعملي كمية كبيرة ثانية تكفيك كم يوم او لمدة اسبوع ...

خذي كمية من الشعيرية الباكستانية واطحنيها بمكية كبيرة واحفضيها عندك لوقت الحاجه وممكن حفظها برى الفريزر وهي تستخدم في حلويات كثير مثل حلاوة الشعيرية والكنافة الكذابه وغيرها كثير ....

افرز القطايف الفها وافرزها واطلعها لما احتاج تطلع ممتازة ما تتاثر بس ما تقلينه قبل لا فرزيه وبعدين طلعيه وخليه يذوب من الش=ثلج وبعدها اقليه

جميع أنواع الحلويات بأنواعها ابتداء بالتورتات المزينه بالكريمه ومرورا بالتشيزكيك والسويسرول حطيها في الفريزر بكامل زينتها في علبه حافظه علشان ماتلقط ريحه أو تنشف(خلي بالك من انتهاء الدقيق والزبده و0000)وقت ماتحبي تستعمليها نزليهافي الثلا جه

أماالخليه طبعا ثلجيها بدون ا لشيرة وحطي عليها الشيرة بعد التسخين
مع الأنتباه بعدم تسخين الحار ولآكتفاءبوضعها قرب الغاز أذا لم يتوفر
السخان الكهربائي

الدونات............نفس الشيء بعد تقطيعها..............
أرصها في طبق وأدخلها الفريزر.......لحد ماتجمد ثم أرصها في الحافظه
وبين كل طبقه وطبقه كيس بلاستيك ......
وبعدين أخرجها قبل القلى بفتره ..............
أما عن الدونات فانا أفرزنها من زمان وبالعكس ماتخرب ولا شيء...... يعني تقريبا أخليها لمده شهر............وزي الفل.........
بعد قلي الدونات ابرده واضعها في اكياس بلاستيك واضعها في الفريزه لوقت الحاجه ثم اضعها في الشيره

الكنافة اذا عملتها .. احط في اكثر من صينية وأضعها في الفريزر بدون القطر
واذا احتجتها تكون جاهزة ولاتتغير

يتبع

__________________
[SIGPIC][/SIGPIC]