السلام عليكم جميعا ..

انا من زمان ودي استشيركم في مشكله لكني اتردد دايما في الكتابه عنها ..

المشكله ربما تكون بسيطه مقارنة بمشاكل الباقيين لكنها منغصه عليا حياتي ..

انا مخطوبه من ثلاث سنين وباقي على زواجي اكثر من سنه ..

مشكلتي مع خطيبي هي قلة مكالماته ..

خطيبي يتصل عليا مره كل عشره ايام او كل اسبوعين ومكالمته ماتزيد عن خمس دقايق ..

انا طبعا مقدر انتظر مكالماته المتباعده هذه واتصل عليه كل ثلاثه او اربعه ايام ..

لكن الوضع مضايقني مرررررررره ..

تعبت الومه واعاتبه لكن مافي فايده ..

الموضوع هذا ينفتح تقريبا في كل اتصال بيننا لكن ماتغير شي في وضعنا ..

احسه مايحبني ..

واحنا البنات همنا كله يتركز على الكميه مو الكيفيه ..

انا مايهمني ابدا ايش الي يقوله في اتصاله .. اهم شي عندي انه يتصل كثيييييير ..

انا اخر مره طفح الكيل عندي وقررت اني ما اتصل عليه واشوف اخرتها معاه ..

تصوروا انه اتصل علي بعد عشرين يوم !!!!!!

لا ويعاتبني بعد ويقول لي وين الناس ??? وليش مافي اتصال ولا كلام ???

من جد انه قوي عين !!!

انا طبعا كنت في قمة البرود في كلامي معاه رغم اني من داخلي اغلي من الغضب ..

وهو لما شافني بارده معاه وردودي مقتضبه قال لي ان الواحد يتصل علي خطيبته عشان يسمع كلمه طيبه ..

رديت عيه وقلت له الكلام الطيب مو لشخص يتصل مره كل عشرين يوم ..

رد وقال اهم شي انه بالاخير اتصل .. عشرين يوم او ثلاثين مايهم !!!!!!

الشي اللي يقهرني اكثر اني مقدر اصبر نفسي واقول ان وضعنا مؤقت بمجرد نتزوج ونجتمع في بيت واحد راح تنتهي المشكله ..

لان خطيبي ناوي يكمل غربه وفراق حتى بعد الزواج ..

يعني بيرجع لوظيفته في بلد ثاني ويتركني بعد شهر واحد من زواجنا وبعد خطوبه اربع سنوات ..

قولولي ويش اسوي معاه ???