ادري غثيتكم بمشاكلي
كل يوم والثاني طالعه لكم بمشكله ....
لكن مافي بعد ربي الا انتو ابوح بمشاكلي لكم لاني ماأحب اطلعها لاحد

بس هالمره ارجوكم لاتصيرو معي ولا ضدي
خلكم مع الحق ....

بعد المشاكل الي صارت من قبل صرت دايما احاول اقصر الشر
جاء مبكر جاء متأخر مومهم طالع والا سوى .... برضو مو مهم

يعني يشهد الله علي احاول بقدر المستطاع حتى وان كنت لست المخطأ
اراجع حساباتي وفي الاخر اطلع نفسي مخطأ واقول يالله عدي ...

زوجي وللاسف اصبح لا يحب سير الحياة بهدوء الا ويظهر فيها زعل
ومشكله فعلا صار يعشق المشاكل


بذكر موقفين لكن وانتو احكمو ...
في مره من المرات وحنا في السرير قلت : ليه ما كل واحد منا قبل ماينام يصلي
ركعتين نطلب فيها ربي يرزقنا الذريه الصالحه وبعد تطلب ربي يهديني ويهديك ...
طلعت كأني يوم قلت كذا مرتكبه جرم وحسيت اني طابه في نار مو قادره اطلع منها ..
قال ليه شايفه مصايب الدنيا كلها مسويها وعيوب الدنيا كلها فيني
قلت : لا بس بعد قلتلك تدعيلي حتى انا ابغى الهدايه والدعاء
قال : ليه شيفتني السديس ولا الشريم ... .....
وصرت ماني عارف اطلع من هالورطه الكلام يجر كلام

يعني ابدا مايتحمل مني كلام ومو بس كذا صار دائما يفسر الامور على الا يبغاه هو
صار يذكرني بذاك اليوم الي حطيت وسادات محله ..
وقال تساوي قدري بوسادات
قلت : المفروض تفرح وتقول هذا من الحب اني مااقدر انام الا وانت جنبي
قال المفروض كنتي تنتظريني هذا ان كنتي تحبيني ..


الموقف الثاني حصل الليله كنت ناويه اطلع لكن حصل ظرف وما طلعت
عموما جلست وقلت بسوي عشاء وصرت معتنيا في هالعشاء الى ان جاء
وتعشينا وكان يطالع التلفزيون صرت اسئله مايرد علي
قلت (ترى لاعت جبدي ) عذرا للمصطلحات الي عاميه زياده عن اللزوم
قام وغسل ودخل نام ...
قلت زعلت ما رد
قلت له خلاص انا تعبت كنت امزح معك ما اجرمت علشان تزعل
يعني هالحين لازم احاسب نفسي الف مره قبل ماانطق اي كلمه
والله كأني عايشه مع واحد غريب ..

ابدا مايتحمل مني اي كلمه
يعني اضراب عن اظهار مشاعر الغضب واضراب حتى عن الكلام
شيئ لا يحتمل ...

عذرا للازعاج .... اختكم في الله هند ..
ارائكم ودعوتكم والله يجزاكم جنات النعيم ...

المشاركة الأصلية كتبت بواسطة هانديا معليش حبيبتي أعذرني على هالمصطلح لكن أحس أنك قاطه نفسك عليه .. حبيبتي لاتتكدرين عشانه أكل.. شرب ..نام .. متضايق.. مبسوط .. اذا كنتي قايمه بكل واجباتك وأكثر خلاص خلي على راحته وهو قام يتدلع عليك لأنه شايف غلاه عندك .. لأنه دائما يخليك بروحك وبسب وقت الفراغ اللي تعيشينه وقت مايطلع بره البيت .. كل هذا خلاك تركزين تفكبرك عليه .. أنا من رأيي أنك تشوفين لك شغله تلهين نفسك فيها ... دراسه تحفيظ قرأن .. أومعهد كمبيوتر .. أو أي شي يشغل وقت فراغك بالفايده .. وبالنسبه لزوجك غبري طريقتك من البساطه والتلقائيه للغموض وصدقيني نمط زوجك يعشق المرأءه الغامضه .. أهم شي متقصرين في شيء من واجباتك وبنفس الوقت تحاولين تتمين ساكته طول الوقت ومتحاكينه الا بقدر أجابه عن سؤال أو حاجه تبين تطلبينها .. ساعتها بيفكربنفسه وأن طريقتك الأولى هي الأحلى وبيبدى يحن لها كذا تكوني نجحت في لفت أتتباه لك . وأن شاء الله تمشي معك وبلغيني في النتايج ..

شكرا لك على المداخله
رغم كلماتك اقول ليتني مثل ماقلتي
ومتمنيه اكون قاطه نفسي عليه
بس بالعكس انا اذا زعلت مااعرفه
واحيانا انا في جهه وهو في جهه

لكن ابغى اذكر الاستفاده الي استفدتها من المنتدى فعلا
ماعرفت قيمتها الا يوم جربتها
انا لما ازعل مستحيل ....... مستحيل اجى انا اعتذر
وانتظره يجيني ويعتذر لو نظل اسبوع
بس اخر مره كانت مشادات في الكلام بيننا
لدرجه اني لما وداني الشقه مانزل من السياره وظل فيها فتره كأن
ماوده ينزل ولما دخل بينام ضميته على الرغم هو الغلطان
وصار كأن مو مصدق تصرفي هذا وصار يحس اني نعمه ربي رزقها له
وعاملني معامله احسن مايكون ولله الحمد
على الرغم من عتابي له بس صار يفهمني ويتقرب مني اكثر من قبل
هذا ويرجع الفضل لله ثم للاخوات الله يجزاهم الف خير في المنتدى
فتحمل المراه وتنازل لابد ان يكون كي تستمر الحياة ...

من كتاباتي المتواضعه