السلام عليكم ورحمه الله وبركاته


انا لي كم يوم محتاره ماادري وش اسوي ولا عرفت اقرر وش هو الحل للمشكله


عاد الحين قررت اني اقولكم المشكله بس تكفون ياليت تردون علي بالحل النافع


والطريقه اللي اقدر فيها احل المشكله يارب


السالفه اني اعرف واحد من قرايبي مررره متزوج وعنده ولد وماشا الله عليه زؤجته متدينه

وواثقه فيه ...


بس هي تروح لها كم يوم عند اهلها عشان تذاكر المهم انه هو جاي لي من كم يوم واشوف


جواله كل دقيقه جايته رساله المهم اخذت جواله وشفت الرسائل المرسله والصادره


لقيتها من وحده ولا وبعد لقيت بينهم مكالمات


عاد انا انصدمت خان زوجته المسكينه الحبوبه


وانا انا محتاره في الموضوع ما ادري وش اسوي هل اكلمه في الموضوع او اكلم البنت اللي


يكلمها واقولها لا تدقين عليه لانه واحد متزوج لان عندي رقمها وانا اتوقع اذا كلمته ماراح يهتم


تكفون اتمنى تعطوني الحل الزين

أختي الكريمة ...هل ممكن نعرف طبيعة القرابة بينكما؟ وهل أنتي أكبر أم أصغر منه سنا؟؟

ليفربول


هو اخوي واصغر مني بثلاث سنوات بس هو مشكلته شوي عصبي

ودائما متنرفز يعني ما اتوقع انه بيتقبل كلامي

انا من رايي انك تكلمينه وتذكرينه بزوجته وولده الي هي واثقه فيه
وتقولين له عن مميزاتها

برأيي انك تكلمي البنت اللي يكلمها وتحاولي بايخافها ولاتقولي لها من انتي لانها قد تسبب لكي مشاكل مع اخوك كان الله في عونك
والله يهديه الى سبيل الرشاد

__________________

اللهم احفظ مولودتي حنين وام حنين يارب العالمين

انا من رأيي
دقي على البنت وبهدليها وما تقولي مين انتي
وسكري
وبعدين تكلمي مع اخوكي بهدووووووووووووء
او اكتبي له رساله وقولي له ترى زوجتك مالها ذنب بالي تعمله
وانتقي الكلمات الي تهزه هز
وانتي ادرى بأخوكي
الله يهديه لطاعته
وخلي زوجته تهتم بنفسها اكثر شوي وتبقى لازقه فيه على طووووول
الله يوفقك للخير
في رعايه الله

__________________
سبحانك اني كنت من الظالمين

ليفر بول

شيخة الزين

الداعي للحق

فوفو


شكرا لكم على مروركم وردكم الرائع

وانشاءالله اقدر احل الموضوع ببساطه وهدوء والله يهديه يارب

وجميع المسلمين

عليكي اختي بهذا الرأي الرائع وان شاءالله يفيد

الله يعين زوجته المسكينة

انصحيه يا اختي وقارني زوجته بهذه التافه


انا نفسي اعرف شي واحد


اش يستفيد رجال متزوج وعنده زوجة ملتزمة ومحافظة على بيتها وزجها


ويروح يكلم بنات قليلات تربية وأدب ؟؟؟

والله الوقت والكلام وفاتورة التلفون اللي تجي تكسر الظهر

تفيد بها اهلك وبيتك افضل والله من هذا الحال


وبصراحة انا زهقت كل ما جات وحدة مسكينة تشكي هما

وتعامل زوجها معاها


كل النصايح اهتمي فيه سوي له كل اللي يبغى اتقربي منه اكثر واكثر والخ ......


وهو ليه ما يسوي مثل ما تسوي له زوجته


والله هذول رجال اخر زمن وراى شهواتهم ونزواتهم المقيته


والزوجة تواجه كل المشاكل

وما عليك ايتها الزوجة الا طرق جميع الابواب لايجاد حل مناسب لهذا الزوج الغير مبالي


الله يهدي الجميع