السلام عليكم

مدري شكتب بالبداية بس امس جتني حالة ضيق مو طبيعية من معاملة زوجي لان مزاجة معكر نكد علي حياتي و طلع سبب زعلة تافة ............ و المشكلة ان مع غيري بس يضحك ........... واللي زاد الامر سوء لما جت اختة الكبيرة مع عيالها الكبار عاملي بسوء قدامهم ............... انا ولعت من الغيظ

و ببيت اهلي كان فية عزيمة طلوا نص الضيوف و هو يأملني كل شوي يقولي يله يله بنروح ............. و لما وداني خلاني نص ساعة و رجع اخذني ما يسوى علي مجرجره عيالي الصغار معاي ............ و اكلمة ما يرد علي و بس يهاوش ............. و لقى الاكل اللي طابخية الظهر مخلص و قوم الدنيا علي من الصراخ ............

المهم اخذت عيالي الغرفة و نومتهم و انا جزت عيني و قعدت اندب حظي و ما ضلت ذكرى حزينة بحياتي ما تذكرتها ... ويا كثرهم .............

المهم سويت حركة بااااااااااايخة .... كتبت مسج و ارسلته لرقم انا الفتة من عقلي مدري المسج لمين راااحاليكم الكلام اللي كتبتة :
( مدري مسجي لمين راح يوصل ... يمكن تفكرون اني وحدة مهبولة قاعدة تجن .................أنا حزينة جدا على طفولتي اللي راحت علي و انا بخوف و حرمان عاطفي من الحب و الحنان و الأمان ...........
و مراهقتي اللي كانت مليانه قهر و كبت و تهميش و استصغار للذات .............. و إلا شبابي المليان اسرار و الوحدة اللي ذبحتني و انا انتظر شريك حياتي يسعدني و يعوضني و لما جا زادني احساس بالخوف و شعور بالدونية اكثر و اكثر .......... و إلا اللي اعتبرتها صديقتي و بديتها على نفسي و حبيتها بكل صدق و كانت ملجأي الوحيد من ضيم الدنيا تخلت عني و بكل نذالة ........... الان انا وحيدة مالي بعد الله الا جوالي اكتب فية و منتداي اتواصل مع الناس من خلالة .... أصبحت الكأبة طابع لحياتي و لا اعرف الضحك و لا السعادة.......... اللهم اشرح لي صدري و فرج همي .... )


و بعدين لما دخلت اليوم المنتدى و قريت مشاكل الناس هتنت علي مصيبتي .... بل اني قعدت اضحك على نفسي ..... و اللي يضحك اكثر انا اللي وصل له المسج ما رد لي خبر على باله مهبوله ................

مجرد سالفه صارت لي و بغيت اكتبها لكم ................

اختى مينى ماوس
استعينى بالصبر والدعاء وان ربنا يهدى لكى زوجك ويهدى نفسة
وان الله مع الصابرين ان صبروا
واحتسبى اجرك عند الله
وربنا يهدى سرك ويهدهولك ويعمر بيتك

الله يهديكي ويصلح امرك

بصراحة تصرف خاطئ
ماذا لو ان متلقي المسج صدف وان كان شاب طائش واستغل المسجل بسبب معرفته بما تشعرين والفراغ الذي تعانين منه

على كلا
الله ستر

في المرة القادة فرغي كل ما تشعرين به على مذكرات او على ورقة واحرقيها بترتاحي انك فرغت شحناتك

أختي الحبيبة..
بالنسبة لزوجك غلطان بس ماتدري مالة
ويش الي معصبة عليك
يعني حبيبتي هكذا الدنيا يوم
تلاقية سعيد ويخلي حياتك نعيم
ويوم حزين يخلي حياتك جحيم
والعكس صحيح معك ايضاً
وكويس انك شفتي هموم الناس لأنة بالفعل تهون عليك مصيبتك
لكن اختي الحركة الي عملتيها خطأ
إفترضي انها وصلت عند إنسان تعبان يعني ما يخاف الله
كان إستغل الفرصة وبدأ يربط معك خيوط
يعني بالله عليك لو زوجك هو المسوي هالحركة وبعدين وصلت لبنت
وردت علية انا لك في مثل حالتك بنسيك الدنيا و........ بالله عليك ويش شعورك؟؟؟؟
لذا حبيبتي خافي الله
وحاولي ما تكرري هذة الحركة
والدنيا يوم لك ويوم عليك
كان الله معك وشرح صدرك وفرج همك

السلام عليكم

اختي الراجعة إلى الله ........ يا سلااااااام دعائك رائع عسا الله يستجيبة .... و يسعدك انت و يجزاك خير

اختي حنين 1 لو زوجي اللي مسويها بلحظة ضعف نفس اللي كنت فيها راح اعذرة بس لو كان متلقي المسج بنت بقوم الدنيا علية ... و الله انك صادقة ... الله يعطيك العافية عالمرور الكريم

احلام المحيط و الله ادري اني غلطانة جداااااااااا ......... و ربي عالم بنيتي و ستر علي الحمد لله ......... اشكرك عالمرور .............

اختي في الله مني ماوس والله لو المسج طب في يد تمساح محروم راح يتووهق خخخخخخخخخخخخخ (امزح) لكن مااقول غير الله يكون في عونك اختي وعليك بالاستغفار ....

__________________


عرضـــــــــــــــــي دون عرضك يارسول الله

الله المستعان يعني زوجك قالب الدنيا عليك بدون شي
أجل شلون لو عرف إنك راسله مسج وطلع المستقبل رجل
حبيبتي بكل بساطه امسكي زوجك وهديه وكأس عصير يروق دمه
واجلسي معه وخليه يفضفض لك
اساليه بحب وحنيه شفيك اليوم متكدر عسى مازعلتك بشي أو ضايقتك بشي
هو ربما أحتاج منك لحظة اهتمام لاغير ها ففعل مافعل ليلفت نظرك
ترى اللي قال انهم أطفال صدق

الله يستر عليك حبيبتي ويفرج همك ويشرح صدرك
ويسخر زوجك لك ويحنن قلبه عليك

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

زوجك زعلان منك من لاشئ0000

يا اختي ما فيه احد بالدنيا يكون زعلان على الفاضي 000اكيييييييد فيه سبب

تحملي كلامي000 كتابتك لرساله تشكين فيها وتفضفضين اللي بقلبك00 وترسلينها

لاي من كان0000 هذا خطأ فادح وتصرف منك غير واعي يااختي000

الشكوى لغير الله مذله000 وشلون إذا كانت لشخص مجهوووول000يااختي استغفري ربك

افتحي الحوار مع زوجك 000 ابرك لك واسلم وانفع00واعانك الله

هذا الشيطان يبي يحط رجلك في أول درب الانحراف
يعني مسج منك
ويرده لك
ومكالمه
و و و
طبعا انت رح تبررين لنفسك كل خطوه بأنك محرومه ومتضايقه ومحد بالدنيا مقدرك
يا اختي اصحي شوي
وفكري بعقل قبل ماتسوي شي تندمي عليه طول حياتك حتى لو كنت تعاني من حرمان من زوجك هذا مايبرر لك اللي سويتيه أكيد انت الحين تقولي مو لهالدرجه وماكان قصدي لكن قلت لك هذي خطوات الشيطان وإذا مو مصدقتي افتحي على قصص الضياع للبنات ورح تلاقي هذي البدايه
لكن البنت ممكن نعذرها لكن انت متزوجه ومحصنه وأم يعني قدوه ومربيه وتكتبين كلام كذا لشخص ماتعرفينه !!!
لو كانت بنتك مسويه كذا كنت بتعذرينها؟؟
الله يهديك

__________________

((رب لاتذرني فردا وانت خير الوارثين))


http://www.tafseer.info/







طريقه سهله ومتوفره للجميع للمحافظه على الاستغفار

هل ترغب في الخير ؟؟هل تريد ميزانك يثقل بالحسنات ؟؟اضغط هنا من فضلك

حبييبتي استغفري الله كثير ادعي و ادعي لا تيأسين

و كل واحد عنده مشاكله كوني صابره و ذكري ربج والله بترتاحين وايد

الله يهديج

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي