السلام عليكم..

أعاني من كم يوم من ضيقة صدر غير طبيعية .. نفسيتي متعبة للغاية..

البارح أفصحت لزوجي حتى يعذرني ويقف بجانبي .. اخرجني بالسيارة واخذنا كم لفة .. بعدها سألني باقي نفسيتك متعبة .. قلت ايه .. قال ليش باقي .. سكت ماعندي اجابة..

المهم رجعنا البيت دخلت غرفة النوم وشغلت الرقية .. ناداني على العشاء قلت ماابي .. تركني وخرج .. وقت النوم قلت له نام بغرفة النوم انا بنام بالصالة والغرض عشان ماازعجه .. نام .. وانا ظليت متعبة لوقت متأخر .. ارسلت له اني ماراح اداوم .. جاء سألني ليش .. علمته .. المهم راح دوامه .. ولان ماعندي امكانية اغيب الا بدون عذر .. ضغطت على نفسي وطلبت من زوجي يرسل السواق بداوم .. وصلت الدوام ونسيت اقول لزوجي اني وصلت .. اتصل بعدها بساعة يعاتبني ليش ماقلت له .. ارسلت له اني فرحت باتصاله لاني ظنيت انه اتصل يطمني علي .. رد اذا صرت زوج شريك لك ذيك الساعة اعاملك كزوجة قالبة وجهك لك كم يوم وانا ساكت لاني لو اتناقش معك بتوصل لشيء كبير .. قلت له جزاك الله خير ..

هذا وانا قلت له ان نفسيتي تعبانة

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ماني عارفة كيف اتصرف احس ان صار بيننا فجوة كبيرررة .. تغير زوجي .. ماعاد ذاك الزوج الطيب الحنوووون .. اقول لنفسي ماعلي بعيش لنفسي بس ارجع اتضايق ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طيب هو ليش تغير من وجهة نظرك كذا فجئة يعني بدون اسباب ؟

__________________
سبحان الله وبحمده سبحان الله العظيم

يقول تعبت منك .. طيب انا انسانة اتعب اتضايق .. مو معقول اظل دايم مرتاحة ومبسوطة .. وقلت له اللي احس فيه عشان يراعي وضعي وماياخذ بخاطره علي حتى لو ماوقف بجنبي بس يعرف اللي فيني عشان يتفهم .. بس للاسف ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كلنا بشر نتعب ونتضايق
بس عمرنا مابينا ضيقتنا
خاصة لمن حب
وياكره الرجل بالذات للحرمة الي بس تتشكى

__________________
الحمد لله الذي اذهب عنا الحزن

أنا تقريباً مريت بنفسك وضع زوجك، زوجتي كانت تعحبني وتريحني وتهتم فيني ولكن بعد زواجنا بسنة أو سنتين تقريباً تغير علي حالها ﻷنها كانت تحس بآلام طوال الشهر تقريبا وتقول غرفة النوم من ادخلها أحس بضيق وصداع وآلام في جسمها، ولكن الأيام اللي تتحسن فيها تقول وديني عند أهلي!!! أنا في نفسي انتظر منها تعوضني عن الأيام اللي كانت تعباته فيها -ﻷني إذا شفتها تعبانه- ما اطلب منها شئ واسألها عن صحتها، ومرت الأيام والأشهر وما شئ تغيير بعد فترة لمحت لها أني أكون محتاج لها بس اعذرها لتعبها وأنها إذا تعافت ما تفكر تعوضني ولا تعتذر أو تطيب خاطري على الأقل ﻷني صابر عنها طول الشهر.
فصار عمدي تراكمات في نفسي عليها وصرت عصبي وما أتحملها من أول، ثم بعد تغييري عليها عاشت ما عشته معها بدت ترى عصبيتي ونرفزتي منها فصارت تجمع في نفسها ، وثم قالت بعد فترة انته ما تحبني لأنك كذا وكذ!! قلت لها إني طيب معاك واتحمل واصبر عن ما يشتهيه الرجل بالأسابيع عشانك، وبعدين لما تغييرت بسبب ذلك وما راعيتيني تقولي قلبت عليك؟!! وهكذا فهي صحيح أنها تتعب وبنفس الوقت تحبني لكن كتمانها لمشاعرها تجاهي وعدم تطييب خاطري الملتهب ولا بكلمة شكراً على صبرك على شهوتك وتحملك لتعبي ....إلى آخره من الكلام الذي على الأقل يطفي لهيب المشاعر المتأججة في القلب!!! صحيح أنا ما انتظر منها مدح لكن تحسسني أنها حاسة بي ومتفهمة شعوري وحرقتي....

الشاهد إذا كان وضعكم كذا فتاكدي اي شرارة تطير معها النار والعصبية...ولا يغرك سكوته تراه في داخله بركان وهو الذي يثور عند نقطة معينة أو موضوع..

اتمنى أني افدتك.

والله يسعدكم ويوفقكم.

إنتي من ايش تعبانة ومتضايقة وتسوء نفسيتك في بعض الأيام ؟؟

ماأعرف والله .. يقولي والله انتي مو بس تعبتيني الا تعبتي نفسك بافكارك هذي الي حتى الطفل كبير عليها .. الحمدلله ولاحول ولاقوة الا بالله ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بعض الحريم تبي الرجال بس مقابلها 24 ساعه
وان غاب ما يوقف جوالها من اتصالاته
وانتي من ذولا الحريم وهذي مشكلتك

يختي كل مواضيعك انا تعبانه انا نفسيتي انا مكتءبه يحق لزوجك يمل ويقول قالبه وجهك كيف بيجيه نفس يتعامل معك طبيعي!!

ما اتشمت ولا لي مصلحه اتشمت لكن فعلا كل مواضيعك مليانه طاقه سلبيه
انا احس فيها بمجرد اشوف اسمك تصدقين ولا لا ؟؟
فما بالك بزوجك اللي مقابلك 24 ساعه؟

اصحي لنفسك واتركي الكابه والنكد بس لان زوجك مش مرابط عندك ليل ونهار!
تغيري ورح يتغير هو ايضا

انا ماابغاه يقابلني ولا يسأل عني .. انا ابيه يخف علي من هالكلام الجارح اللي يطلقه كل شوي ..

والله العظيم اني صرت انبسط وارتاح اذا غاب برا البيت .. او دخل ينام وتاركني .. والله اخذ راحتي وقتها واستانس .. ترى بتعامله معي غير كل شيء حلو فيني تجاهه ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..