صبـاح الـورد واليـاسمين

شلونكم ؟ شخباركم ؟ عساكم ابخير ؟

تاريخ 19 - 9 يبدأ دوامي في جامعتي

وإذا الله راد باقي لي 3 كورسات واتخرج :14:

يعني الكورس الأول والثاني والصيفي آخذ فيه التريننج

والسنة اللي راحت انشغلت فيها بسالفة الزواج وما ادري شنو واهملت جامعتي < لا استفدنا من هالزواج ولا اتفوقنا بالجامعة < خيبه

و عندي 5 مواد ما قدمت إمتحانهم النهائي ولازم ببداية الكورس اكون امقدمته

والعوق والمشكلة وين ؟

إن آنه ماعندي ولا كتاب ما شريتهم اللهم كتاب واحد ..

لأن آنه وصديقاتي متفقين إن كل وحده تشتري كتاب

وتلخصه كـــــــله عشان مانضطر نشتري كتب

وبما إن آنه في جامعة خاصه - لسوء الحظ - الكتب عندنا غاليه نار

يعني عادي الكتاب يكون بـ 30 أو 40 دينار

يعني بـ حدود 300 ريال !!

المهم ،

ولسـوء الحظ أكثر ... صارت هوشه كبيييييييييره وتفرقنا آنه وصديقات الجامعة

والكتب ضاعوا علي لا من كتب ولا من تلخيصات !!

فَ ألحين عندي رحلة بحث عن كتب وحدي دايخه من هالسالفه

والأدهى والأعظم تاريخ 15 لازم اروح اسجل ..

وآنه اتهرب من الدكاترة لأنهم وايد يقعدون يعاتبوني وحدي مفتشله منهم

والأعظم والأدهى والأشد إن لازم آآخذ 7 مواد هذا الكورس

و 7 مواد الكورس الثاني

والتريننج في الصيفي

ومافيه أي فرصة عشان آآآخذ نفس

مع إن [ كنت ] من المتفوووووووووووقات

خلال سنة تزوجت وتطلقت وانشغلتتتتتتتتت عن دراستي

اتخيييييييييلوا الوضع ..

من بداية الكورس لازم امتحن في 5 مواد

ولازم اتفوق في 7 مواد تبع هذا الكورس

: ( مهمتييييييييي جداً صعبة

ولكن مثل ما يقولون آآآآآآآآنه أخت رجال .. يعني قدها وقدود

بس أحتـــــــاج حق دعواتكم .. من كل قلبببببببببببب

عشان اتخرج وافتــــك

واصير محاميه .. وبعدها ترى انتوا المستفيدين بخدمكم بعيوني

أي أحد تبون تتبلون عليه اتدخلونه السجن نحنُ بالخدمة < ترى امزح لا تصدقوني

بخدمكم بالخير والعافيه

بس صج صج ادعووولي داخله على سنة صعبببببببه جداً جداً جداً

وراح اكون في تحدي كبير مع نفسي لأن نزلت حق الـ جيد جداً

وآنه امقرره ارتفع حق الممتاز بأي طريقة إذا الله راد وآنه متكله على ربي ثم على دعوات والديني ودعواتكم

ومن ألحين شمرت عن أكمامي

بس فيني شوية إحباط بادي يتسلل لي .. من الخوف والربكة

حتى العيد إللي محد يسبقني عشان اتجهز له آنه للحين ماتجهزت له

حتى تخفيضات الـ center point طااافتني مع إن لو لحقت عليها كان استغليت الـ shoe mart وlife style ابشع استغلال

بس قدرَ الله وما شاء فعل

المهم طالبتكم ادعــولي .... لأني صج محتاجه حق دعوات صادقه ومن القلب

رحم الله والديكم : )

أسأل الله أن يعينك ويعين كل مسلم

__________________

الله يوفقك
ويسر اموورك
وانتي قلتيها بنت رجال
وقدها وقدود

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

الله يوفقك يالغلا[ ويسهل دربك هم انتي ادعي بالفرج لكل مهمومة والعافية لكل مريض وادعي وقت الافطار الدعوات مستجابة باذن الله وقتة

__________________

مشكـــــورين كلكم فدييييييتكم ، وأكيد دعواتكم دفعة معنوية بالنسبه لي

سـالي ، فديتج والله مو ناسيه أحد من دعاااائي .. وشامله الكل

واتمنى لَ الكل التوفيق وإن كل شخص يحقق أحلامه وأمانيه وطموحاته

ولكل مغترب يرجع لوطنه

وكل مريض الشفاء العاجل

ولكل مكروب إن يفرج الله كربته

ولكل عازب وعازبه الله يزوجهم

والمتزوجين بالذرية

إن شاء الله فديتج ، كنت غافله عن نقطة الدعاء وقت الافطار

عسى الله يوووفقكم كلكم .. تسلمون فديتكم

الله يوفقك

و تصيرين أكبر محامية في العااااااااااااااالم

بس عاد عندي مشاكل كثيررررررررررررررة الله يعينك نشبة !! أمززززززززززززح

__________________
ليتني طفلة أكبر همي لعبتي

حبيبتي الله ييسر امورج ويسهل لج كل صعب يارب
وبوفقج بالدراسة وكل حياتج ,,
وكلها كم شهر ان شاء الله وتجين تبشرينا بأحلى شهادة من أحلى محامية =)

__________________

عسى الله يوفقج وتمر هالسنة مر السحاب وتكون سنة افراح ومسرات

بما اني درست في بلدكم الغالي البحرين

تقدرين تروحين جامعة البحرين بالصخير

هناك يبيعون كتب مستعملة وجيدة

والكتاب لا يتجاوز ال 5 دنانير بحريني

وبالتوفيج حبيبتي

__________________
لا اله الا انت سبحانك اني كنت من الظالمين

جداويه ، فديتج تحت أمرررررررج أفا عليييييج

^_^ حاضرين للحلووووين .. بس خل اتخرررررج وبعدين يحلها ربج

؛

منت عاجبني ، وااي فدييييت الشيف منت عاجبني آنه

الله يسمع منج يييييييييييييييييارب


؛


موهبة الكويت ، صججججج ليش محد قال لي ؟

توني آتشكى حق بنات خالتي ولا وحده منهم قالت لي ان بجامعة البحرين إن فيها كتب مستعمله

مع إنهممممممم بجامعة البحرين

خلاص يبيلي اشتري من هنااااااك

لأن بصراحة استخسر اشتري كتاب بـ 30 أو 40 دينار !

وكلها 3 شهور وباقطهاااااااا !! حرام مابي

^_^ مشكووورة فدييييييتج صج صج خدمتيني يعلني اخدمج بالافراح ياقلبي


/

تسلمون حبايبي عسى الله يوفقكم يارب

^ صحيح آنا درست في جامعة البحرين وفيها كتب مستعملة
اول ما يبدأ الكورس راح تلاقين الاعلانات بكل مكان
في الحمامات الله يعزج والممرات
وفي بعد معرض خاص لبيع الكتب المستعملة
والله يوفقج

(ما توقعت إن الكتب الجامعتين مثل الشيء عشان جذي ما فكرت اذكر هالمعلومة :s )

__________________