يالله مسهم بالخير
كيفكم إن شاء الله كلكم بصحة وعافية
أتمنى لكل شخص منكم السعادة الدائمة والراحة يارب

عندي خال بارد وحبوب من طلعة الدنيا، ودمه خفيف، ولاجاء لبيتنا يزور أمي نستانس كلنا ونتجمع حوله منذ الطفولة، فينقلب البيت ضحك.
خالي هذا قريب مني، وافتح له صدري ويفتح لي صدره، واستمتع بالجلوس معه..
كذا مرة كشتنا أنا وياه فوق راس نفود أو أي مكان ومعنا العزبة وأدوات الطبخ كاملة

المهم مرة قالي وش رايك نطلع قلت أوكي نطلع بروضة الخفس كون فيها ربيع وطلعت فيها كذا مرة السنة مع أصدقائي، قال وش رايك نروح لروضة خريم، وبحكم أني ماعمري رحت لروضة خريم وبحكم أني تعلمت من الحياة أني ما أفوت فرص جديدة، أو أماكن لم أزرها من قبل، فقلت له مناسب..

المهم جاء هو وولده وكنا على أساس نطلع يوم السبت، لكن تذكرت أنه عندنا حفل بدوامي، فقلت له خل نخليها الأحد، فلما صارت الساعة 9 أستأذنت من المدير وطلعت.. وقابلتهم ورحنا لروضة خريم، ومن حسن حضنا أنه كان وقت دوامات وكانت الروضة شبه فاضية، وجلسنا من الصبح وتقهوينا، وطبخت لهم وتغدينا، حتى جاء المغرب وبردنا شوي، وتوكلنا على الله ورجعنا، روضة خريم تبعد تقريباً 100 كيلو عن الرياض على طريق الشرقية

حقيقة روضة خريم لم أتوقعها بهذا الجمال وهذه المتعة وهذه الخضرة، ومن سيشاهد الصور سينصدم بها ولن يتوقعها،، وراح نخليكم مع الصور، ولا تواخذوننا على القصور ترانا طالعين للبر

=

العاب
=
العاب
=
العاب
=
العاب


=
العاب
=
العاب


وسلامتكم،،، وأتمنى أنه أعجبكم التقرير السريع، ولا تنسون تغسلون يدينكم وتسمون وتتغدون وحياكم الله

__________________
ياصبحِ لاتِقبل !!
عط الليل من وقتك..

مشاء الله تبارك الرحمان
صح خرجة مثل هذه تريح ذهن الواحد لاسبوع خاصة اذا كانت مع ناس نحبهم الله يخلي خالك
الارز انت طبخته تسلم الايادي تضبطه احسن مني
ومن باب التبادل الثقافي
ما معنى كشنة هي الرحلة او الاكلة؟

مرحبا وفاء
جداً طلعة مع ناس ترتاح لهم ولا فيه حواجز معهم جداً مريحة
أنا أطبخ الرز، والحمدلله فنان فيه، لي طبخات في هذا القسم يمكنك الرجوع لها، رغم اللي شفتيه أقدر أطبخ أحسن منه لأنه في البر الهواء يلعب بالنار وماتكون دقته كويسة.

مش كشنة، إنما كشتة، يعني مثل ماقلتي خرجة، وهي تكون فقط للصحراء أو لأماكن الربيع أو للرمال، فنسميها كشتة، إذا تحبي تشوفي شيء فكاهي عنها، اكتبي بقوقل ( الكشتة طاش ماطاش ) هي حلقة كوميدية قديمة قبل عشرين سنة تقريباً تعكس واقع الاسر السعودية لما يطلعوا للكشتة، ولكن الحلقة اخرجت بشكل مبالغ مثل أي كوميديا بالعالم.

__________________
ياصبحِ لاتِقبل !!
عط الليل من وقتك..

عجبني الموضوع والصور جدا
ولما وصلت لصوره الكبسه ضحكت والله
لان بيني انا وخواتي
نسمي الطبخه هاذي
كبسه كشتات
تكون كذا
كل الخضره تنطبخ تكون
مثل ماهي بدون تقطيع
طبخ سريع جدا
ويكون فيه ريحه حلوة (اذا احترق شوي)
تميزة عن طبخ البيت

وعشان محتاجه اضحك شوي قررت اتابع حلقه طاش ماطاش

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

من أين لك هذا !
توني ادري ان عندكم أماكن جذي خضراءءءء
حبيت ..

عليكم بالعافية على هالكشتة ..
حلوة القعدات بره بهالجو اللطيف..

__________________

حاجة الناس إليكم من نعم الله عليكم ، فـ لا تملوا النِعم ☁✨

الجزيرة العربية كما قال الرسول عليه الصلاة والسلام أنه كانت جنة وأنهار وستعود كما كانت في آخر الزمن، لذلك هي مؤهلة لتكون كلها طبيعة وخضار وأنهار، وفيها أنهار ووديان ولكنها لاتجري إلا حين يأتي المطر كما هو وادي الرمة الذي يجري من المدينة المنورة إلى البصرة
لذلك لاغرابة أن نجد هذه الخضرة وهذا الربيع في موسم الربيع والأمطار
ربي يعافيك وحياك الله

__________________
ياصبحِ لاتِقبل !!
عط الليل من وقتك..

مرحبا أسعد فتاة
دائماً طبخ البر حتى ولو كان أي كلام يطلع له طعم، خصوصاً لما يطبخه رجال
وفي طبخ البرد لا أحد يدقق أو يبحث عن مستوى عالي لأنه معرض لأي احتمال
أتمنى أنك ضحتكي بما فيه الكفاية

__________________
ياصبحِ لاتِقبل !!
عط الليل من وقتك..

صور جميلة و الخضار يرد الروح
احنا بعد كشتنا في الاجازة
ودي احط صور كشتتنا مع كشتتكم
و يصير تبادل كشتات ⏩⏩ هذي بنت عم تبادل الثقافات

__________________

مرحبا هاجر
جداً صراحة المكان هذا ماينمل منه، هاتي صور كشتتكم ونشوف كيف عشان يكون هناك تبادل كشتات وثقافات ونشوف المكان اللي انتم فيه

__________________
ياصبحِ لاتِقبل !!
عط الليل من وقتك..

ماشاء الله 😍😍😍😍
دايم اسمع عنها من اخواني واعمامي وزوجي .. بس ما قد رحت لها ..توقعتها صحرا 😅

ماشاء الله عجبني المكان .. يبيلنا نروح لهناك😁 ..

اما الكبسه شي خيالي .. لو انها مكروونه بس 😋

__________________
-

فأجبر خَاطري .. بفيّض نعَمك ❤ ....