السلام عليكم ورحمة الله وبركاته

حبيت استشيركيم في موضوع قاهرني ومسيطر على تفكيري ها اليومين ومنصدمه صدمة عمري

الموضوع بخصوص زوجي


وااااااااه بس

مدري من وين ابدا احس ان سالفتي غريبه

السالفه وما فيها اني الفتره الي فاتت كنت في الاربعين طبعا في اخر الاربعين زوجي كان مشتاق لي جبت طاري السفر قال انا كنت ابيها مفاجئه لك بعد العيد انسافر بس اذا انتي على قولتك الحين طفشانه اول ماتطلعين انسافر قلت طيب

طلعت من الاربعين وانا ما طهرت لان اخت النفاس جتني في ها اليوم انا كنت مستعده لان زوجي بيوصل اليوم الا والاخت شرفت يوم وصل وعرف يقول جاني احباط كنت متحمس

الزبده انا ماقلت ها المقدمه علشان ادور له عذر على الي سواه لا والله بس قلت بحطكم با الصوره


طبعا من بكرا سافرنا وهو كل يوم ما خلصتي ما طهرتي وانا اقول له لا

المهم يا طويلين العمر نجي للموقف الي صار زوجي

كنت انا وزوجي في المول دخلنا محل وهو كان يدف العربيه انا رحت للقسم النسائي من زود غبائي وهو كان عند القسم الرجالي ويدف العربيه لاني نزلت تحت في القسم النسائي اخذت لفه وما عجبني شي قمت طلعت مع البوابه الثانيه على اساس اشوف وين زوجي وااااااااااه من الي شفته

طبعا انا طلعت من البوابه الثانيه ورجعت للمدخل الرئيسي لان زوجي اكيد بيكون يا عند القسم الرجالي او عند الدخل لمحت زوجي كنت ابي اناديه اقول تعال بس من هول الصدمه سكت وما نطقت ابكلمه

شفت زوجي العزيز اعيونه طايره على .......... وحده كانت امدنقه اتعدل عربية ولدها ونص ....... طالع انا كنت موجوده من بداية الموقف

كان زوجي بيرجع في العربيه وهي كانت امدنقه قام وحلق قيها بعدين عدل راسه لان خاف انهم ينبهون له قامت اتعدل في ها العربيه ورجع يناظرها بس ماكنت نظره عاديه حسيته يطالع بشهوه مع انها اقل من عاديه يعني حتى ما اقارن نفسي فيها مو غرور بس اذا الزين عندك وتناظر هذي انا تنحت هو رفع راسه والتفت لقاني اطالعه حسيت انه انصدم وتفشل انا طلعت ولا كلمته قمت ادخل في ها المحلات وهو وراي بس برا يعني ماله وجه حتى يمشي ابجنبي طبعا كل هذا وانا ماتكلمت ولا كلمه من هول الي شفت رجعنل للفندق وانا ساكته بس اغلي ودي انفجر بس واضح اني امعصبه وهو ساكت رجعنا الفندق وانا ما اكلمه وهو ما فكر يتكلم

حقرته ونمنا يوم صحينا وانا ما ودي اشوفه يوم صار الظهر جا ودخل الغرفه قال يالله جهزي الشنط نبي نرجع من زود الوقاحه بدال ما يقول اعتذر

الي قاهرني اكثر انه امسوي نفسه يخاف الله يعني ينقهر اذا شاف واحد يطالع في وحده حتى احيانا ينبهم وراعي صلاة وهذا يطلع منك اجل لو كان داشر وش سوا بعد

رجعنا وان ساكته او من هول الصدمه ماني قادره اتكلم الموقف يتكرر كل دقيقه لا كل ثانيه كلمتني اختي وقلت لها راجعين قالت وش عندكم توكم رايحين رديت عليها وهو يسمع قالت مالت على ها الروحه لو اني عارفه انها كذا كان ما رحت قالت خير وش فيه قلت اذا جيت طبعااااااا ما اروح اقول ها الموقف لها بس بقول بنتي ازعجتنا وما انبسطنا فقلنا نرجع لانها نكدت علينا قالت بترحين بيتك قلت انا لا بجي لبيت ابوي وهذا انا عند اهلي حطني وراح

يعني مشتاق لي وتتمنى نكون مع بعض اليوم قبل بكرا ويوم غفلت عنك لحظه هذي سواتك وانا الي كنت اثق فيه
بعد ها الموقف هو خسر ثقتي واحترامي وحبي

بعد ما رجعنا هنا بنفس اليوم ارسلت له رساله وقلت له اذا كان فيه شي في حياتي انا متندمه عليه فهو زواجي منه ومن ها الكلام

بعدها بفتره ارسلت رساله عن النظر للمحرمات وغض البصر بس ماااااااش الى الان الموقف يتكرر قدامي عجزت انسى والي قاهرني اني من زود غبائي رايحه اشتري له هديه بهذيك القيمه وانا يهديني ها الهديه حسبي الله عليه بس


تم تعديل العنوان ليكون بالفصحى ..

أختي يمر الإنسان بلحظات ضعف أحيانا
ضعف ايمان و ضعف أمام النفس
لا يعني هذا أنه أصبح سيئا أو لم يعد أهل للثقة
استغفري الله و لا تتحدثي عن زوجك بهذه الكلمات
و أسألي الله أن تكون أول و آخر الغلطات
زوجك كما ذكرتِ ممتنع عنكِ بسبب النفاس و ما بعده
أي قرابة الشهرين
والرجل ليس كالمرأة في هذه النواحي فهم لا يصبرون
وتذكري أنه هيأ نفسه لكِ و حصل ما يمنعه عنكِ فكبت ذلك
ربما ما حصل هي ردة فعل للموقف

لا أقول أنه على صواب و لا أبرر له
ولكن بالتأكيد غلطة لن تتكرر بإذن الله حسبما وصفتي أخلاقه و الله أعلم
ثم بوقوفكِ بجانبه و دعاؤكِ له
واشباعه بالحلال
تدللي عليه و قولي لا أرضى أن تنظر إلى غيري و عاهدني ألا تعيدها
و تلك الكلمات السحرية التي تسيطر بها النساء على قلوب الرجال


واعلمي أنه بالتأكيد لن يعتذر فهو لا يريد أن يصدق أنكِ رأيتِ ما رأيتِ
و آخر شيء يتمناه هو الكلام في هذا الأمر

لذا ( عدّيها )هذي المرة و حاولي اصلاح ما فسد بينكما و لا تتركيه بزعلك و بعدك عرضه لتكرار الخطأ و ربما أخطء أكبر
الأمر يحتاج للتفكير بعقل لا بالمشاعر


أصلح الله حالكما و كفاكما شر الشيطان و كيده

لمشكله اني كرهت ها الشي معه معاد اتقبله جسديا لاني من النوع الي ما ينسى وصرته بهذاك الموقف ما تفارقني بعدين وين راح الكلام الحلو الي كان يقوله لي يعني بلحظة ضعف يروح كل شي لو انه ما رجع وطالعلها كان هانت قلت نظره اولى بس طلع ضعيف وما قدر يمسك نفسه وبعد يكابر

يا أختي هذا حال رجال كثر
يضعفون أما رغباتهم أحيانا
ليس لأنهم سيئيين لكن كما ذكرت مسبقا فحالة البعد بينكما لها دور
فلا تطيلي البعد أكثر حتى لا يتطور الأمر أكثر
ولا بد أنكِ تعرفين كيف تجعلينه يأتيكِ مشتاقا ولهانا
حتى لو اضطررتِ لتمثيل الرضا و التسامح حتى تعود المياه لمجاريها
ثم تحلون الأمر بهدوء
وتذكري الرجل لا يحب أن تقول له زوجته أنت أخطأت مهما كان


واحمدي الله انها لا تتعدى النظرة
وفكري بحال نساء غيرك حالهن أسوأ منك
وأزواجهن يفعلون الكبائر و بل و اكبر الكبائر اعاذنا الله و إياكِ
و بإذن الله يهون الأمر عليكِ لو قليلاً

أما أنكِ لا تنسين فهذا الطبع كان عليكِ أن تتركيه في بيت أهلكِ قبل زواجكِ
فلو حملت كل زوجة أخطاء زوجها في قلبها
لما بقي بيت عامر من بيوتنا
فمن أساسيات الاستمرار في الحياة الزوجية هو التغاضي
فابحثي عن فن التغاضي و تعلميه

و حاولي اصلاح ما بينك و بين زوجك
ولا تنسي أن بينكما طفلة
تستقي منكِ غضبكِ و حزنكِ و تشعر بكِ حتى عندما تضمينها لصدركِ
نعم ستشعر صغيرتكِ بالحزن بسببكِ

اهدئي و توكلي على الله
و غيري من نفسك و استشعري معنى الزواج
و أهمية هذا الارتباط فهو ليس علاقة عابرة يمكن انهاؤها في اي لحظة
بل هو ميثاق يجب أن يستمر للأبد بإذن الله

ولكن تذكري : يجب أن يعاهدكِ أمام الله ألا يعود لما فعل
واجعلي غضبكِ منه لله أولاً ثم لنفسكِ

والله يصلح حالكم و يرضى عنا و عنكم

الله يسعدك ضحكتيني عاااااادي كبري عقلك انا لو منك كان وقفت اضحك عليه وعلى منظره وهو يطالع وكان أخديتها مزح ومشي حالك الله يهديكي عملتي مشكله ونكدتي على نفسك لايمكن في رجل مايطالع في هالزمن بس انتي لاتدققي في كدة مواقف حسسيه انك تغيري وتزعلي بس بدلع وبدلال مو تكشري وتقلبيها نكد يعني انت لو شفت واحد حلوووووووو قدامك حتطالعي نظرة وبعدين تغضي البصر لا تزعلي نفسك انا حصلتلي مواقف زي كدة وانا لسة في شهر العسل بس لمن يحس انك واثقة من نفسك وان الحركات دي حركات صغار حيبطل ويحس بالخجل وبدون عتاب ونكد بالعكس ابتسامتك الحلوة مع نظرة عتب بسيطة يتخللها ضعف ودلع كفيلة انها تحسسه بالذنب الله يوفقكم يارب

لاياحبيبتي لاغريبة ولاشي،، يعني الشيطان لعب عليه بذاك الوقت وخلاه يشوف وحدة مو حلاله،، شي مو غريب ويصير دائما خاصة بعدم وجود الوازع الديني ..!

الغريب هو موقفك أنتِ !!

ياعزيزتي أنا زوجة مثلك وأعرف الغيرة زين وأعرف كيف نارها تحرق ..!

لكن ماهكذا تورد الإبل وتصرفك أبدا ماكان سليم !!

وش استفدتِ ؟؟!

نكدتِ على عمرك، وخربت سفرتك، وزوجك ولاحس فيك !!

لو إنك بوقتها بينت زعلك وغضبك بدلال كان رضاك لين طاب خاطرك ،، لكن القسوة اللي كنتِ فيها بذاك الوقت زفرته منك !!

الرجال مايحب الحرمة النكدية وينقهر منها، والدليل إنه ماتحمل الجلسة معك ورجعتوا من سفرتكم بسرعة، وشوفيه مطنشك الحين حاطك عند أهلك ولايرد عليك !

أنا ماأبرر له لكن من اللي ماقد أخطأ ياحبيبتي ؟؟! منزه هو ؟؟ ولامعصوم عن الخطأ ؟؟ أنتِ عمرك ماأخطأتِ ؟؟!!
وبعدين الجايع إذا حطيتي قدامه سفرة كبيرة ولابوفيه مفتوح ماتراوده نفسه إنه يروح وياكل منه حتى لو سرقة ؟؟!
هذا بالضبط زوجك !!

كان محتاجك لكن فيه شي منعه، وشاف قدامه منظر قد يكون مغري فلعب عليه الشيطان واستمتع بالنظر !!

المفروض إنك فكرت بهالشي وماخليتيه يروح عن بالك، لكن الغضب أعوذ بالله منه ..

أجل لو كان زوجك يشوف أفلام اباحية وش بتسوين ؟؟!
بتطلبين الطلاق ؟؟!!

راجعي نفسك أختي ولاتخلين السالفة تكبر أكثر من كذا، بعدك عن زوجك الآن يحدّه على مثل هالتصرفات !

الله يسخرك له ويسخره لك ويبعد عنكم كيد الشيطان ..

يا اختي كيف اضحك عليع وانا اشوف الشهوه بعيونه واشوفه كيف يطالعها مو هي لا........وانتي قلتي اذا واحد حلو اطالعه نظره وبعدين تغضين البصر هو يطالع ..... وبعد عينه ورجع يطالعها مره ثانيه صدقيني الموقف مره صعب على الي عاشه

يرجى عدم كتابة الكلمات غير اللائقة ..

جنة الدنيا الحين هو سوا الحرام وانا الي اطلع النكديه وبعدين كيف يبي يجلس معي اصلا ماله وجه لانه عارف اني خلاص ما راح اصدقه في اي شي يدعيه مستقبلا

اقتباس:

المشاركة الأصلية كتبت بواسطة قهههر جنة الدنيا الحين هو سوا الحرام وانا الي اطلع النكديه وبعدين كيف يبي يجلس معي اصلا ماله وجه لانه عارف اني خلاص ما راح اصدقه في اي شي يدعيه مستقبلا

حكمتي عليه أنه سيكون مدعي ؟؟
و أنه سيكذب عليكِ دائماً في حبه و مشاعره
أم ما الإدعاء الذي تقصدين ؟؟؟


ثم من قال لكِ أختي أن هناك رجل لا ينظر إلى النساء
كلهم ينظرون و بنفس النظرة لكن تختلف نسبة الخوف من الله ثم الخوف من نظرة من حولهم و احمدي الله أنها مجرد نظرة لم تتعداها

ما الذي تريدينه الآن ؟؟
الطلاق !!!
أم الحياة مع الشك في شيء لا أصل له !!

أم عودة المياة لمجاريها
وتطهير القلوب من الشك قبل يأخذ هذا المرض من قلبك مأخذه
ويصعب عليكِ التخلص منه

اتقي الله في نفسك و في زوجك
واعقلي يا أختي و لا تتعجلي

أصلح الله حالكم

راجعي الردود أعلاه أظنكِ لم تقرأيها

أختي الله يعافيك تراكِ قاسية جداً على زوجك ، وأتوقع من طريقة كلامك أن زوجك مدلعك وشخصيته ضعيفة .

وبعدين ياأختي الله يعافيكِ الرجل يختلف عن المرأة في التفكير والأسلوب والعواطف .

كنت اتمنى انك تقفين بجانبه بدلاً من أن تقفي ضده ، يعني مايكفي انه صبر أربعين يوم وبعدها جاْت اختها (على قولتك) وفوق هذا كله تزعليه !!!

أختي

الحقي نفسك وصلحي أمورك مع زوجك وقفي بجانبه ، وأعطيه كلمات حلوة ( مثل : حبيبي أنا مشتاقة لك موت كلها كم يوم وتنتهي . . . وبعدها راح أنسيك عمرك .

والله يسعدكم مع بعض .