شوفي انا اشوف ان كلام زوجك منطقي اكثر
اشوف انه افضل لك تبيعينه وتحطينه بصندوق استثماري بحيث انه ماتقدرين تسحبين منه
وتخلينه هالخمس سنين لانه فعلا موضة الذهب تتغير وكل ما تاخر الوقت نزل سعر الذهب
ياختي الفلوس اضمن لك من الذهب لان الذهب مع مرور السنين ينزل سعره ويصير ما يسوا شي لكن الفلوس تزداد وتزدهر مع الاستثمار حتى لو رجعتي من سفرتك باذن الله بعد خمس سنين ليش ترجعين تشترين ذهب يا اختي؟
الاستثمار اضمن الا لو احتجتي شوية ذهب تلبسينه اشتري لكن خلي الباقي في الحساب الاستثماري بحيث انك ماتقدرين تسحبين منه وبالعكس لو قدرتي توفرين من مصروفك او راتبك بعد كذا ضيفيه على حسابك الاستثماري
ياختي الفلوس اذا اقتصدتي فيها وجمعتيها واستثمرتيها تكثر بسرعه ما تتخيلينها لكن الذهب زي ماهو انا شخصيا بعت شي مهم عندي وحطيت فلوسه بحساب استثماري ماقدر اسحب منه
وكل ماقدرت اوفر مبلغ رحت للبنك ودخلتها في الحساب الاستثماري
بكرا يجيك عيال ويكبرون وبتحتاجين فلوس
يعني بيكون عندك مبالغ ويمكن تسوين مشروع بعد سنين طويله ان شاء الله وتقدرين تضمنين مستقبل عيالك باذن الله..

أخـــتي الفاضلة

رأيي من رأي زوجك

__________________
(( ربي أشرح لي صدري ويسر لي أمري ))

أختي البحلة بالنفس مشكووووووورة اختي على ردك والله كلامك جداً منطقي
يعني اذا حطيت الفلوس في الصندوق الإستثماري ما اقدر اسحب منه ابداً ..؟؟
(اعذروني غشيمه بهالشغلات من قلب )
اخي الغيور تُشكر اخي لمرورك

مرحبا أختي ....
أنا رأيي من رأي زوجك بيعي الذهب وحطي فلوسهم في الأسهم ، بس اتكون شركة مضمونة أما أنج تستثمرينهم في البنك أبدا ما أنصحج وهذا عن تجربة لأن البنك ما يفكر الا في مصلحته وربحه هو فقط ومو مهم عنده انج تخسرين....
ولك خالص تحياتي

عفوا يا اختي مهره اصلح معلومتك
لما تحطين فلوسك بصندوق اسثماري بالبنك فهو اكيد رح يحرص على ربحك لا ن هو له نسبة فكيف مايهتم بخسارتك؟
اذا خسرتي انتي خسر هو ولا ليش تتوقعين انهم يساهمون بفلوس الناس؟
عشان سواد عيونهم؟ لا وانما لهم نسبه بسيطه وهذي الصناديق مضمونة لانه العاملين عليها خبرااااء في الاسهم لكن لو بغيتي تشترين اسهم في شركة مضمونه وش المانع؟
عموما انتي اذا حطيتي فلوسك بصندوق استثماري ماتقدرين تسحبين منه على كيفك لازم تروحين للبنك بنفسك ومعك اوراقك الثبوتية وتسوين اجرائات طويله عشان يطلعون منها شي لك
وفيه نوع استثمار اخر ماتقدرين تسحبين فلوسك الا اذا بلغتيهم قبلها بشهر
انصحك تروحين للبنك وتستفسرين بنفسك وهم رح يقدمون لك النصيحه المناسبه لك

قولي لزوجك سمعا وطاعة وتستطيعين ان تفعلي ذلك بنفسك من خلال فروع النساء في البنوك
واوصيك بشراء الاسهم في الشركات النقية .............الله يبارك لك في زوجك ومالك

اختي مهرة
AIM
تسلمووون لمشاركتكم
يعني الحين كلكم متفقين على راي واحد اللي هو راي زوجي
بس انا للحين مترددة ما ادري ليش
بصراااااحه ( خايفه وش تكون ردة فعل اهلي )
واستحي اقول لهم مالكم دخل

أختي البحلة بالنفس .. أسعد الله مساءك بكل خير .. أنا أولا لما اتكلمت عن الاستثمار في البنك فأنا اتكلمت لأنه لي تجربة مع البنك والأستثمار أنواع مثل ما قلتي منه ما يمتد الى خمس سنوات ومنه ما يمتد الى ثلاث سنوات وطبعا طول مدة الأستثمار ما تقدرين اتطلعين من فلوسج شي إلا وعليه charges يعني يخصمون من فلوسج لأنج خالفتي الشرط ولنفرض سحبتي فلوسج في نفس المدة المحددة اللي تنتهي فيها المدة المشروطة كم يعني ربحج بكون لو قستيها وهم يشغلون افلوسج 5سنوات فبتكون ولا شي وترى اتكون بنسبة محددة يحددها نوع الاستثمار ..على العكس لو حطيتي فلوسج في الأسهم وعلى كيفج اتحركينهم ولا اتخلينهم الربح يكون أسرع وأكثر والخسارة اتكون ممكنة بس في مجال اتعوضينها وهذا كلام عن خبرة لأني اتعامل مع الأسهم .. ولك خالص تحياتي

أخـــتي الفاضلة

رأيي من رأي زوجك