السلام عليكم ورحمة الله وبركاته :-


أعزائي المشاهدين .. حلوه المشاهدين . .

أسعد الله أيامكم بالخير والمسرات

لدي سؤال وأتمنى أن أجد الأجابه الوافيه


هل فيه طريقه ناجحه لتوفير مبلغ من المال ؟

أو على الأقل يأتي آخر الشهر وأنت معك شيء ؟

.

__________________

ed"]نفس سؤالى انا اصرف كثيراا واحتاج الى حل لهالمشكله

سانضم لك وانتظر لعل وعسى نجد من العقول النيره مساعده

__________________
حسبى الله لا إله إلا هو؛؛؛
عليـــه توكــلت؛؛؛
وهو رب العرش العظيم؛؛؛
اللهم اكفنا هم الدنيا والآخره

__________________

مع اني ماني رجال ..

بس بقول انا كيف اوفر ..

اول شيء جربت اني احط الميزانيه الشهريه لكن كانت تخرب مع اي صرف زياده ..

بعد كذا اقترحت على زوجي ان كل شهر ندفع فاتوره شيء ..

يعني مو بنفس الشهر ندفع فاتورة التيلفون والكهربا ,,

شهر كهربا وشهر التيلفون ..

والمقاضي ما صرت اشتريها شهريا ..

لأن المقاضي تطير 1000 اقل شي واحيانا تزيد ..

صرت اشتري من اسبوع لاسبوعين ..

وادور على الاماكن اللى يعملو فيها عروض واشتري منها كمية كويسه ..

وطبعا خليت زوجي يفتح حساب ايداع بدون سحب للظروف اللى مانتوقعها ..

يمكن ماراح تستفيدو مره بس الحمدلله لما نوصل لنهاية الشهر الاقي مبلغ لابأس به ..

بس حبيت اشارك بمخططي المالي ..

وبانتظار الردود ..

__________________

أتوقع وضع ميزانية لكل شي ..
تسوي لك ظرف لكل مصرف ..

مثلاً ظرف للثياب
ظرف للفواتير
ظرف للغذاء
ظرف للمدخرات
ظرف للطوارئ
ظرف لـ...
ظرف لـ...

بحيث إنك توزع المصروف على هذي الظروف ...
وبحيث إنك كمان إذا جيت للثياب مثلاُ إذا كنت تصرف 1500 في الشهر على الثياب تخليها شهر 1000 وشهر ثاني 800 وهكذا في كل ظرف .. ولا تتعدى على حقوق الظروف الثاانية

اتمنى وصلت الفكرة ....

__________________

لالا ابداً مو صعبة أهم شي التحكم بالمبالغ وعدم الاستهتار مثلاً تقول ياالله باخذ 10 ريال من ظرف الادخار ماراح يأثر .... لا أخوي راح يأثر كثير لإنك ماستفدت من وضع الميزانية ...
الالتزام مطلب أساسي في هذه الأمور ..
حاول تسوي لك ميزانية معينة كل شهر غير عن ميزانية الشهر الثاني بحيث لو زادت مصاريف الغذاء مثل الحاصل في شهر رمضان تزيد مصاريف الغذاء وتزيد مصاريف الثياب في خلال شهر رمضان عشان جاي العيد فلازم بتشتري ثياب جدد وبالتالي تقلل مصاريف الإدخار ..
والشهر اللي بعده تقلل مصاريف الغذاء وتقلل مصاريف الثياب لإنك ماصار لك شهر من اشتريت آخر قطعة
من الثياب ... وهكذا ..

مع أمنياتي لكم بميزانية توفر لكم ماتحتاجون إليه ,,

__________________

لا اخوي مافيها خصوصيه كلنا بنستفيد من بعض ..

حكاية الحساب زي ماتقول حساب ادخار ..

يعني مانقدر نسحب منه الا اذا وصل مبلغ 100 الف ..

طبعا زوجي كان بيذبحني على الفكره ..

بس بعدين اتشجع ..

هو مشكلته انه لو احتاج كيف بنصرف بس انا كلمت اختي وهي موظفة بالبنك ..

قالت لي اذا احتجت المبلغ اقدر اسحبه ..

اممم ..

الصراحة مافي مبلغ معين حسب الحاجه ..

يعني اول شيء نسدد الفواتير والقرض اللى اخذه زوجي لاننا اشترينا عماره ..

بعدين اللى يزيد نحط نصه ..

غالبا 1000 يعني هو 500 وانا 500 او 500 واحد منا يودعها ..

فكره وجع آخر معاناتي جربتها وبجد كنت اوصل آخر الشهر وانا حاسبه انه راح يطلع لي مبلغ ..

الاقي الفلوس انصرفت في اشياء ثانية !!