السلام عليكم ورحمة الله......................
أنا عضوه جديده حابه أشارك بوجهة نظري في الموضوع خصوصا اني ممكن أحط نفسي مكان زوجتك لأننا من نفس الجنس, شوف أخوي بما ان زوجتك بعيده عنك فالشيطان لقاله منفذ كبير يدخل فيه في علاقتكم لأن في هذا الوقت انته راح تغفل عن محاسنها وتفكر بس في سيئاتها صح ولا لا؟؟؟
وفكر شو فيها هاك اليوم سبحان الله ابن أدم يمكن تمر بما تمر عليه باقي الحريم شهريا فاستمحلها العذر وتذكر أيامكم الحلوه....
بالنسبه لعلاقتها بأهلك ليش ما فكرت بزاويه ثانيه يعني ما في ام زوج تطلب من زوجها يطلق مرته بس عشان هي ساكته وهاديه,بمعنى آخر كافيه خيرها شرها, وصدقني من وحده عارفه بمجالس الحريم الجو العام كله حش ونميمه وغيبه فيمكن علشان جذيه آثرت السكوت.
بس................................الموضوع اللي فعلا يبغيله حزم علاقتك الضعيفه فيها بمعنى فرض رجولتك وقرارتك عليها. ولحل هذا الموضوع فكر في استراتيجية للتعامل وياها بمعنى اجلس معاها واشرحلها ان تصرفاتها وأسلوبها في الطلب غلط, ناقش وياها أبعاد الموضوع السلبيه وكيف ان هذا الشي ممكن يأثر على علاقتكم على المدى البعيد (وممكن تستعمل سلاح التهديد الفعال كقرصة اذن ألا وهو الزوجه الثانيه بتشوفها بتذل عمرها عليك).
رتب أمور بيتكم واذا ما عندك خدامه حطلها وأمرها ان تجلس في بيتها ولا تسير بيت أهلها لأنك انته الريال اللي مفروض تكون له الكلمه ولو خليتها على اللي تباه بتتنمرد. وصدقني ما في وحده خوافه كثري بس التعود وسفريات الزوج الدائمه خلتني أتعود على التغلب على الخوف.
وصدقني اخوي ان الخيل من خيالها واذا انته عادي عندك دخل زوجتك المنتدى وخلها تشوف كيف الحريم يتفنون لريايلهم علشان يكسبونهم وقولها انا ابغي جذيه.
وان شاء الله مانسمع عنكم الا كل خير.
__________________
لا تحرص على إكتشاف الآخرين أكثر من اللازم ، الأفضل أن تكتفي بالخير الذي يظهرونه في وجهك دائماً ، واترك الخفايا لرب العباد .
لو اطْلَعَ الناس على مآ في قلوب البعض لمآ تصآفحوا إلا بالسيوف "
التعديل الأخير تم بواسطة دنيا الفرح ; 04-08-2005 الساعة 11:43 AM