السلام عليكم ورحمة الله

لا أدري من أين أبدأ الكلام و لكن نفسيتي تعبانة جداً جداً و الدنيا ضايقة فيني وما أدري شنو الحل فقلت ما لي غيركم أستشيره في حل مشكلتي

مشكلتي هي أهل زوجي

أكيد بتتوقعون هواش و صراخ لا السالفة مو جذي و يا ليتها جذي مشكلتي إن أم زوجي عاملة نفسها ملاك منزل من السماء و إنها تنظلم و لا عمرها تظلم و القط ياكل عشاها و أول ما بدأت حياتي معاهم إنطلت علي هاذي الخدعة فحطيتها فوق راسي و عاملتها أحسن معاملة و خدمتها بعيوني خدمات حتى بنتها ما تسويها لها و لكن في النهاية انصدمت صدمة العمر لما اكتشفتها على حقيقتها و هذا الشي صار لما حملت بطفلي و تعبت جداً و بدأت حاجتي لها شفتها تتنكر لي و تناست كل شي سويته على شانها مع إني غريبة و ما عندي أحد حواليني حزتها اكتشفت إنها أنانية و تحب مصلحتها و مصلحة عيالها


من ذاك اليوم نفسيتي تدمرت و تميت على طول أصيح و أتندم على الأيام الي عملت نفسي لها خدامة و ظل الندم ياكل فيني و الأدهى و الأمر لما ولدت و طفلي أول حفيد لها ورتني الويل و نجوم الليل في عز الظهر و بدأت تفرض أرائها علي و تتدخل في حياتي سوي جذي و لاتسوين هذا و لا تروحين هذا المكان حتى بيت أهلي ما تبيني أروح و تتدخل فيني متى أنام و متى أصحى تخيلوا حتى لو نمت في فترة نوم ولدي تقول هذا خطير ما تدرين شيصير!! تخيلوا يعني أم ما بتحس في طفلها؟؟ و غيرها الآلاف من المواقف يعني باختصلر تبي تعاملني مثل أيام زمان إن هذا الولد ولدها و أنا مجرد مربية لازم أنفذ أوامرها وإلا ما يظل أحد إلا تتكلم علي عنده و حتى أخواتها بدوا يتدخلون في حياتي


طبعاً أنا كل يوم نفسيتي تدمر أكثر و أكثر و كل ما أقعد معاها تقهرني أكثر و أكثر تخيلوا لما أرضع ولدي قدامها دايماً تقول لي كأن إنتي فيج حليب، إنتي ما فيج حليب، الطفل ضعفان، يصيح لأنج ما فيج حليب شتتوقعون نفسيتي تكون؟؟هذا غير إنها تبي تأكل ولدي أي شي على كيفها حتى آيسكريم تخيلوا و هو عمره كم شهر فقط!!


أخيراً قررت إني ما أقعد معاها فظليت في مكاني و ولدي أبوه ياخذه لهم على طول لأن الطفل ماله ذنب لازم يشوف أهله و مع ذلك ما سلمت منهم يشوشون زوجي و ليش زوجتك ما تقعد معانا و ليش وليشوزوجي أحسه بين نارين عارف إن أهله غلطانين بس مو حاب إن الوضع يتم على هذا الحال ودايماً يقول لي رجعي علاقتك معاهم جالسيهم ،، بس هذا الشي مو بيدي نفستي تعبانة وما تتحمل أي كلمة ثانية



أكيد طولت عليكم وسامحوني بس أبي أفضفض و أنتظر منكم ردود تريح بالي أنا النوم خلاص ما أعرف طعمه دايماً أتحسر و أتندم على الأيام الي طافت و أفكر في الي جاي و أتخيل مشاكل أكثر ، ما عدت أحس بالأمان و الإستقرار في هذا البيت حتى أحس إن الجدران بتنطبق علي ، و أنا مقتنعة في القرار الي أخذته إني ما أجالسهم بس ما أحب زوجي يزعل مني



ساعدوني أرجوكم وسامحوني على الإطالة

[frame="7 80"][/frame]

__________________
سلسةالبرمجةاللغويةالعصبيةN L P سلاح العصرفي التعامل بين الشخص وذاته وبين الآخرين

سلســـــلة في ســـــــــــــــاعة التركيــــــز الحــــــــــــــــــــــــــــــــــــــاسمة

••.•°¯`•.•• (الهــيـمـــنة الدمـــاغية بوصــــلة التفكيــــر ) ••.•°¯`•.••

[][][] الإرهاب الأسري : : طريق إلى الإرهاب الاجتماعي [][][]

: - : - : أكـــــــره أن أعــــتـذر : - : - :

مهما صار هذي أم زوجك أكرميها على الأقل عشان زوجك...
اجلسي معهم وزوريهم وإذا سمعتي اللي يضايقك إذن من طين وإذن من عجين اللي مايعجبك عديه وطنشي..
الدنيا ماتسوى صدقيني..

ينقل الي عالم الثقافة والتوجيهات

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

انا مثلك بالضبط
انتقلت لبيت لحالي وصرت رسمية معاهم واجيهم وقت المناسبات فقط
الواجب اللي علي لهم اقوم به على اكمل وجه لكن الخدمات والحركات اللي كنت اسويها لهم قبل الغيتها بتاتا لانهم مايستاهلون
ان انت اكرمت الكريم ملكته....وان انت اكرمت اللئيم تمردا
لو تعطينهم عيونك ماراح يبين فيهم وبيفسرونه ضعف وبيضغطون عليكي اكثر
انعزلي عنهم وزوريهم في فترات متباعدة او في مناسبات
بس اذا صار ظرف او واجب لا تترددين عشان خاطر زوجك
ربي يعطيكي من خيرهم ويكفيكي شرهم

حبيبتي الزمي غرفتك احسن لك من عوار الراس
اسئلي مجرب والولد ما تخيلهم يطعمونه شي هذا ابنك واذا مرض انتي الي رح تتعبين معاه مو هم
اذكر ام زوجي الله يسامحها
شربت ولدي مي من اول اكم شهر وميه ماهي مغليه ولا شي
وسار معاه اميبا من هالمي
كل هذا علشان نسكت لمتى السكوت
افرضي شخصيتك والي مو عاجبك ما تعملي
وريحي بالك انتي طلعتي جلستي معهم او ما طلعتي رح يتكلمون عليكي
خليكي بغرفتك وريحي راسك من العور هذا وانتبهي لولدك ليطعمونه شي ويمرض
الله يوفقك ويحفظك ويهدي سرك وتجلسين ببيت بروحك وتفتكين
في رعايه الله

__________________
سبحانك اني كنت من الظالمين

[انا بعد نفس الاخت لوتس وسويت نفس ما قالت والحين مرتاحه والحمد لله
والله يعينك وان شاء الله تفرج لان مشكله اهل الزوج مشكله حساسه لان الوحده ماتبي ينهدم بيتها بسب مشاكل اهله خاصه اذا كان الزوج متفاهم وزين..........

السلام عليكم
انا عضوه جديده عليكم في المنتدى ان شالله اكون خفيفه الضل عليكم
اختي هذا حال اغلب اهل الزوج يحبوا التحكم بالذات في عيال عيالهم يعني كانك ماتفهمي شي عشان اول مولود لكن انا اقول لاضرر ولا ضرار لاتقطعيهم مره ولا تدلقي نفسك عليهم بلمره حتى ابنك يطلع معاك ويدخل معاك لان اذا كبرماعاد تقدري تمنعيه وحيفضلهم عليك صدقيني احكمي ولدك احسن عشان مايتعودوا عليه وتكبر المشكله بس انت خلي خدماتك في المعقول منها انها ست كبيره ومنها ام زوج ولجل عين تكرم مدينه ومن ناحيه كلامها ياسلام يامحلا التطنيش من غير حرق اعصاب اسمعي وخدي الي تبغيه وكبي الباقي وسلامتك واخيرا اذاقدرتي تطلعي من البيت وتسكني لحالك من غير مشاكل افضل لكن اهم شي زوجك مدام حاسس فيك نعمه كبيره

الله يحفضك لاتنسى الدعاء فهو يفرج اكبر الهموم وامشاكل
ومايدوم الا الطيب
تحياتي:

عامليهابالطيبو احسن من معاملتها وشوفي شلون تتغير

ماراح أزيد عن كلام الاعضاء
أهم شي إنك ماتقهري نفسك وتؤدي طفلك إنتي في فترة حرجة إذا كنتي مضايقة انتبهي لاترضعين
طفلك رااح يتأثر ..

والكلام اللي يعجبك خذيه واللي مايعجبك لا تاخذي به ولا تحطيه في خاطرك ..

على الزيارات زوريهم خفيف تأدية واجب .. هم كذا ولا كذا راح يهدرواعليكِ من وراكِ من قدامك راح يهدروا ..
لاتديري بال لهم .. المهم الزيارة الخفيفة مرة كل اسبوع أو اسبوعين ..
الشي اللي مايعجبك لا تسكتين له ري عليهم بإسلوب لطيف بعيد عن العصبية والنرفزة ..

والله يوفقك وييسر لك أمورك .. ويهدي بال أم زوجك عليك يارب ياكريم ..