السلام عليكم و رحمة الله و بركاته،،

صدقوني يا أخواني و أخواتي اني ترددت أكثر من مره اني اكتب موضوعي

و كنت حاسه بأحراج قوي و السبب مشكلتي اللي مالها نهايه و هي ان زوجي

زوجي طلقني و أنا حامل ف شهري التاسع و السبب أفلوس النفاس و من يوم حملت

معاملته لي تغيرت و من فتره عرفت انه يحب وحده و يريد الارتباط فيها

و بعد ان عرفت بالموضوع تهاوشنا و ضربني وانا ف شهري السابع و لم يفكر

ف اللي ف بطني و للأسف ان اهله هم السبب الرئيسي في المشكله


ودايما يقولون له ان زوجتك تسوي لك سحر و أعمال لكي تكون خاتم ف أصبعها و العياذ بالله منهم

لدرجه انه اخذ اغراضي و وضعها ف كيس اسود و أعطاها أختي و قال لها

وصليها لأختك لأني طلقتها طلقه واحده و كانت ف التلفون و كان معه شهود

و بعد ان عرف والداي بالموضوع منعوني من مكالمته و مب راضيين ارجع له

و أنا احبه ومابي اخسره و لا ابي المولود الجاي يتعذب و السبب احنه

قولو شالحل و شاوسوي مع انه كل يومين او اربعه يطرش مسج و يسأل عني و عن

بنتي اللي ف بطني بس أنا ما ارد عليه

دورو لي الحل و اللي يسلمكم لأني و الله محتاره

__________________

لا حول و لا قوة الا بالله ان شاء الله يثوب الي رشده و الله يهديه و يراجعك أصبري و اكثري من الاستغفار

ما فهمت يعني ايش طلقك عشان فلوس النفاس هل هو فقير لهذه الدرجه؟؟؟؟؟؟؟؟؟؟؟؟

__________________
الحمدلله علي أنعم الله الظاهره والباطنه

غاليتي

ياليت توضيح اكثر


لمشكلتك


كيف عرفتي انه على علاقه


ومادخل النفاس وفلوس

ومادخل اهله


وماسبب طلقته لك


الله يفرج همك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

لا الحمدلله احنه عايشين بخير

بس كل ما اقول له ابي افلوس يقول ما عندي دبري نفسج حتى تخيلو ان ما عطاني ولا فلس

عشان اشتري اغراض البيبي و اغراض النفاس حقي و الله اني انحرجت من اهلي

و كان يقول لي انا احبج بس ما اقدر استمر معاج لأني احب وحده ثانيه وابي اتزوجها


و صدقوني ان عمري ما قصرت عليه ف شي حتى وانا حامل شايلته فوق راسي

و ما اقول غير الله كريم

__________________

لا حولة ولا قوة الا بالله الله يهديه ما قدر علي مصروفك وبيروح يتزوج تاني اكيد اختي في دافع لدالك عنده او شىءاخر يا ريت توضحي ان شاء الله الكل ينصحك
يارب يسهل امرك

__________________

	ربي لا تدرني فردا وانت خير الوارتيين

اختي اشتكي لله و استخيري في أمورك كلها و ادعيه ان يرشدك لما هو خير لك

الله يعينك

اعانك الله يالغاليه

ونصيحه لاتضغطي على زوجك الان واتركيه في حاله

ومصاريفك اطلبيها من اهلك


الى ان تلدي بالسلامه

وصدقيني الطفل سيكون نقطة وصال بينكم

بس خفي عنه الان ولا تتجادلي معاه بااي شئ

وبيفرجها ربك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الله يصبرج اختي على مابلاج ويكون في عونج ويقومج بسلامه ويهدي لج زوجج ويبعد عنكم عيال الحرام
عليج اختي بالدعاء وقراءة القرآن بستمرار والمحافظه على الصلاه في وقتها
وخلي الاستغفار دايمن على للسانج
أتمنى لج كل خير حبيبتي
اختج الدكتوره طرووفة

والله انصدمت و انا اقرا الموضوع
و جالسة ادعي انه المشكلة تكون لاحدى صاحباتك و انتي بس تنقلينها
الله يعينك حبيبتي .. مادري ايش اقولك

اولا : لازم تسألي حد عن حكم الطلاق اثناء الحمل .. لاني اعتقد سمعت انه الطلاق لا يقع
والله اعلم اتأكدي

ثانيا : سيبيه الان شوي.. و خلي بالك من اللي في بطنك .. و من صحتك اهي اللي بتفعك
و الله يخلي لك اهلك .. لا تتضايقي و تزعلى وكلي امرك لله .. لانه الزعل مش حلو عشانك
الان و في فترة النفاس ...
ادعي وقت الولادة ان الله يحنن قلب زوجك عليك و على بنته و يهديه لك ..
ان شا ءالله تفائلي خير بالمولودة .. اكيد لما يشوفها راح يحس بالابوة
و ينسى كل شي و ترجع الامور لمجاريها
انتي هدي الموضوع الان و ما تكلميه الا لما تولدي .. دقي عليه يجي يشوف البيبي

يا رب يا حنانا يا منان .... اهدي زوج اختي ضوى لها ..و اجعلها قرة عين له
و اجمع بينهم على خير
ووفقهم لما ترضاه

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله