سهره رومانسيه بعطر التفاح
راح اقولكم على سهره سويتها لزوجي قبل فتره
اتمنى تعجبكم طبعا ممكن تكون مكرره لكن انا حطيت عليها اضافاتي وحبيت اشارك فيها عساني انفع فيها
طيب كانت سهرتي ليلة التفاح دايما الاقي بالمنتديات ليلة التفاح بالون الاحمر بما اني كنت مسويه قبل كم شهر ليله حمرا قلت خليني اغير والتفاح احمر واخضر وانا مااحب غير الاخضر ههههههههه
اولا جهزت الاشياء قبل كم اسبوع اشتريت 3 شمعدانات كرستال مختلفين بلاحجام
وهم اشتريت ورد مجفف برائحة التفاح وشموع كثيره باشكال واحجام مختلفه برائحة التفاح واخذت معطر جو وعطر فواحه بالتفاح طبعا اخذتهم من هوم سنتر كلهم
طيب رحت لماكس لقيت عندهم اشكال حلوة من الخرز وبشكل دائري مكن نحط فيها شموع اخذت 4 حبات وهم اخذت نفس الاشكال بس من الورد بشكل عباد الشمس بس لونه اخضر كان شكله مره رووووعه
طيب في اشكال مره رايقه زجاجيه وينحط بداخلها شموع صغار فيطلع لون الزجاج رومانسي مره اكيد عرفتوها اخذت منها اللون الاخضر
طيب هذي الاكسسوارات الي عملتها نجي للترتيبات
طبعا انا قبل باسبوع كنت ارسل لزوجي كل يوم مسج واقوله استمتع بوقتك بعد كم يوم راح اعيشك بليله ماراح تنساها وكل يوم يرجع يسئل عن السالفه بيوم الحفله تركت له بسيارته بالصباح بطاقه بشكل قلب طويتها بشريط ستان وثبت معها شمعه طويله خضرا برائحه التفاح زوجي يقولي ريحة السياره صارت تجنن من الشمعه وبصراحه انا حبيت اغير بنوعية المفاجئه
طيب تعالو اقولكم شنو كتبت فيها
((قمري
رائحة التفاح العطره انست ادم جمال الجنه وزهوتها ليقدمها لمعشوقته حواء
فاصبح التفاح فاكهة العشاق وعلى ذكره تتمايل القلوب عشقا وبمذاقه يحيا الهوى وبمنظره يزهو الغرام
فهل ياذن ادم بقضاء ليلة رومانسيه مع حواء ليله يزينها التفاح وقلبي العاشق))
بعد ماوصل للدوام عطاني اشاره بالموافقه على الجوال طرت على طول ارتب للسهره الموعوده
نجي للغرفه
طبعا اشتريت 30 متر من التول الاخضر وانا اقولكم ليه اخترت التول لان سعره يابلاش تعرفون كم المتر ريالين
واكيد راح يؤدي الغرض
طيب نثرت التول على ارض الغرفه والدولاب واعمدة السرير
اخذت قماش ستان ناعم وحطيته على التسريحه زميته من طرف الفوقي بشكل كسر وحطيت عليه اسواره كانت عندي من الكرستال الاخضروتركته جزء منه نازل على الارض من الجهه الثانيه بشكل طووويل جدا من جنب التسريحه طبعا ونثرت عليه ورد مجفف وشموع مختلفه حطيت على التسريحه الفواحه وشموع وبطاقات القلوب الرومانسيه
نجي للسرير حطيت مفرش ستان اخضر تفاحي طبعا اشتريت قماش ووديته للخياط مع المقاسات وعمل لي المفرش والمخدات والتكيات الصغيره لاني مالقيت مفرش ستان لحاله وهم الميزانيه كانت ماتسمح
طيب نجي للارض كتبت كلمة احبك موووووت بالشموع الصغيره ونثرت حواليها الورد المجفف
حطيت طاوله صغيره وحطيت عليها مفرش ستان وقطعة تول ونثرت شوي ورد وحطيت الشمعدانات الكرستال وبرواز عليه بطاقه حلوة
سويت ابل باي وانواع من حلويات التفاح وطبعا العصير كان عصير تفاح وغلفت الكاسات والشوك باشكال حلوة من الشرايط الخضر
طبعا ماحطيت كراسي انا اقولكم ليه حبيت اغير وتكون الجلسه على الارض جبت مرتبه من غرفة عيالي فرشت عليها مفرش حلووو وناعم وحطيتها قريب من الطاوله
طيب اخذت قصاصات من الورق الاخضر وقصيتها بشكل قلوب عملت منها كثير ووزعتها على الغرفه على الجدران والدولاب وكل مكان
كتبت مثلا احبك ياكل الغلا... انت روحي وعمري... انا فخوره انك زوجي... انت افضل رجل بالعالم ولاانا اشوفك كذا لاني احبك ..
حطيت 4 قلوب ولزقتهم متصلين ببعض كتبت عليهم
انا احبك اكثر
انت تحبني اكثر
نحب بعض بالتساوي
مومهم المهم نحب بعض وعايشين بسعاده
طيب الحين جاني الدور رحت واخذت حمام وكنت مجهزه ملابس داخليه باللون الاخضر التفاحي ومعها فصوص كرستال لماعه واشتريت متر ونص من قماش شيفون مشجر اخضر شكله مره راقي وربطته على شعري وخصري بس مومثل شال البحر لا مثل الساري الهندي تقريبا وكنت شاريه عطر تفاح ولوشن وبدي جل استخدمتهم عشان يصير كل شي بالتفاح حطيت مكياج عيون اخضر ولماع اخضر على كل جسمي
عطرت الغرفه وشغلت الفواحه والشموع طفيت الانوار وجلست انتظر زوجي واشمشم بذا الريحه الحلوة طبعا مااقدر اوصف لكم سعادته وكان مبسوط على الاخر وكانت ليله رووووعه الى اليوم يتكلم عنها وعن جمالها
اكيد زهقتكم واكيد قلتو ماتعرف توصف وياكثر هذرتها بس الساعه الان 4 الصباح وانا هلكانه من النوم بس اذا طق براسي شي اسويه ولا مايجيني نوم ههههههههههه
يالله تصبحون على خير وياويل الي يدخل ومايرد تراني حاطه كاشف نت كخخخخخ بعد ذا التعب والساعه 4 وماتردون الي مايبي يرد يحط اسمه ويطلع والكسلان يحط نقطه وانا بعرف اسمه كخخخخخخخ
واتمنى تجربونها وتدعون لي
التعديل الأخير تم بواسطة يرجي تغيير الاسم ; 04-09-2006 الساعة 03:57 AM
04-09-2006, 03:52 AM
[/IMG][IMG][IMG]
[/IMG][/IMG][IMG]
[/IMG][IMG]
[/IMG]]
ضوابط المشاركة
العرض المتطور