بالبداية اعرفكم بنفسي نوارة اللي بتضرب فيوزاتها عما قريب

من حبيب القلب اللي هو خطيبي زوجي مملكين من زمن جدي اختصارا للاستفسارات


المهم قصتي ان زوجي حاط كلمة سر على كمبيوتره وايميله وموب راضي يعلمني اياها

وانا بموت قهر منه

اليوم قامت حرب داحس والغبراء بيني وبينه الا يعلمني الكلمة قام يقول هذي خصوصية ومستحيل اعطيها اي احد

قلتله يعني انا اي احد

قالي لا بس مااقدر

قلتله اكيد تخبي شي طبعا انا واثقة فيه مليوووووووووووووووون بس ابي اخليه يقولها

قالي انتي تعرفي الماسنجر ما اجلس عليه قلتله عارفه

قالي والايميل افتحته وانتي معاي ما اخبي عليك قلتله هم عارفه

بس ابي اعرف الباسوورد

وزعلت وقلت له فلان وفلان اعرفهم زوجاتهم يعرفو كلمات السر لايميلاتهم

قالي منهم وعددت له كم واحد

قالي بس هذيلا مو من زمان عندهم ايميلات

وانا من زمان من سنين ايميلي وقهرني زيادة يوم قال لو اسوي لي ايميل الحين ماباقول كلمة السر لاحد

المهم قلتله اوكي اذا كذا بتحط حواجز بينا انا هم بحط حواجز

ولا بتعرف شي عني كلمت من تعرفت على من

قالي وانا ما بسألك

قلتله لو من اول ماخطبتني وعرفت اني على كمبيوتري باسورد وايميلي ولا علمتك شي عنهم

مابتشك قالي لا

بيجنني ذا الرجال

المهم بالاخير ماتنازل وقالها بس علمني تبع الكمبيوتر والايميل لو دواي على الكلمة ماقالها

وتصافينا عشان بيروح الرياض بس قلتله انا باحط الموضوع

وبنشوف راي الاعضاء

يالله ياحلوين كل واحد يدخل يقول رايه بالخصوصية بين الزوج وزوجته

تأيدها ولا لا

كلكم قولوا لا عشان خاطري

اختي انا مع ان لا بد تكون هناك مساحة للخصوصية

لكل زوج وزوجه

يعني اذا ما حط باس ورد على كمبوتره او بريده

يعني وين تبغينه يحط ؟؟

لا تكبري الموضوع

المفروض هو ما يزعل اذا حطيتي باس ورد على جهازك

وانت لا تزعلي اذا هو حط باس ورد على جهازة

والله يسعدكم

هلا فافي

الله يغربل بليسك هذي وانتي اول وحدة ترد وقفتي ضدي

انا مابي استخدمها بس فضول ابي اعرفها

ابي احس انه مايخبي عني شي

هذا انا ما اخبي عنه مايصير مابي مابي

من حقه يكون له خصوصيته..

مرحبااااااااااااااااااااااااا
بصراحه تحمست معك
انا ضــــــــــــــــــــــــــــــد الخصوصيه
اللي مالها داعي بين الزوج وزوجته
وخاصه في مثل هالامووووور

لا تكوني حساسه حبيبتي كتير

انا زوجي مرة واحدة طلبت منه اعرفها وقال لا وما زعلت ولا عدت سألته

من حقه يكون عنده خصوصية دام اني واثقه فيه لابعد الحدود

وانا بقعد معه على النت اغلب الاحيان

بس مو مهم اعرف الباسوورد

هاد رايي ومن تجربه

لا تعطين الموضوع أكبر من حجمة
وش راح يكون في البريد
اهتمي في بيتك وزوجك
تري السيول الجارفة اللي تدمر بلد من قطرة مطر زغيرة

__________________

ادعوا الله أن يحفظ لي إبني
ويمنح والدي الصحة والعافية

سؤاااااااااااااال وش هو الباسورد؟؟؟
اللي معلقين عليه علمون أبي أتثقف ..

كل الغلا شكرا على تشريفك موضوعي وردك

ملكة الاحساس ياقلبي والله اول وحدة بصفي انا بعد ما احب هالخصوصية تنرفزني

كردية انا لما قلتله من زمان وقالي لا ماسالته مرة ثانية

بس مدري وش اللي طرى الموضوع على بالي وسيرة وانفتحت

هو مو هامني كثير بس فضول بس صدقيني لو اعطاني الباس وورد ماراح افتحه لاني ما احب افتح شي صاحبه مو موافق او بدون استأذان
ومشكورة على المرور


هلا اخوي علي ما اتوقع باكبر الموضوع بس وش بيضره لو ريحني وقالها ياشين هالحركات ما احبها

عناد والله هالحركان احيانا اسويها حتى أرفع ضغط زوجتي خصوصاً إذا شفتها ملزمة أصريت أكثر ولوهي خذت الموضوع ببساطة عطيتها اللي تبي

بالعربي ( ( لعانة ) )

عالعموم الله يسعدكم

__________________

ادعوا الله أن يحفظ لي إبني
ويمنح والدي الصحة والعافية