عرسي بعد اسبوع وانا لم أتجهز نفسيا!!
السلام عليكمورحمه الله وبركاته
بصراحه منحرجه منكم وايد بس ياليت تساعدوي وباقرب وقت لاني ما اشبك الا قليل بحكم ان عرسي قرب وقاعده اجهز له (ماديا وليس نفسيا) والحين ابيكم تخبروني شنو راح يصير بليله الدخله لاني خايفه لدرجه محد متخيلها خصوصا ان زوجي ما اكلمه ولا عمري شفته الا بطفولتي (ما اكلمه ولا اشوفه الا بعدالزواج بحكم العادات والتقاليد)مع العلم انه زوجي على سنه الله ورسوله واللي حبيت استفسر عنه ان السالفه الكبيره(؟؟؟؟) تصير من اول يوم ؟؟؟؟ بصراحه خايفه واذا بتصير فانا اعتبرها اغتصاب لاني ما اعرفه ولا عمري قعدت معاه شلون راح يتجرأ وانا اكيد ما راح اتفاعل هذا اذا ما قاومته بشتى السبل عموما انا صغيره واسمع بالامور اللي تصير بين الازواج بس في اساله كثيره تمر في بالي عشان جذي ابيكم تفيدوني ما ابي انا اكتشف هالعالم بروحي اخاف من المجهول
وسؤالي هل استطيع ان اتاقلم مع انسان ما اكن له اي شعور او احساس (مو لان بقلبي احد) لا بالعكس انا طبعي خجوله وما عندي هالسوالف بس ما ادري احس ماراح احبه وان شاء الله احبه
وادعولي اتوفق
ومشكورين واسفه علاطاله