السلام عليكم ورحمة الله وبركاته

أخواني وأخواتي الكريمات

حابه أطرح موضوع مهم وأبي أعرف أراءكم حول هالموضوع

كثير أسمع أن الناس يتهربون من خطبة البنت اللي تكون وحيدة أمها وأبوها أو اللي تكون البنت الوحيدة وسط أولاد !!!

ما أدري ليش ؟!!

هل السبب هو خوفهم أن البنت الوحيدة عادة تكون مدللة ولا تتحمل المسؤولية ولا يعتمد عليها ؟

أو لأن البنت الوحيدة متطلبة وماتحب أحد يقولها لا لأنها تعودت أن طلباتها تكون أوامر ؟

أتوقع هذي هي الفكرة اللي ماخذينها الناس عن البنت الوحيدة بس أحب أقولكم أن هالكلام غير صحيح

من رأيي أن شخصية البنت تتكون على حسب تربية أهلها لها

فيه أهالي يدلعون بناتهم حتى لو كانوا عشرة بنات ودايم يلبون طلباتهم وتلقى الوحدة فيهم معتمده على الشغالة واذا ماعندهم شغاله تعتمد على وحده من خواتها واللي عادة تكون الكبيرة

اللي أبي أقوله أن الدلال والرفاهية مالها علاقة بكون البنت وحيدة وللا وسط عشر أخوات.. هالشي يعتمد على تربية أهلها لها إذا كانوا مدلعينها وللا لا

وبعدين أنا سويت دراسة وقارنت بين بعض الوحيدات وبعض البنات اللي عندهم خوات لوووووووول والنتائج هي كالتالي : ( لاحظوا إني حطيت خط تحت كلمة بعض لأني ماأحبذ التعميم )

1- الوحيدة غالبا تكون اجتماعية تتداخل في الناس بسرعة تحب تكون صداقات لأنها محرومة من الأخوات ( ياعيني عليها ) لكن اللي عندها أخوات عادة تكتفي بأخواتها والجمعه معاهم

2- الوحيدة عادة تعتمد على الله ثم على نفسها في حل المشاكل وتدبر الأمور حتى في أبسطها مثل اختيار الملابس والمكياج ووووووو

فيه إجابيات من وجهة نظري للي يتزوج من وحيدة :

1- إذا جاء يخطب أهله مايقولون له مهرها مثل أختها وتجيب لها ذهب وووووووو مثل أختها خخخخخخ

2- الأهل مايقارنون بينه وبين أزواج بناتهم الثانين يعني اللي يتزوج وحيدة بيكون هو الصهر الوحيد لا وبعد أهل البنت راح يكرمونه ويعاملونه أحسن معاملة ههههههههههههه

3- راح يرتاح من المقارنات اللي تعملها زوجته بينه وبين أزواج أخواتها يعني ماراح تقوله أختي زوجها سفرها وانت ماسفرتني , زوج أختي اشترى لها هدية وانت ماأشتريت لي ............... الخ

4- ماراح يسمع من زوجته كلمة " أنا طفشانة " لأنها طول عمرها متعوده تقعد بروحها بالبيت ومأقلمه نفسها على هالوضع وماراح تقوله وديني عند أهلي أخواتي اليوم متجمعين هههههههههههههه

5- بعض الأخوات يخربون على أخواتهم الله يهديهن الين يكرهون البنت في زوجها فاللي يتزوج وحيدة إن شاء الله إنه بيسلم من هالشي

هذي وجهة نظري ودي أعرف أراءكم وياليت اللي متزوج من بنت وحيدة يقول لنا هل واجه مشاكل في حياته أو لا ووشهي الإيجابيات والسلبيات اللي تواجه الشخص المرتبط بالبنت الوحيدة



وسلامتكم

ههههههههههه

تصدقين اخت متفائلة كنت أحب بنت عمي وأبغى اتزوجها لكن بعد هالكلام بغير تدرين ليش؟

عندها أخوات

يعني غير وحيده

كلامك جمييل جداً , يغري الشخص بالبحث عن بنت وحيدة

وش زينها , لا تطلب ولا تطفش ولا تبي مهر زي الناس ولا عندها مشااكل


موفقه اخت متفائلة وطرح يتسحق الاشاده

دمتم ودام القلم المبدع

__________________

ابتداء من 1 رمضان القادم ستبدأ الحملة الاسلامية الكبرى لمقاطعة امريكا

لالالالالالالالالالالالالالالالالالالالالالالا أنا مالي دخل الله يخليك تزوج بنت عمك والله يوفقكم

أنا مو قصدي أغري الشخص أنه يتزوج بنت وحيدة .. أنا اللي ابيه أن الناس مايعزفون عن الزواج بالوحيدة وأبيهم يعرفون أنه مثلها مثل باقي البنات ماتحتاج إلى معاملة خاصة من دلال ومداراه وغيره وأنها ليست بالضرورة متطلبة

مشكور أخي زياد النجدي على الرد الجميل

شرفني مرورك

يا اخي ما عليك من القيل والقال اهم شئ التربية الي تربه عليها واخلاق الفتاة زحتى لو كانت (دلوعة ) بستطاعتك تغيرها لا تنفذ كل طلابتها ...

__________________

حياك الله اخي الكريم محمد هيا

نعم كلامك سليم 100% بارك الله فيك

أشكرك على المشاركة

السلام عليكم ....

أعرف وحدة هي وخواتها كل وحدة طلباتها مجابة كنها ملكة ،،،

مع العلم ان الأب مو ميسور ...

و عيشتهم عادية او أقل ...

بس البنات آخر دلع ... ماركات ،، سفر .. طلعات .. سوق ... والذي منه ...

،

عن نفسي أكبر خواتي وبصراحة الله يديمها نعمة علي(قولوا ما شاء الله وآمين)

الوحيدة القنوعة ... يعني خواتي ماركات وسفر وسوق وطلعات وانا البيت عندي أحلى هدوء واستقرار ..مع اني أكبر حفيدة عند أهل أمي وأهل أبوي ،، والدلع على أصوله الا اني غييييييييير وخواتي غييييييييير

آسفة على الأطالة ،، بس حبيت أفيدكم ...

أم حمزة

احم احم انا وحيدة بين اولاد بس مااني مدلعة ولا فيني ذرة دلع بالعكس كان ابوي يضربني وامي تشغلني بالبيت كاني خدامة ولا عمري شفت الدلع وزوجي لا يحبونه ولا يدلعونه عادي كانه عندهم عشرة زيي وزيه حسب التربية اخوي

__________________
اللهم لك الحمد حمدا كثيرا

ههههههههههههههههههه ضحكتيني وحزنتيني في نفس الوقت

والله حبيبتي هذا اللي أقوله مو شرط الوحيدة يكونون أهلها مدلعينها

يعطيكِ العافية على المرور والمشاركة

هلا والله اختي أم حمزة

ماشاء الله تبارك الله عليك الله يزيدك قناعة

بالفعل أحيانا يكون فيه أخوات بس شخصياتهم تختلف عن بعض اختلاف كلي على الرغم من أنهم كلهم متربين تحت سقف واحد

مشكوووووورة اختي على المرور والرد الجميل اللي دعم وجهة نظري بخصوص أن البنت مو شرط تكون وحيدة عشان تكون مدللة

انا وحيده اهلي ابوي تزوج اربع حريم وماجاب منهم عيال كانوا يموتون قبل الاربعين وتزوج امي وولدتني طبعا كانت فرحته لا توصف بس كان يبيني ولد تدرون تفكير قديم بس اللحين انا شايله كل شي في البيت على راسي وتزوجت وقعدت عندهم واهلي يحبون زوجي اكثر مني وانا اسفه على الاطاله وشكرا