1ـاجعل الابتسامه مفتاح دخولك البيت "لأنها ماهيب ناقصة فوق شينك قوات عينك "
2ـ حاول دايم تناظرها بعيون مبهوره ( بعني فهمها انك معجب بطريقة مكياجها وتصفيف شعرها ويا ويلك لو قلت وراك كا شخة لأن سؤال مالة رد الصراحه .. هو في غيرك في البيت تكشخ له
)
واذكر زميلتي وقعت في نفس هذا الموقف راح زوجها يجيب العشاء وهي راحت لبست واتكشخت اول ما فتح الباب وشافها قلها خير على وين انشاء الله مافي طلعة
مسكينة جاها حاله احباط
3ـ حاول انك ما تستخدم كلمة لا او كلمة نعم واستبدلها بكلمة انشاء الله ( لان كلمة انشاء الله تقدير استطاعه وغير كذا يهد 60% من اللى في راسها)
4ـ حاول تداعبها بين فتره والثانية لأنه في المداعبة تطهير لكل زله جات منك لها
5ـ احرص على عدم ذكر اي حرمة اخرى قدام زوجتك(يعني لا تنسى نفسك قدام الــ MBC وبدل ما تقولها يا نورة جيبي الشاي تقول بالله يا روان اعطيني الموية.. وعقبها ليلتك ذيك الليلة اللى عقبها ما تشوف يوم ابيض)
6ـ حاول كل ما جيت تدخل البيت تقول كلمة اشتقت لكم كثير.. يعطي الحرمة احساس انك كنت تفكر فيها في عملك او في غيابك هالفترة البسيطة وصديقني يعطي الزوجه احساس بلأهمية وهذا يسوى عندها الدنيا وما عليها
7ـ حاول بين فترة وفتره تقولها احبك لأن هالكلمة لها إقاع رهيب في داخل قلب الزوجه والزوج في آن واحد ويخلق احساس دافئ بالطمأنينه بين الطرفين
8ـ حاول انك تدخل معها المطبخ حتى لو تسولف معاها ماهو شرط تساعدها (لان في النهاية عكست فكرة الرجل المتسلط والمتكبر على أعمال الحرمة وهذا يعطي الزوجه انطباع جيد وثقة في آرائك)
9ـاذا كان عندك اولاد لا تحاول تدلعهم بدون لاتذكر لها فضل بعد الله في انجابهم لا تحاول تفهمها انها مجرد ولااااده حاول كل ما لميت طفل تناظرها بعيون راضية أنك في الاخير تعطيها انطباع الزوجة اللى انجبتها وبفضل الله ومن ثم هي ولأن احساس الحرمة دائما كذا يحاول يوصلك فكرة انه لولا الله سبحانه ومن ثم جمالها ما شفت اولا حلوين زي كذا وطبعا هي تستحي تقول حاول انت تسبقها وتقول هالكلام العظيم اللى بيخليها ترتفع مترين ونص عن الارض وغير كذا لا تحاول تدلع الاولاد كثير قدامها لأن فية بعض النساء وليس جميعهم يغار من هالتصرف
10ـ حول تستشيرها في بعض الامور حتى لو ماهوب مهم استشارتها لأنك في استشارتها تعطيها اهمية في صنع القرار ويكون دافع نفسي عظيم في فتح الباب لها في استشارتك في جل امورها واللى تكون باب اصلاح في بيتك..
11ـ حاول اذا استشارتك زوجتك في ملابس او عطر لا تذمه لأنك لو ذميته او قللت من قيمته معناته انك تذم ذوقها مما يخلق حاله الاحباط عندها وخاصه انها قصدت تتجمل لك ياااااااااااااااخي
وفي النهاية الطرق كثيرة واجملها لا ضاقت عليك وقلت لها قولي آآآمين وقالت آآمين وهي متوقعه تقول لها الله
ياخذك وتظهر منك كلمة (أحبك)
وفي النهايه تمنياتي القلبية لكل المتزوجين حياه سعيدة بعيدة عن المشاكل بأذن الله
ادري ان الحريم جالسين يدعوا علي بس احب اقولهم شي كله في صالحنا
واذكركم( إن كيدهن عظيم)
وتقبلوا تحياتي..
06-08-2003, 11:33 PM
كيف تشكم الحرمة
ضوابط المشاركة
العرض المتطور