مشكلتي أقرب مالها فضفضة ادري مالها حل

زوجي كما أخبرتكم سابقا صاحب سفريات للخارج وسفرته بهالشهر لدولة في شرق آسيا

طلبت منه يسفرني طبعا رفض اسافر لدولة بر،، فقط سفره داخليه
وطلب مني اتحمل كافة تكاليفها
شوفوا الغبنه كيف

مو يكفي سفرياته ويجي يتشرط علي بانها راح تكون داخليه وبشرط تكون المصاريف كلها علي
مو يكفي اني اتحمل كل شي من نفقه وايحار بيت كونه مديون واذا طلبت منه شي يقول ماعندي
وجاي يتشرط

وبنفس الوقت يقول لي مالي شغل بالاطفال ماراح اتحملهم ،،انت مسؤؤله عنهم بكل شي
وغير كذا قالي لوسافرنا مافي روحه للمولات ولا الملاهي,
يعرف اني احب هالاشياء ورافضهم

احس حالي مخنوووقه منه ومن كمية الانانية اللي معششه داخله

هل يضغط عليك
بسبب امر طلبه منك و رفضتي؟؟

طيب من وين له فلوس يسافر برا وهو مديون؟

__________________

لا ابدا
هو مايبغى يتحمل مسؤؤليه احد ..

سفرياته اللي يسافر فيها يقول اخوياي يتكفلون فيها

الله يهدية بس طلعة مافيها ملاهي اللاطفال ومطاعم ومولان ماهي طلعة
انا اشوف انك تاخذينة بسياسة ودها النساء
لعل الله يهدية ..الله يسخرة لك يارب

__________________
سبحان الله وبحمده سبحان الله العظيم

عنييييد وراسه يابس ماينفع معه لاسياسه ولا دهاء ولاكيد

عليك بدعاء لة بالهداية ...الله يسخرة لك ولطفالك ياكريم

__________________
سبحان الله وبحمده سبحان الله العظيم

خلاص
خلي خوياه يدفعوا الديون

ليش إنتي تدفعي دينه؟؟وإذا ما دفعتي وش بيصير

__________________

مادفعت ديونه ..

فقط اصرف على نفسي وابنائي وادفع الايجار كونه يضطرني
يعني اكتب حاجاتي واغراضي يقولي اعطيني فلوسها ولما ارفض ..يتركني مايجيبها لي
فاضطر ادفع مصاريف البيت ومصاريف ابنائه

الحل مع الشخص الاناني..

انك تكونين انانية معاه عشان ماتتأذين..

__________________

اختلافي عنك لا يعني اختلافي معك

فعلا هو اناني ماعمري شفت زي انانيته ..واحد يحط نفسه رقم واحد ويرفهها ولا يبغى اي مسؤؤليه
ومستحيل يساعدني او يخفف عني لو انضغطت بشغل البيت


وجربت اكون انانيه مثله وارفض ادفع الايجار كونه مش مسؤؤليتي
قال انا مديون وماعندي شئ خلاص بنفضي البيت.. انت اسكني عند اهلك وانا اسكن عند اهلي
قلت ماعندي مانع اسكن عند اهلي المهم مالي شغل بمسؤؤليتك اللي هي دفع الايجار

وبعده اتصلت على امي على اساس اسكن عندها هي عصبت ورفضت
هنا اضطريت ادفع الايجار