السلام عليكم ورحمة الله وبركاته

اسمحوا لى ماعرف اعبر بالكتابه لان هاى اول مره ادش عالنت واكتب بس من الضيقة قلت ابي افضفض

انا مشكلتى له حل واحد الا وهو الطلاق

تزوجت من واحد لا يقدر الحياة الزوجية ولا يعرف شنو الزواج والمشكلة الاكبر ان يسمع كلام ربعه وهله وكانه ما تزوج كله معاهم انا ما اقعد معاااه الا بالشهر مرتين او ثلاث بتقولون اتصله اتصل حرق تلفونه ما يرد ولا بمسج اسئل هله وينه زوجى صار لى مدة ما شفته يقولون لى مشغوول ويطلع في الاخير يرفهه على نفسه مع ربعه ،حتى اهله ما ينصحونه وهو بالاصل بيبى امه امه تقوله يمين يمين ،، استحملت ثمان شهور لين ما حملت قلت يمكن الله يهديه بس مافي فاديدة الا يوم درت امه اطردتنى من البيت غير الكلام اللى سمعته من ابوه يوم طلعت من بيتهم وهو قاعد مستانس يشوف المسرحية حتى كلمه ما نطقها ،،،، انصدمت صدمه قوووووووووووويه منه دمرنى هو واهله تدمير كامل حتى كنت مابى الطفل اللى ببطن منه بس استغفرت ربي وقلت يمكن الله يهديه لين يشوف بنته ،،، ربيت وطول المدة اللى انا ببيت هلى لا سئل ولا افتكر باللى ببطنى وعقب ما ربيت ما سئل عن بنته ولا اهتم فيها حتى اسمها ما يعرفه لين ما خلااااااااااص قلت مافي فاديده لا منه ولا من هله والحين البنت عمرها سبع شهور ولا شافها...

بس

اللى حارق قلبى معاملتى له ولاهله كانى خدامه عندهم ولا عمرى قصرت بشئ معاهم وكل طلباتهم اومرا ومعاشي اصرفه عالبيت لهله وله والهدايا وهو ولاعمره عطانى حتى ورده اصطناعيه ، ولا عمره دخل الغرفة وهي وسخه وانا والحمدلله الكل يشهد بجمالى واناقتى وانى بشوشه بس الحين كل شئ تغير اول ما اشوف بنتى دمعتى على خدى من هالاب اللى ولا مفتكر فيها حتى هله

والسؤال اللى اسئله نفسي كل يوم ليش تزوجنى ؟؟؟

خاطرى الاقي اجابه بس ماعندي

وما اقول غير حسبي الله ونعم الوكيل على كل ظالم

حسبي الله عليهم رجال هالزمن طبعاً موكلهم بس الأغلبيه فيهم

للأسف قليل الرجال بهالزمن
الله يفرج همك اختي ويصبرك ويعوضك ببنتك

__________________
اللهم أحفظ لي زوجي وأولادي من كل شر

أختي الكريمة :
أحسست بمشاعرك الحارة التي تعبر عن مشاعر الحزن والقهر ..
قبل كل شيء أريدك أختي الحبيبة أن تتماسكي وتكفي عن ذرف الدموع فدموعك غالية ..وأنت إنسانه رائعة بصبرك وطيبتك ، وقوية بإيمانك وتوكلك على الله ، أنت الأم الحنون والزوجة الصابرة فهوني على نفسك حبيبتي واجلسي مع نفسك بهدوء وحاولي معرفة السبب : هل هو مريض نفسي ؟؟ هل واقع تحت تأثير تعاطي المحرمات ؟؟ أم هل هو يفعل ذلك للشعور بالنقص ؟؟ أم أنه يفعل ذلك إرضاءً لأهله السيئين ؟؟

إذا عرفت السبب فحاولي إيجاد الحل ..
وأنا أنصحك نصيحة أخت مجربة فلقد حدثت لي أمور مشابهه لما حدث لك وكنت أخفي الأمر عن أهلي خوفا على مشاعرهم ولكن لم استطع فلقد تطورت الأمور الى الأسوء ،،
لذلك عزيزتي أخبري أهلك ليساعدوك ..

وختاما ..
أوصيك ونفسي بالدعاء والاستغفار والتعلق بحبل الله المتين ..
أسأل الله الكريم باسمائه الحسنى وصفاته العلى أن يجعل لك من كل هم فرجا ومن كل ضيق مخرجا ومن كل بلاء عافية ..آآآآمين

__________________

اختى الله يعينك على اللى انتى فيه اول شى زوجك رجل لا يتحمل مسؤلية البيت ويعتمد على اهله والمشكله الاكبر انه مستهتر بيكى وانتى ياحبيبتى قلقانه وقهرا نفسك من البكاء عليه اهم حاجه لازم تبعتى له احد من اهلك وتشوفو ايه الوضع معاه ووضع بنته ولازم يصرف عليها ويشيل مسؤليت ابنته عنك واللازم تعملو جالسة بين عائلته وعائلتك وتشوفوا الحل ايه معاه وحتى لو وصل قانونى ربنا يهديه ليكى ولبنتك ويمكن لما يشوف ابنته قلبه يحن ليكم يارب امين

حسبي الله عليهم


زين ما عندج رجال بالعايله يتفاهم مع هالعايله الغريبه ويوقفهم عند حدهم


مسكينه بنتج


لا حول ولا قوة الا بالله العلي العظيم


الله يحفظج لهاااا ويصونج

وياااااااااااااااااااارب تفرج همج وهم المؤمنين والمؤمنات

__________________
لا إله إلا الله العظيم الحليم ، والحمد لله رب العالمين

الله يعينك ويصبرك اختي
وينصرك على من ظلمك انتي وبنتك الهم امين

اختي الله يعينك ...

في بعض الرجال (بدون تعميم) يا خذون بنات الناس عشان يبهدلوهم ..

والله حرام ..

زوجك ابد ما يقدر الحياه الزوجيه ..

وعلى باله ان بعده عزوبي و طايش ..ولد امه مثل ما قلتي ..

اختي انت في كذا خطأ سكتي عنه من بداية زواجك .. وكذا خطأ اخطأتيه ايضا ..

سكتي عن غياب زوجك من بداية زواجك ..

ليه ما جلستي معه و تفاهمتي على كثرة غيابه عنك ؟؟

اخطأتي اختي عندما خدمتي اهل زوجك وهم لم يقدروا هذه الخدمه ..

انا لا اقول ان الزوجه لا تخدم اهل زوجها .. لا .. تخدم بحدود وان تجد مقابل خدمتها

لهم الشكر والتقدير منهم و من زوجها

اما اذا لم تجد اي تقدير مقابل خدمتهم فتخدم زوجها فقط ..

ثانيا اكبر خطأ ان تصرف الزوجه على البيت ..

الزوج هو الملزوم بالصرف على البيت دام ان القوامه في يده ..

انت يظل راتبك لك انت ..

بعدين كيف زوجك يقبل ان اهله يطردونك وانت حامل وهو ساكت !!!

هذا والله ما ينشد فيه الظهر ..

اختي وين اهلك ؟؟

ليه ما اتصلوا عليه على الاقل يطالبونه بنفقة البنت فهو ملزوم بالنفقه على ابنته ..

لو رجع زوجك للصلح يجب ان تجلسي معه انت مع احد كبير من اهلك و تتفاهمون على كل شي ..

لا تعودي له الا وانت معك شروط .. وماخذه عليك العهود والمواثيق انه ينفذها ..

فنوعية زوجك بصراحه مو ثقه يعني يفضل ان تكون الشروط مكتوبه و هو يوقع عليها

فمن حقك اختي ان يوفر لك سكن مستقل ..

وان يصرف على اليبت و ان يعاملك معامله حسنه ..

اختي مره ثانيه لا تتنازلين كثير لانك اذا تنازلت عن حقك مره اعرفي ان راح تتبعها

منك مئات التنازلات ..

وربي يفرج همك ..

يا بنت الحلال الي صار صار وخلصنا منه ،،، طالعي الجانب الايجابي من (( هالذكر )) الي انتي تزوجتيه ،،، وهو انه ماحط في باله انه ياخذ البنت منك ويحرمك منها ، يا بنت الحلال فيه زوجات غيرك ينحرمون من عيالهم سنين ،،، وانتي كل الي عليك انك تحمدين ربك على هالغفله الي هم فيها ، عيشي حياتك بسعاده وربي بنتك وان شاء الله الله يرزقك بالزوج الطيب الحنون (( الرجل )) وتربين بنتك احسن تربيه وتزوجينها وتفرحين فيها .

وصل الله وبارك .

عزبزتي انا مقدرة معاناتك لكن انت كذا تقسين على نفسك بتفكيرك في هالموضوع
رددي دائما حسبي الله ونعم الكيل
وخذيها مني رح ترتاحين
لأن الله راح ياخذ حقك ان عاجلا او آجلا
الله يعينك

لا افهم ما الذي درت به امه فطردتكي ارجو التوضيح
حبيبتي كان الله في عونك وجعل بنتكي قرة عين لكي

__________________