سامحيني اقولك خالة، لاني مرة احترمك و إخوان امي كلهم قدك، و من جد اغبط بنتك ماشاء الله و ربي يخليكم لبعض ^^
خالة جرين، اختي الكبيرة طلبت مني كم مرة اني اروح لها البيت بفترة النفاس و كلمت زوجي و انا بالمستشفى انه ياخدني لعندها
بس امي رفضت و مارضيت، و تركت ولدي الكبير عندها كم يومأناةانا نفسي اصلا باتعب يوم اكون بعيدة عن امي، و اختي الثانية
كانت بتسافر و تجي تجلس معاي تنتبه لي، بس امي مارضيت كمان .. و قالتلها اجلسي ببيتك و اختي اللي اصغر مني توها متزوجة
مسكينة، جات تاني يوم من ولادتي و عملتلي مرق و جابت أغراضها عشان تساعدني كم يوم.. بس عشان ولدها (بكاااااااااااي مرة مرة مرة)
امي قالتلها خذي أغراضك و روحي بيتك .. يعني هم يتمنوا انهم يجوا لامي، بس امي ماتبغاهم و لا تبغى احد ..
فعلشان كذا، امي ماتبغى اخواتي يجوا عشان ماتتحمل اولادهم .. اللي ولدها بكاااااي و اللي اولادها أشقياء و زي كذا .. حتى بالتلفون ماعندها
حيل تكلمهم، و تقولي قولي لاخواتك معلييييه ماقدر اكلمهم و مابغى احد الفترة هذه. و لا هما نفسهم يخدموها من عيونهم ..
-------////////-----------
انا من زمان كنت اقرب وحدة لامي، لاني دايم كنت اجلس معاها و احكيلها اي شي و اسمعلها اذا كانت محتاجة تفضفض ..
ماكنت ارتاح من تعليقات اخواتي وواخواني ، عشان امي كانت من وراي تقارن بيني و بينهم و عرفت منهم بعدين.. هما قالولي
المهم، الفترة هذه انعكس الحال تماماً .. صايرة امي كل شي ترميه علي و كل غضبها تحطه علي و بس تشتم ولدي مع انها كانت مررررة تحبه
لانها ربته سنة و نص، و هو يسمع الكلام و دايم امي كانت تقول عقله اكبر من سنه ماشاء الله و امي ترفض اني ارسله عند احد
فقمت سجلته بنادي من العصر لحد العشاء .. و مرة ارسلته لبيت عمه، كل شوي تقولي امي دقي خليهم يجيبوه ..
تفسيري لعصبيتها علي و على ولدي الفترة هذه، لانها يمكن ماهي عارفة فين تحط حرتها او مادري ايش يقولوا باللبناني ؟
تفش خلئها : )
فتقوم تفش خلئها علي و على ولدي .. و الحمد لله انه النونو الجديد هادي و مايزعج امي وقت النوم ..
انا ما ازعل لو انها تخاصمني و من غير اي سبب، بس قدام خالتي كل شوي تنتقدني على ( و لاشي ) ؟؟؟
و زي ماتعرفي انه خبرتي في الاطفال ( صفر ).. ولدي امي ربته و النونو الجديد ماحد بيساعدني
فكل ساعة و التاني، خالتي تقولي: ولدك لو صار فيه شي، يكون بسببك ؟؟؟؟؟؟؟؟؟؟؟؟؟
بدل ماتساعدني، تجلس تنتقد و تخلي امي كمان تشاركها بالانتقاد ؟؟؟؟؟؟؟؟
اخر شي، قلتلهم اللي يشوف، يقول اني ربيت 10 اطفال ؟ مو صح ؟؟؟؟ و غير انهم كل شوي يخاصموا ولدي
طيب انا أتحمل هذا و لا ذا ؟؟؟
بس اليوم احسسسن ما بأكلم خالتي و لا اطالع فيها..
خالتي جاية زيارة فترة لامي و تروح بعد شهرين ، و جالسة تشحن امي علينا
مع انه و الله جلوسي عند امي مؤثر على حياتي و على ولدي، بس زوجي مقدر الوضع و دحين انهيت بعثتي
عشان امي و اجلتها لسنة كمان و مع كذا، بأتحمل .. و ماحنا مستقرين انا و زوجي بالوضع هذا، بس عشان امي كل شي يهون .
زوجي قايم بأشغال امي لانه اخواني مسافرين و اخوي ينزل باجازاته، امي رافضة تترك بيتها و تروح عند اي واحد فينا ..
في بيتي عالاقل ولدي ماخذ راحته، و زوجي يساعدني بتربيته، بس هنا بيتعبني ..
المهم.. كيف اذا رحت بيتي؟ مين بيجلس مع امي؟ مين يشوف ايش ناقصها؟
في بيتي مرتاحة جسدياً، بس عند امي مرتاحة نفسياً ..
و حأرجع لبيتي بعد الاربعين لانه امي طلبت مني كذا ..
مع انه اخوي مارضي يتركها ببيتها غير يوم قالتله روح الطير معايا هي و زوجها
لا تشيلوا همي .. و هذا اللي مطمن الكل، اني عندها ..
-------------------------
معليه الكلام اللي فوق احسه ملخبط .. بس امي تغيرت مرة ..
اخواتي نفسهم يجوا عند امي، بس امي ماتبغاهم عشان اولادهم مزعجين..
و هم يجوا مرة بالاسبوع ..
و انا عرفت حالة امي من استنتاجاتي، لاني اقرى عن المرض هذا و عن الكيماوي
و قبل كذا قالتلي صاحبتي (دكتورة بنفس المستشفى اللي امي تتعالج به) قالتلي
الكيماوي يوقفوه اذا انتشر المرض او ماكان فيه أمل .. و من نهاية رمضان امي توقفت
عن الكيماوي .. و اخواني مايتكلموا أبدا عشان يعرفوا وحدة من اخواتي (فضيحة)
اذا عرفت، راح تبكي كل شوي و تأثر على نفسية امي .. و ماتعرف تمسك لسانها..
و سالت اخوي من اسبوع و قالي: من متى المرض هذا له علاج ؟؟؟؟؟ و سكتتت ..
فانا فهمت اللي يقصده.. و أصلا أمي حالها ما يسر لا عدو و لا صديق ..
خالة جرين، اي احد بيتصل عالبيت من اخواتي يسالوا عن امي.. اقولهم ماتقدر تتكلم
و مافيها حيل، و انا لمحت و بينت لهم انه مالنا غير الدعاء و انه الكيماوي خلاص وقفوه
يعني كأنهم فهموا خلاص، بس امي ماتبغى احد يجيها
قبل اسبوع كنت ابكي و زوجي قالي، انت اكثر وحدة من اخواتك قريبة من الدين ان شاء الله
و لازم تكوني ثابتة، و لا البقية ايش راح يعملوا ؟؟؟
*