مساء الخميس الونيس ^_~
بعد اسبوع مررهق مر بسلام الحمدلله ..
قبل فترة تقريبا شهرين كنت في شغلى و جانا اشراف ..
بحكم انى جديدة بهذا المكان اول زياره لهم كانت لي .
تفاجات بحضورهم صراحة و كنت تاركه شغلي ^_^ وموكله فيه وحده
الا تجينى تجرري و تقول يافليكا الاشراف دخلوا عندى و يسالون عنك
قلت دحين اناديها وانا بسررعه اروح و القى مشرفه واقفه تنتظرنى ..
واعيبااه وانا كنت اتقهوى و متكيه وانحااس جوي كله ..

ليش هالمقدمة ؟!
لان الوضع الى الان يسير طبيعي << رغم مخالفاتى
في اثناء وجودها معي و مراقبتها لعملى لاحظت انها ما تنتقد كثير كعادة البعض
و هاديه جدا بعدين طلعت هى و انا ارتحت ^_^
الا تجينى سكرتيره و تقول يا فليكا طالبينك عند المديره .!
قلت بسسس جاءت العقوبات و الكلام اللى ماله داعي و الانذارات ..
الا انزل لهم و مسويه انى واثقه ^_* من شغلي ..
و اجلس عندها " المشوفه هذى " و فاجاتنى قالت قبل اى شي
انتى فليكا بنت فلان الفلانى ؟ انا : اى نعم ..
قالت اخت فلانه : انا نعم .. تعرفينا ، قالت لا ...!
ثم واصلت ، انتى اكبر منها ،انا : لا انا اصغر .. قالت واضح
قالت : متزوجة ؟ انا هنا طاالعت فيها قلت لا .. قالت واضح ..
الى هنا قالت طيب مرحع للشغل ... وووو تجى الانتقادات ..
ثم ختمت بجمله مافهمتها او استنكرتها قالت فليكا راح احطك تحت رعايتى ..
كيف و ليش مافهمت .. لان هنا دخلت المديره وقالت الموظفات برا ينتظرون الاجتماع
بالعاده يجتمع الاشراف مع موظفات التخصص الموحد ..
هى طلبتنى بمفردى قالت ابغاها قبل الاجتماع معهم و بعدها يسالونى ايش قالت لك
و اكيد مخالفات ..
مررت هالحادثه و بعد شهرين تقريبا تكلمت احدى الموظفات و قالت فليكا
تعرفين المشرفه الفلانيه حقتكم قلت نعم قالت عارفه اخوها مين فلان الفلانى رجل وااصل
و اختها عضو هام بالدوله و لهم مركزهم .. انا هنا ما ركزت و اعتبرته كلام عادى .
مر شهر و قبل يومين جيت كالعاده متاخره ^_^
الا تستقبلنى المديره هلا فليكا و ينك تاخرتى و بسرعه ياحلوه الحقي التوقيع
انا مو مستوعبه ،، بسم الله ايش فيها هذى الكلام لى معقول ؟!!
بالعاده من ادخل لقلقلقلق على راسي و توقيعات و مخالفات ..
ابتسمت و اروح اعدل الميك و اجى لها و نفس الكلام يالله يا استاذه فليكا
وتساعدنى بنفسها .. ايش صاير بالدنيا !!
الا و المح عندها بالمكتب نفس المشرفه ...!!!!
رجعت البيت و بالليل تجينى رساله واتس مرحبا و كيفك ومعك المشرفه فلانه
نفسها طبعا ،، انا للامانه خفت ^-^ ايش تبغى هذى اكيد شغل او مشكله
الا تقول ممكن ازورك بالبيت ....
انا ... سكت قالت مو شغل ، فقط زيارة خاصه و معرفة
انحرجت و ماقدرت اعتذر مع انى مالى رغبه والله ..
قالت بزورك يوم الجمعه المساء قلت حياك الله ..

الان او من كلمتنى وانا في قلق و تفكير و افتراضات هى ليش بتزورنى
وايش تبغي ؟! كيف استقبلها و لازم عشاء كبير يليق فيها ..
اجيب معى احد او اقابلها وحدى مع انها ماقالت ابغاك لحالك ...
او اعتذر منها واجل الزياره حقتها ...؟!

كتبت كل التفاصيل اللى تدور براسي ^_^

تم تعديل العنوان ليتناسب مع المضمون

استقبليها شوفي وش عندها
ماراح يضرك شي لو احتفيتي بها

واعليه يا فليكا .. بيودونج ورا الشمس.



مثل ما قالت ريماس .. ما في مفر من استقبالها.

لا تهوجسين وإن شاء الله الأمور طيبة.

بس ما أفضل يكون معاج حد .. إلا إذا وحدة قريبة منج جداً وما تخبين عنها شي.

__________________


اللهم طِيبَ الأثر .. وحُسْنَ الرحيل.

حرام عليك يامهره ..
عاد مو مستقبلتها الا انتى معي رجلي على رجلك
ولو بتسوى لى شي بقول هذى مهره تقول لى مو انا ...^_^

استقبليها وبشكل بسيط ودون تكاليف أو مبالغة.

__________________
ياصبحِ لاتِقبل !!
عط الليل من وقتك..

صعب بشكل بسيط ..
ولهم مركزهم و اول مره يزورونى ..
و اخذت موعد مسبق منى و اكدت لى زيارتها ..

كنت سأقول استقبليها مع أحد
لكن بعدما رأيت رد مهرة تراجعت

استقبليها عادي و برأيي الموضوع الذي ستزورك لأجله ليس له علاقة بالعمل ، قد تكون في البداية زيارة تعارف وبعدها ... عموما لا أحب استباق الاحداث، خير إن شاء الله لاتتوتري و كوني طبيعية.

هاااه ! ياهملالي
تصير حماتك المشرفة
كشخي السفره وكثري محاشي هههه يقولون بيصير الأداء الوظيفي مرتبط بالعلاوة السنوية يابنت


سبحان الله دائماً الموظفة تكثر عروض الخطبة اللي تجيها من بيئة العمل
انا اول ماتعينت في قرية نائية في قلعة وادرين الله لايعيد ذيك الديار مع انهم حليلين حرام
مابقى احد عندهم ماخطبني الا حارس المدرسه شكلي ماعجبته هههه حتى شيخهم خطبني المشكله اني معرسه كنت
وللحين ماسكته على زوجي لاقال بعرس عليك اقوله بخلعك وبرجع للقريه وباخذ الشيخ واصير مرة الشيخ واقهرك



الله يسهل أمرك كوني طبيعيه وعاديه واذا بتزورك بيت اهلك احس طبيعي ان اهلك او الوالده يكونون موجودين وكذا ويمكن هي اصلاً تبي تشوفهم وتتعرف عليهم

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

^_‎^ لو تصير حماتي مابغى علاوة ....
بس خليها تصير ...
عاد الجد ان الموضوع مايطمن وخاصه مع كلام الموظفات و تلميحاتهم
وخاصه القديمات منهم و اللى تقول لى انتى ذكيه مع انك توك جديده
فهمتيها على طول واحنا نايمين سالتها كيف و ماترد ..
والثانيه تقول سويتها صحبة ...
والله انى برئية مافهمت شي ..
كلامها بعد هى نفسها طووولت معى جدا
ومو اى مشرفه لا ، لها مركز و عايله معروفه ..
و مايحتاج تتعرف على اهلى ، تعرف عنى كل شي حتى تقول يهمنى
انت و اخواتك الشقيقات مو من اب ..
وتعرف ترتيبي بالعايله واسمى ونسبي ..
واكيد خواتى بيجون عندى هم متزوجين على فكره يعنى مو عندى بالبيت ..
وانا بمدينه مو بقريه ^_^

بتصير إن شاءالله ولو صارت هم اللي لهم الشرف الله يسعدك
أنا متأكده انها خطبة ومتحمسه مع ان مالي دخل هههه
وبخصوص المعلمات بتشوفين حسسد مايخطر على قلب أحد !
يحسدونك على حتى الاشياء اللي ماتنحسد " لي فترة بكتب موضوع بهالخصوص وبعزم فيه كل معلمات المنتدى للنقاش ان شاءالله " ..


فيه تفسيرات كثيرة عندي بس مابي اكتبها عشان مانتحمس لأنناماندري وش بيصير
لكن فعلاً ماراح يسألون عنك بهالتفصيل الا انهم شارينك جدا

وافينا بالمستجدات بعد زيارتهم

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال