السلام عليكم




ساعدوني قصتي قصه وحالتي حاله



مثل ما البعض يدري
تقدم لخطبتي شخص ذو اخلاق ودين ووافقت معاه وحدد ابوي معاه المهر وغيره
حددو المهر يوم الخميس وليومكم هاذا لا حس ولا خبر لا يقول متى يبغي الخطوبة و العقد ولا يقول شنو تبغين اغراض للخطبه حتى ما قال كلمه لا حس ولا خبر لا هوه ولا اهله


كان معترض على المهر وابوي قلل المهر عشانه و قال ليه بعد مو لازم تدفعه كامل الحين
ادفعه بالتقسيط وعلى حسب امكانياتك .... حفله وغيره قلت ما بسوي شي عشان امكانياته حفله عائلية في البيت تكفي



بس وينه ؟؟؟ ما ادري ؟؟؟ وين اهله ؟؟

للعلم حتى ما يتصل لو ما ابوي يتصل فيه ما يتصل ولا يسال حتى

والحين اني في حيرة من امري ما ادري هل هوه يبغيني او ما يبغيني ؟؟؟؟؟


للعلم اني متقدم ليي واحد ثاني وينتظر يا ارفضه يا اوافق عليه وفيه كل المواصفات الزينه اخلاق ودين ومن عايله محترمه عنده شقه في بيت اهله و يشتغل ؟؟؟




ساعدوني شسوي ؟؟؟

السلام عليكم ورحمة الله وبركاته

إتصلوا على الخطيب الأول واستوضحوا الأمر منه
إذا ناوي يصرف نظر، الله ييسر امره
وإذا ناوي يتمم الموضوع إسألوا عن الظروف التي منعته من الإتصال هو وعائلته
عزيزتي الأمر متوقف على رد الخطيب الأول
دعي والدك يستوضح الأمر منه
وعندما تتوضح الأمور تعرفون عندها كيفية التصرف مع الخطيب الثاني
بالتوفيق ان شاء الله

والله ياحبيبتي انا من رايي انك تخلين الوالد يتصل على خطيبك ويقوله وش صار على بنتي ومتى تبدا بالتجهيزات وبعد يقوله ترا البنت جايها عريس وان كانه شاريك راح يقوم باللازم وانت طبعا في كلا الحالتين استخيري ربك والله يسخرلك ياعزيزتي

يا أختي يعني ما بقى الا أنكم تعطونه مهر وتعرسونه من عندكم
صارحوه بأن مايصير هالحال لا يسأل ولا شي
ولاتعلمونه بأن واحد ثاني متقدم لج
لأنه أذا سمع بتقدم ثاني لج بتكونين مثل اللعبه يبغي يملكج علشان ما ياخذج واحد وتطيرين من ايده
واذا شفتي ما قال انه مهتم فيج
أبركها ساعه عندج واحدثاني الحمدلله فيه صفات كل بنت تتمناه
لاتطيرينه من أيدج
والمثل يقول .تزوجي اللي يحبج ولاتتزوجين اللي تحبينه وهو مو معطيج أي اهتمام واعتبار
أختي وفقك الله

هلا اختي .. استخيري الله والله بيقدم لك الي فيه الخير ان شاء الله .. اتمنى لك التوفيق والذرية الصالحة

مشكوووووووووورين خوااتي


والله ما ادري شنو اسوي للعلم

مهري بالبحريني 1700 دينار يعني 17000 ريال وما وافق قال ليه الوالد 1500 دينار يعني 15000 ريال

للعلم هالمبلغ لحفلة الزواج و الحنه و ذهب وغيرع يعني لوااااازم الزواج من مجااااااميعوووو

في الزواج بس يلبس البشت ويحضر كل شي عليينا من المهر

استخيري
بس والله الامور واضحة اذا هيك قبل الخطبة الله يعينك على الجاي والجاي حبيبتي ما تتفائلي في كتير

بعدين بصراحة انت عندك فرصة تانية ومو كتيير ملزوزة انك تتزوجي واحد بفاوض على المهر ومو كتير مهتم

اختاري وقرري لانو القرار كتير مهم
اللي بتبنيه بقرارك اليوم اساس لحياتك

وبرجع مرة تانية بقولك استخيري واستشيري

محتااااااااااااااااارة


كلمت الوالد وقال ان شاء الله العصر بيتصل فيه



ولا ادري شسوي محتارة يا ربي محتارة

واللله إذا كان بايع من أول فبيعيه وإنتي على بر الأمان

وشوفي الثاني

تحياتي

أنا أشوف إن الوالد لازم يستفسر منه وياخذ منه "كلمة ريال">>"كلمة رجل" باللغة العربية

يعني الموضوع مب لعبة، وانتي أهم شي استخيري والله يعينج عليه..