السلام عليكم ورحمـة الله وبركآته
صبآح / مسآء الخيرات ع الجميع 
انا مو عارفه من وين أبدآ ولا إيش بقول بس أبغى اطلع اللي بخاطري لأني تعبت
وابغى آعرف شوركم لاني متأكده ردودكم راح تكون حياديه وهذا اللي اتمنى
انا مخطوبه او بالأصح مملكه من نهاية شهر 8 اللي راح
يعني لي تقريبًا 5 شهور وشوي
عمري 22 وعمر خطيبي 32 بينا 10 سنوات وعليها كان متزوج من قبل ومنفصل ولاعنده اطفال
بالبدايه قبل الملكة شافوني امه واخواته والله من غير مبالغة طاروا فيني للدرجة اني مستغربه انا واهلي من ردة فعلهم الحمدلله انا حلوه مو ناقصني شي بس مو للدرجة اللي هم وصلوني لها وبعدها صارت النظره الشرعية وربي ياعالم انه ماامداهم يطلعون من البيت الا وامه تتصل تقول الولد موافق ومبسوط وبعدها صارت الملكه وهنا بدينا الشقىَ مايكلمني الا كل 3 او 4 ايام مره مع اني ماابغى كذا بس قلت حلوو لاافراط ولاتفريط فاتحني بموضوع الزواج من ثاني اسبوع بعد الملكة وكان مستعجل مره ويبغاه بإجازة عيد الاضحى وانا رفضت لاسباب خاصة فيني وبأهلي وحاول ورفضت وبعدها قفل الموضوع ولاعاد فتحه تخيلوا وانا رفضي يعلم الله كان لأسباب مو دلع !! زارني بعد الملكة 3 مرات وهو عمله بنفس المدينة اللي انا فيها مره بعد الملكة بكم يوم وكانوا معاه اهله ووحده بعيد الفطر وآخر مره قبل لايسافر لان كانت عنده دوره بعمله برى المدينة اللي انا فيها لاحظوا كلها لاسباب مستحيل يزورني مشتاق لي يعني تأدية واجب بس !! كلام حلو مافي قلت بخاطري عادي شوي شوي وبيتعود انا اللي لازم اعوده مكالماتنا رسميه وقليلة جدًا رسايل نادرًا مايرسل انا احاول اتقرب منه بالرسايل وكل يوم يومين ارسل ولاالقى منه رد الا نادرًا .. بعد ماسافر هنا بدت المشكله صح راح 3 ايام مرافق مع جده كان بالمستشفى انا هنا مااكذب غلطت ولادقيت عليه ولاسألت عنه هو اول ماوصل كلمني يطمني وبعد 3 ايام رجع يتصل مارديت عليه كنسلته الين دق على امي وقالتلي كلميه دقيت عليه وكان معصب مني وزعلان اول مره يكلمني بأسلوب زي كذا بعد ماقفل حسيت اني غلطانه رجعت ارسلتله رساله والله تذوب الحجر واعتذرت وجلست اسبوع ارسل وادق عليه كل يوم مره تقريبًا ولايرد !! بعدها طنشت الين رجع اتصل هو كلمني بجفآ وقالي انه يمكن بعد الدوره اللي هو فيها عنده دورة اجباري 8 شهور ويمكن يتأجل الزواج لبعد الصيف وقالي لاتستعجلين بالتجهيز واعطي اهلك خبر انا طبعًا دايركت عند أمي واعطيتها العلم جلست اتصل عليه بعدها كم يوم مارد الا بعد كذا اتصال وتناقشنا بموضوع انت متغير وانتي ماتهتمين فيني ولاتسأليني عن أي شي يخصني فتحنا موضوع الاستخاره طلع الاخ مااستخار لاقبل الخطوبه ولاالملكة انا طبعًا انصددمت قلتله كيف اهم قرار بحياتك ماتستخير رب العالمين فيه وانا مافكيت الاستخاره للحين وتناقشنا بكلام كثير قالي انتي باقي في بيت اهلك معززه مكرمه واحنا لسى ع البر << كلام يوجع بس انامتأكدة انه قاله عشان يقهرني ومع هذا مو قادره انسى كيف يطاوعه قلبه على كلام زي كذا !! بعد المكالمة هذي كان عيد الاضحى دق ثاني يوم آخر الليل يعايدني 10 دقايق وقفلنا ولاكأنه صار شي ولا كأننا اتفقنا على شي وبعدها وربي شهر كامل لااتصال ولارسالة دق بعد هالشهر مره ولارديت وخلى امه تكلمني وتطمن علي طبعًا مافتحت لي طاري شي ابدًا امي ماتحملت بعدها بكم يوم دقت على امه وكلمتها فالموضوع واذا ولدكم مايبغى من الحين احسن وقامت امـه تعيد نفس كلامه هي ماتهتم ماتتصل وحياويه مره << بالله الحيآ صار عيب ؟؟!!!!!!!!!! واتفقت هي وامي خلي ولدكم يستخير ويفكر وبنتنا نفس الشي وعليها الحين تقريبا شهر من كلمتها امي لاعاد اتصلت لا الأم ولا هو كلمني ولاارسل ولاحس ولاخبر وكان جايب لي رقم قبل لايسافر ويسدده للحين كل شهر ولااكلمه ولايكلمني يعني مآدري ليه !! دقت أمه قبل اسبوع تقريبًا على خالتي تطمن علينا من بعيد وتسأل عني وعن امي >> وين أذنك ياجحا !! وبنفس اليوم جاني اتصال من رقم غريب ع الرقم اللي جايب لي اياه وانا متأكده انه هو لانه مااحد يعرف الرقم غيره بالله ليه يسوي كذا طيب دامه يبغى يطمن علي ليه مايكلمني او يرسلي على طول من غير لف ودوران !!
وانا للحين استخير وماادري اطلب الطلاق واحس انه ماصار شي يستاهل ولا اكلمه بس وش اقول اكثر من اللي انقال تعبت والله اني كل يوم ابكي احس دمعتي صارت على خدي واهملت نفسي ولاعاد اهتميت بشي واحيان ادعي عليه واتحسب واحيان اشتاق ومحتاره لدرجه مايعلمها الا الله انا اكمل ولاخلاص وكيف بتكون حياتي بعدين معاه وهو من الحين كذا احيان احس اني ندمت لما وافقت واستغفر ربي لاني ماخليت الاستخاره ابدًا والله حتى ف الحرم قبل لايشوفوني اهله استخرت ربي وللمعلوميه الكـل لامني اني وافقت عليه وهو مطلق وكبير ومستغربين كيف وافقت حتى اخواني والحين لما افكر احس انه كان زي الغشآوه على قلبي وعقلي وقت الخطوبه وكنت متعلقه فيه مره وفرحانه وماكان عندي استعداد للرفض ابدًا .. مع انه والله بنفس الفتره كانوا متقدمين لي ناس غيره بس ماكنت ابغى الا هو ليه وش السبب مآدري اللي اعرفه اني كنت مره مبسوطه ولافكرت بشي ثاني والحين احس كل شي قلب فجأة وتعبانه شايله هم وتفكيري متشتت .. شوروا علي الله يخليلكم من تحبون ويحقق لكم امانيكم ولادعوه بظهر الغيب تكفيني الله يفرج همي وهم كل قلب مضيوم يارب ..

__________________

(اللهم يآرحمن يآرحيم يآواسع الغفرآن إرحم والدي واغفر له وعآفه وأعفُ عنه ووسع مدخله اللهم أنزله منزلاً مباركًا وأنت خير المنزلين اللهم أنزله منازل الشهداء والصالحين وحسن أولئك رفيقا )

دعوه لك بظهر الغيب

نعسانه فقلت ادعو كل قبل النوم

__________________
http://live.gph.gov.sa/
اللهم اني استودعك اولادي

وين ولي امرك من الرجال ؟!!

هو اللي خليه يتصرف معه ،،
يكلمه ويحسم الامر اما زواج او تسريح بإحسان ..

__________________

اغلب المملكيين يصير لهم نفس مشكلتك
اشوف إن وضعك طبيعي وسببها كلها سوء تفآهم
حبيبتي مو كأنك حساسة شوي ؟ (=
إذا أنتي متأكده من أخلآقه زيين ومن صلآحه تمــآم
إذآ كلمتيه تفاهمو على اساس تتصــآلحوا وترجعوا احسن من قبل
ولو تلاحظين إن اساس المشكلة شيء بسيط واللي هي ندرة اتصالاته
بإمكانك حلها بسسسهوله
شكل الشيطــآن لآعب لعبتو صح حبيبتي لآتخلينه يخرب بينكم

لا نستطيع الحكم هكذا لأن اتصالاته قليلة ونادرة
هل سألتم عنه ؟؟
هل مدح لكم بصلاح دينه وأخلاقه؟؟
كم دام زواجه السابق؟؟
وماهي أسباب الطلاق؟

ومبدئياً أقول لك أن الرجل حساس هو الآخر من رفضك لسرعة إقامة حفل الزفاف
فأخذ انطباع قد يكون أن ليس لك رغبة قوية فيه.. وأخذ يسحب نفسه شيئاً فشيئاً وقوبلت منك بحياء الفتيات المعهود
فزاد الطين بلة والله وحده أعلم..

مع رأي أختي الفاضله .. العقد الفريـد ..
وأضيــف خفـفي حساسيتـك ..
والحيــا موعيـب ياقلبـي ..
بس حاولي تكونين شووي سلسـه بالأخذ والعطاء

..وتطمني الرجال شــاريــك لاتوسوسيـن ..
بس خليـك قريبـه من ربك أكثــر وأكثـر
ويهــون كل شـي بأذن الله ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

السلام عليكم ورحمة الله وبركاته...

حبيبتي من دون زعل لديك عادة مزعجةوجداً وهي عندما تتجاهلين إتصاله فيضطر لمكالمة أمك حتى تتحني وتردي عليه.
بصراحة هذه عادة تفقع المرارة مهما كانت أسبابك بإمكانك الرد وإنهاء المكالمة بهدوء تحت أي حجة.

لا أستطيع الحكم على مكالمات زوجك من خلال موضوعك.

بالتوفيق ان شاء الله....

:*

نصيحتي تريثي في هذا الزواج
تصرفاته لاتطمئن ويبدو أنه شخصية متهورة
تحل مشكلاتها بالتهرب
ففي أدنى موقف هاهو يلوح لكِ بالطلاق
والإنفصال وكأن الحديث عن هذا الأمر شيء بسيط
وهين

سؤال هام:
هل عرفتم سبب طلاقه السابق..؟!!
هل سألتم جيداً عنه وعن سلوكياته..؟!

:*

__________________

لا تتصلي عليه ابدا و جمدي قلبك و خليك على الاستخارة
ستبدي لك الايام ما انت جاهله و ياتيك النبأ
نسأل الله ان يختار لك ما هو خير الدين و المعاش و عاقبة الامور
لكن اصبري و كوني قوية و صاحبة موقف مع نفسك قبل غيرك

عزيزتي دائما طبيعة المرأه تختلف عن الرجل يعني اذا انتي ما سالتي ما يسال يمكن يكون مشتاق حده بس ما يتصل وفارق السنس بينكم مو كبير ابدا عادي جدا بالعكس افضل برايي بس الكلام يلين الحجر دايما ابعثيله كلام غزل وحب حتى لو ما رد حيكون جدا مبسوط بداخله ومو اي شي تعملي منه مشكله باين انك انتي جافه معه شوي لو يلاقي منك كلام حلو رح يتصل كل شوي وحسسيه انك بتحبيه وحابه تزوجي باسرع وقت

__________________
لو اطلعتم على مافي الغيب لاخترتم الواقع